![](http://www.real-madrid.uz/_nw/130/54736628.jpg)
Fransiya terma jamoasi va "Real"ning markaziy himoyachisi Raphael Varane o'yin haqida o'z fikrlarini bildirib o'tdi:
- Biz Jahon chempionatidan chiqib ketdik, bu esa hamma vaqt kayfiyatni buzadi. Lekin Fransiya chempionatni boshini baland ko'targan holda tark etmoqda. Bizda ajoyib tarkib hosil bo'ldi va biz pand bermadik. Bu jamoa hali ko'p yutuqlarni qo'lga kiritishi mumkin. O'yindan keyin jamoaning kayfiyati yo'q edi. Griezmann yig'ladi, Valbuenaning esa kayfiyati yo'q edi.
Havoning issiqligiga qaramay biz maydonda ancha ter to'kdik. Ko'pchiligimiz uchun bu birinchi katta musobaqa. Shuning uchun ko'pchilik hissiyotlarga berildi. Lekin muxlislar biz bilan faxrlanishi mumkin, chunki biz qo'limizdan kelgan barcha ishni qildik. Bu mag'lubiyatdan xulosa chiqarib kelajakda katta g'alabalarga erashamiz, degan umiddaman.
Yevro-2016?
- Bizni hozirgina Jahon chempionatidan chiqarib yuborishdi, avval o'zimizga kelib olishimiz kerak, keyin biron narsani rejalashtirsak bo'ladi.
Germaniya - juda kuchli jamoa. Ular yuqori darajadagi o'yinlarni ajoyib tarzda o'tkazadilar. Biz ularga bosim o'tkazdik, lekin maqsadimizga yeta olmadik, ularni xato qilishini kutishga vaqt yetmadi.
Hummels gol urgan paytida qoidani buzgan edimi?
- Balkim hakam xato qilgandir, lekin xushtak chalinmadi, demak qoida ham buzilmagan. Men bunday yakka kurashlar 2-3 martasida g'alaba qozondim. Lekin aynan shu yakka kurashni boy berdim, - deb aytib o'tdi, Varane.
Manba: vk.com
Zidane_5
|