Bu xabarda biz va jamoa uchun muhim bo'lgan omil haqida fikr yuritamiz...

Darvozabon Keylor Navasning "Fiorentina"ga qarshi maydonga tushishi Carlo Ancelottiga qo'l keldi va Iker Casillasni super kubokda maydonga tushirishga qaror qildi. Keylor ajoyib seyvlar qildi, lekin hali jamoaga moslashib ketganicha yo'q. Biroq darvozabonlardanda muhim faktorlar ham yo'q emas. Bu Khedira va Di Maria...

Bu ikki futbolchining transfer oynasidagi "g'iybati" "hit" darajaga ko'tarildi. Sami o'z xohishi bilan jamoani tark etmoqchi ekanligini aytgan. Boshqa jamoalar bilan muzokaralar olib borgan. Lekin keling, faqirgina Angel - "farishta" haqida alohida to'xtalsak!

Bu fikrlarga o'sha "Fiorentina"ga qarshi o'yin va hokazolar sabab bo'ldi. Khediradan farqli o'laroq Di Maria ochiqchasiga Madriddan ko'chib ketishini aytmagan. U shunchaki, klubdan ilinj kutmoqda. "Angel, sen bizga juda keraksa, qadrlisan Madridda qol", mazmunidagi iliq fikrlarni kutmoqda.

Shunchaki qandaydir biz bilmagan sabab Angelning ko'nglini xira qilgan va boshqa jamoa haqida o'ylay boshlagan. Carlo Ancelotti, Cristiano Ronaldo va bir qancha jamoa vakillari Di Maria ular uchun kerak ekanligini aytishdi. "PSG" bilan muzokaralar deyarli sindi. "Man Utd"ning taklifi esa "Ugra" tomonidan qabul qilinganicha yo'q.

Bir tarafdan futbolchining ich-ichidan "Madrid"da qolish istagi, ikkinchi tomondan jamoaning qo'llab-quvvatlashi, uchinchi tomondan "PSG" bilan nursiz muzokaralarning olib borilishi aftidan Angelitoni qolishiga oydinlik kiritmoqda. Buning isbotini "Fiorentina" bilan o'yinda ko'rish qiyin emas edi. Dima bu o'yinda nimalarga qodir ekanligini yana bir bor isbotladi. Aksincha, Khediraning xatosi jamoaga qimmatga tushdi va Navas darvozasiga to'p kelib tushdi.

Mana shunday voqelikdan so'ng, ko'pchiligimiz Di Marianing qolishidan mamnun bo'lsak ajab emas, "Atletico" bilan super kubokda esa aynan uning asosiyda bo'lishi eng yaxshi tanlov bo'lar edi.

www.real-madrid.uz

Fenómeno