Asosiy » 2013 Avgust 29 » TILGA E'TIBOR - ELGA E'TIBOR...!
09:13 TILGA E'TIBOR - ELGA E'TIBOR...! | |
 Assalomu aleykum madridliklar jamoasining jonkuyar va ashaddiy muhlislari! Bugun saytning ham administratori va kichik bir a'zosi sifatida sizlarga ayrim xunuk voqeliklarga yuzlanmasam ish yanada boshi berk ko'chaga kirib qolishi muqarrar, shu sababli kasalni da'volamasdan turib, oldini olgan ma'qul...! Birinchi masala Saytda ayrim yuzerlar bu narsaga yanada ko'proq e'tibor qilishsin! Sayt ma'muriyati imkon qadar sizlarga "osmondan tushgan" xabarlarni emas, balki mavjud "Real Madrid"ga oid yangiliklarni yetkazmoqda. Bu saytga kirishdan maqsad nima? Albatta klubga oid ko'plab xabarlardan voqif bo'lishdir. Xayron qolarli tarafi, agar saytda xabarlar kam chiqib qolsa, "Adminlar uxlab qoldilaringmi? Turinglar", "Bu saytga kimdir qaraydimi o'zi? Yoki qarovsizmi?" degan hurmatsizlarcha gap-so'zlar yetib kelmoqda, bu jumlalarda haliyam so'zlarni qo'pollashtirmay, qog'ozga o'rab yetkazyapman. Nima, adminlar inson emasmi? Ularni o'z tashvishi bo'lishi mumkinmi? Yoki 24 soat uxlab yotamizmi? Kechirasizlaru, biz shunchaki bu saytni ochib qo'ymadik! Imkon bo'ldi deguncha sizlarga ko'proq va qaynoq xabarlar yetkazamiz! Bizni ham yumushimiz, ish joyimiz bor... Xabar kam kiritsang yangiliklar qani deyishadi-yu, xabarlarni "Kamazi" bilan chiqarib qo'ysang, "har qanaqa xabarlarni kiritmanglar", "o'ylab ish qilinglar", "adminlar ham shunaqa bo'ladimi?" Bu nima degan gap? Xo'sh, biz nima qilaylik yana??? "o'tirsa o'poq, tursa so'poq", xullas nima qilishga odam xayron! Yoki bizlar boshqa klubga yoki futbolga oid bo'lmagan xabarni to'qib chiqarib qo'ydikmi? Albatta bu ba'zi yuzerlarga tegishli, hammaga ham emas!!! Hurmatli fanatdoshlar, siz shu saytdan foydalanyapsizmi? Marhamat qilib saytga bo'lgan hurmatni saqlang! Saytni hurmat qilish, ma'muriyat va sayt muhlislarini hurmat qilish degani! Ikkinchi masala Hozir men saytni taniy olmay qolayapman...! Deyarli har bir xabarda tortishuv va undan ham yomoni qo'pol va so'kish so'zlari keltirilmoqda. Nima bu katta ko'chami? Yoki shaxsiy ofis, uymi? Saytga butun O'zbekiston va MDH davlatlaridan mehmonlar tashrif buyurishadi. Insonda MADANIYAT degan tushuncha bo'lishi kerak! Bizlar yosh bola emasmizku! Afsuski saytga kiruvchi mehmonlar orasida har xil klub fanatlari ham bor, bu holatlarni ko'rib mazza qilib qotishayotgandirlar...! Kamiga, ashaddiy raqiblar tomonidan ham saytga kirishadi, tortishuv va qo'polliklarni ko'rib gap-so'zlarni avjiga chiqaradi, shu sizlarga kerakmi??? Ba'zi yuzerlar bilan shaxsiy aloqaga chiqsam, ters gapirib, gapga ko'nmaydi, shundaylar borki, go'yo biz hech kimu, ular oshirib qo'ygan...! Ogohlantiraman!!! Mana shu xabar chiqqandan e'tibor tartib-intizomga qattiq e'tibor beriladi. Buni u va