Rasman Zidane "Castilla" boshqaruvini egalladi. Mutaxassis ishini boshlab yubordi. U keyingi mavsumdayoq jamoani Segundaga shijoat bilan qaytarmoqchi. Uning zimmasidagi asosiy vazifa ham aynan shu. Lekin shu bilan birgalikda Zizu ajoyib iste'dodlarni saralash vazifasini ham bajaradi.

Shunday qilib, Zidane boshqaruviga o'tuvchi bo'lajak "yulduzchalar" ro'yxati ham ma'lum. Ular haqida qisqacha ma'lumot beramiz. Ishonavering, quyidagi ro'yxat shunchaki futbolchilar nomi emas...

Marcos Llorente (19 yosh, yarim himoyachi):

Marcos "Juvenil A" jamoasining haqiqiy markaziy "miyasi" hisoblanadi. To'pni ajoyib tarzda o'zida saqlab turadi, maydonni aqlli va keng gradusda ko'ra oladi. Uni "yangi Alonso" deb atash mumkin. Agar "Castilla" Segundaga qaytishni istasa, Marcos bu ishga katta hissa qo'shishga qodir.

Jose Leon (19 yosh, himoyachi):

Ispaniya yoshlar terma jamoasi a'zosi, "Juvenil A" sardori. Uning bo'lajak jahon darajasidagi himoyachi bo'lishi hozirgi harakatlaridan ma'lum. Undan o'tish juda qiyin, ajoyib tarzda to'p bog'lanadi, to'pni aql bilan boshqaradi. Olisdan juda kuchli va aniq zarba bera oladi.

Cristian Sedres (18 yosh, chap qanot yarim himoyachisi):

Jozibador dribling, aqlga sig'maydigan tezlik egasi. Aynan shu sifatlari uchun birga-bir vaziyatlarda amalda g'olib chiqadi. Juda kuchli zarba egasi, to'p bilan "shavqatsizlarcha" muomala qiladi. Unda yarim himoyachiga xos hislatar mujassam.

Javi Munioz (19 yosh, yarim himoyachi):

U "soxta to'qqizlik" egasi. O'zini ideal darajada erkin va ishonchli his etadi. Yarim himoya va hujumni ajoyib tarzda bog'laydi, hujumchi rolini dirijyorlik darajasida ijro eta biladi. Uning xatari sof hujumchinikidan qolishmaydi. Munioz jamoasi olg'a yetaklay oladigan yetakchi.

Juanho Narvaes (19 yosh, hujumchi):

Uni "yangi Falcao" deyishadi. Juanho bor javobgarlikni his etadigan, vaziyatlardan unumli foydalanishga o'rgangan futbolchidir. Uning o'yin uslubi vaziyatlarni ko'kka sovurishga mo'ljallanmagan. "Juvenil A" to'purari.

www.merengues.ru

Fenómeno