Mana, Mundial final ostonasida, bugun esa final, hal qiluvchi jang! Unda Germaniya va Argentina terma jamoalari kuch sinashadi. Ular uzoq vaqt davomida kubok haqida o'ylaydi. Bu o'yin esa ikki terma uchun ham katta imkoniyat.

"Marakana"dagi bahsni italiyalik asli kasbi arxitektor bo'lgan Nicola Rizolli boshqaradi. Ko'pchilik hakamlikka yevropa va amerikalik bo'lmagan shaxs (jumladan R.Ermatov) tayinlanishini kutgandi, ammo FIFA... Qiziq tomoni Nicola mazkur Mundialda Argentinaning uchinchi uchrashuvini boshqaradi, shubhalimasmikan? Nemislar o'zbekistonlik hakam Ermatov va yana bitta hakam nomini taklif etgan. Argentina esa faqat Rizollini, natijada esa...

Jahon chempionati finalida Yevropa va Janubiy Amerika jamoalari shu kungacha 9 bor o'zaro to'qnash kelishgan. Okeanorti mamlakatlari yevropaliklarni 7 bor mag'lub etgan va faqat 2 bor imkoniyatni boy bergan. 6 o'yinda asosiy vaqtda amerikaliklarning qo'llari baland keldi. 2 tasida yevropaliklarni. Umumiy hisob 20:8, amerikaliklar foydasiga. Faqat bitta o'yinda, 1994-yil jamoalar 120 daqiqa o'ynashdi. Penaltilar seriyasida 3:2, Brazilya italiyaliklarni mag'lub etdi.

Rizolli haqida yana bir ma'lumot. Ushbu hakam o'tgan yili Chempionlar ligasi finalini boshqargandi. Unda myunxenliklar dortmunliklarni taslim etgandi (2:1). 

Argentina va Germaniya o'z tarixlarida 20 marta bir-biriga duch kelgan. 9 tasida argentinaliklar, 6 marta nemislar ustun kelishgan. Qolgan 5 uchrashuvda g'olib nomi aniqlanmagan. To'plar nisbatiga e'tibor bering - 28:28. 20 uchrashuvdan 6 tasi Mundialga to'g'ri kelgan. Nemislar 3 tasini o'z foydasiga hal etgan. Demak, kuchlar teng. Faqat to'plar nisbati 11:5, olmonlar foydasiga. So'nggi 3 Jahon chempionatida Germaniya Argentinaga imkoniyat qoldirmayapti va g'alaba qozonyapti. 2006-yil penaltilar seriyasi (asosiy vaqt 1:1, p/s 4:2) va 2010-yil asosiy vaqtda argentinaliklarni tor-mor etgan (4:0).

Germaniya finalgacha ancha yengil chiqib keldi, argentina esa aksincha, qiyinchilik va kichik hisoblar va penaltilar seriyasi orqali oxirgi nuqtaga yetib keldi. Nemislar murabbiyi Joachim Löw dunyoning eng kuchli darvozaboni Manuel Neuerga ega bo'lsada, penaltilar tepishuvini ko'rishga ko'zi yo'q. Shuning uchun ham, asosiy vaqtda barchasini hal etmoqchi. Germaniya 3 bor yarim finalga yetib keldi, bu safar esa finalni qo'ldan bermoqchi emas.

Nemislar bir marta - Gana bilan bahsda katta qiyinchilikka uchradi. Argentina ana shu Germaniyani bugun o'yinda ko'rsa, raqibni mag'lub etishi mumkin. Kecha katta yo'qotishlardan biri - Angel di Maria umumiy guruhga qaytdi, Sabella uni dastlabki daqiqalardan maydonga tashlashi mumkin. Hozirgi "nemis mashinasi" eng xavfli raqibga aylangan. Shunday ekan, Argentina o'z o'yinini qilishiga to'g'ri keladi. Agar Germaniya chempion bo'lsa, u holda bu terma Amerikada g'olib bo'lgan birinchi Yevropa mamlakatiga aylanadi.

Asosiy figuralar kimlar? Nemislardan Tomas Muller. U to'purar James Rodriguezdan 1 ta kam gol urgan, 3 ta golli uzatma bergan. Jamesda esa 2 ta. Shunday ekan, Muller bugun 1 ta gol ursa, "Oltin butsa" uniki. Argentina tomondan so'zsiz bosh omil Messi! Leoda 4 ta gol, 1 ta golli uzatma bor, shunday ekan u 3 ta gol ursa, yoki 2 gol va 2 yoki 3 golli uzatma bersagina sovrinni qo'lga kirita oladi. Albatta Tomas bu paytda natijasiz qolishi kerak bo'ladi. Bu esa haqiqatdan ancha yiroq dunyoqarash! 

Final yakunlangach, musobaqaning eng kuchlisiga "Oltin to'p" topshiriladi. Unga esa argentinaliklardan Di Maria, Mascherano, Messi; nemislardan esa Kroos, Lahm, Muller va Hummelslar; braziliyaliklardan Neymar; gollandlardan Robben, kolumbiyaliklardan Jameslar da'vogar.

Eng yaxshi Mundial darvozaboniga topshriladigan "Oltin qo'lqop" uchun Neylor Navas (Kosta-Rika), Manuel Neuer (Germaniya) va Segio Romerolar (Argentina) nomzod. Eng yaxshi yosh futbolchi nominatsiyasiga Paul Pogba, Raphael Varane (ikkisi Frasniya) va golland Memphis Depay da'vogar. So'ngra chempionatning "Halol o'yin" sovrini egasi bo'lgan jamoa aniqlanadi.

Final tarixga kiradi! Gemaniya barcha chiziqlarda kuchli va hatto 2 talab futbolchiga ega. Argentinada esa Janubiy Amerika deyarli Vatandek gap. Kimga omad kulib boqadi yoki haqiqat qaror topadi, buni tunda bilib olamiz. "Marakana"ga Rossiya Federatsiyasi Prezidenti Vladimir Putin tashrif buyuradi va Braziliya Respublikasi Prezidentidan keyingi, Rossiya - 2018 Mundiali uchun estafeta tayoqchasini qabul qilib oladi. Germaniyani qo'llab-quvvatlash uchun mamlakat kansleri Angela Merkel tashrif buyuradi, Argentina Prezidenti Cristina Fernandes de Kirchner esa kasalligi sababli stadionga kela olmaydi.

www.football.kulichki.net

Fenómeno