bu quloq bilan ham yaxshilab eshiting! Xabarlarni kuzatishimizda, agar kimda-kim hurmatsizlarcha munosabatda bo'lsa, so'kish so'zlarini yozsa, 20% ogohlantiriladi, agar bu holat davom etsa, yana 4 marta ogohlantiriladi, jami 100% lik ogohlantirish bilan login blogga tushadi va boshqa saytga o'z logini bilan kira olmaydi...! Agar haddan ziyod hurmatsizlik paydo bo'lsa, hech ikkilanishsiz, bir martadayoq blog qilinadi...! Barchadan uzr so'rayman, ammo bunga majburmiz. Keling, fanatlik ishini amalga oshiring, ha mayli juda chiday olmasangiz, so'kish so'zlarini o'rnida 3 nuqta qo'ying, hamma tushunadi shuni. Xalqimizda qadimdan meros hikmat bor: "TILGA E'TIBOR - ELGA E'TIBOR". Uchinchi masala Yana shunday gaplar bo'layaptiki, ayrim fanatlarimiz noto'g'ri tushunchaga ega bo'lmoqda. Mayli, biz ularni tushunamiz, shu sababli oldindan ogohlantirib qo'ymoqchimiz. Saytimizda eng yaxshi narsa shuki, bizda yuzerlar tomonidan kiritilgan xabarlar tasdiqlanadi. Lekin bu narsa go'yoki o'zimizga zarar bo'layotgandek. E'tibor bering...! Agar saytda xabarlaringiz talablarga javob bersagina chiqariladi, bo'lmasa yo'q. Marhamat qilib xorijiy saytlardan xabarlarni do'ndirib, bexato, chiroyli qilib tarjima qilib qo'ying, xabarni manbasi (ssilkasi)ni to'liq kiriting, xabarga oid rasm kiriting, biz albatta uni tasdiqlaymiz...! Mana, saytda Prince7, Samatov17, S_Ramos4, Uz_Madridista, Sergio-Franklin-Gates, Zidane_5 va boshqa yuzerlar bor, har kuni ularga tegishli bir nechta xabarlarni o'qiysiz, bizga ular hech qanaqa tanish emas, oshirib ham qo'ymagan. Ular ham avvaliga xabarlari tasdiqlanmay, tushunmay norozilik qilardi, ammo talablarni tushungach, binoidek yangilik kiritishni o'rganishdi, agar istagingiz bo'lsa kiriting, bo'lmasa saytda ishqiboz sifatida faol qatnashing, shuni o'zi bizga kifoya qiladi...! Yana shunday deyilmoqdaki, agar xabar chiqsa "...shu xabarni men chiqardim, birovni nomiga tasdiqabsizlar adminlar", deyishmoqda, Yo'q, yo'q, hech qaysingizni xabaringiz bizga kerak emas, shunchaki saytda bir necha kishi bir xil mavzudagi xabarni kiritsa, ular orasida eng yaxshi tanlab olinadi va tasdiqlab beriladi xolos! Bu xabar yodingizda tursin, zero ogohlantirilmadi degan shikoyatlar paydo bo'lmasligi kerak. Barchangizga omad tilayman. Bu narsani ham iltimos, ham talab sifatida qabul qiling, bizni to'g'ri tushuning, tartibli bo'ling...! Sayt ma'muriyati nomidan RM_CRISHTU_7 | |
|
| |
| Barcha fiklar: 88 | 1 2 3 4 5 » | |||||||||||||||||||||||||||||||||||||||||||||||||||||||||||||||||||||||||
so'ngi uchrashuv
La liga jadvali
Liga to'purarlari
SUHBAT
lex.uz
saytda
ONLINE: 2 RO'YXATDAN O'TMAGAN FOYDALANUVCHILAR: 2 MADRIDISTLAR: 0
Mobil ko'rinish
RONALMADRID (ADMINISTRATOR) © 2024
| ||||||||||||||||||||||||||||||||||||||||||||||||||||||||||||||||||||||||||
0
