"Sport" telekanali 26-fevraldan 27-fevralga o'tar kechasi 00:40 da Chempionlar Ligasi 1/8 finalida "Galatasaray" - "Chelsea" o'yinini jonli efirda uzatadi. "Schalke" - "Real Madrid" bahsi esa 03:00 da takroran namoyish etiladi. "Ntv+Futbol" kanali dasturlari ham shunday. Faqatgina "Ntv+Futbol 2"dan umid bor.
Eslatib o'tamiz, "Sport" telekanali martdan boshlab kuchli beshlik chempionatlarini namoyish etishi haqida xabar tarqalgandi. Bu o'z tasdig'ini topmadi. Martdan boshlab "Futbol kuni" ko'rsatuvi ishga tushadi va o'yinlardan lavhalar namoyish etiladi.
Sport” telekanali Yevropa chempionatlarini translyatsiya qilishi haqidagi xabarlar rad etildi “Sport” telekanali futbol bo‘yicha Angliya, Ispaniya, Italiya chempionatlari matchlarini translyatsiya qilishi haqidagi xabarlar rad etildi. Foto: shanlink.com O‘zbekiston Milliy teleradiokompaniyasidagi ishonchli manbalarimiz bergan ma’lumotga ko‘ra, “Sport” telekanali yaqin orada Angliya, Ispaniya, Italiya chempionatlari yetakchi klublari uchrashuvlarini to‘g‘ridan-to‘g‘ri efirga uzatishni rejalashtirmayapti. Kelgusi haftada “Sport” kanalidagi “Overtaym” ko‘rsatuvi yangi davriylik bilan efirga uzatilishi kutilmoqda. Ushbu dastur bugungi kungacha haftada bir marta efirga uzatilib, jurnalistlar Yevropa chempionati natijalari haqida yakuniy sharh tayyorlagan bo‘lsa, endilikda u haftada uch marta — Angliya, Ispaniya, Italiya chempionatlari bo‘yicha alohida sharhlar bilan efirga uzatiladi. Ko‘rsatuv xronometraji avvalgidek 50 daqiqa bo‘lib qoladi. 18-fevral kuni UFF.uz nashri “Erudit” gazetasi ma’lumotlariga asoslanib joriy yilning mart oyidan “Sport” telekanali yuqorida ta’kidlangan musobaqalarni translyatsiya qilishi haqida xabar bergan edi. Shuningdek, xabarda ta’kidlanishicha, ko‘rsatuvda 4—5 uchrashuvdan lavha berib borilishi ko‘zda tutilgan. Biroq bunda uchrashuvlar oralig‘ida teatrlashtirilgan lavhalar ham namoyish etilib, unda muxlislar birgalikda o‘sha uchrashuvni tomosha qilib borayotganlari ham ko‘rsatib o‘tilishi mumkin. Biroq MTRK xodimlari bu ma’lumotlarni rad etdi.
«Sport» телеканалига Италия, Испания ва Англия чемпионатлари қайтмоқда! Ниҳоят, ўзбекистонлик футбол ихлосмандлари интиқлик билан кутган воқеалик юз берди. Баҳор фаслининг илк куни - 1 мартдан «Sport» телеканалига Еврофутбол «ҳавоси» қайтади, дея хабар бермоқда «Эрудит Спорт» газетаси. Айнан ушбу кундан бошлаб, МТРКнинг «Sport» телеканали Европанинг кучли бешлик чемпионатлари сафидан ўрин олган чемпионатлар - Англия Премьер-лигаси, Испания примероси ва Италия А Серияси учрашувларини яна ўзбекистонлик мухлислар ҳукмига ҳавола этишни бошлайди. Бунгача, ушбу телеканалимизда фақат Германия Бундеслигаси ва Франция биринчи дивизиони ўйинлари намойиш этилаётганди. Хусусан, Спорт ТВнинг 24 февраль - 2 март кунги кўрсатувлар рўйхатидан Европа Чемпионлар Лигаси нимчорак финал баҳслари, Осиё Чемпионлар Лигасидаги Тошкентнинг «Бунёдкор» клуби иштирокидаги ўйиндан ташқари, баҳорнинг илк кунига тўғри келадиган дам олиш кунларида Англия Премьер-лигаси, Испания Ла-лигаси, Италия чемпионати ва Германия Бундеслигаси тур ўйинларидан ўрин олган марказий учрашувлар жой олган. Жумладан, келаси ҳафтанинг 1 март (шанба) куни телеканалнинг янги «Футбол куни» рукни остида АПЛ доирасидаги «Челси» - «Фулхэм», Бундеслиганинг «Бавария» - «Шальке», А сериянинг «Рома» - «Интер» баҳслари, 2 мартда эса примеронинг «Реал» - «Атлетико», А сериядаги марказий тўқнашув - «Милан» - «Ювентус» учрашувлари тўғридан-тўғри олиб берилади. Ушбу хабар барча ўзбекистонлик футбол мухлисларини хушнуд этиши аниқ. Зеро, энди миллионлар ўйини ишқибозлари Европа миллий чемпионатларидаги марказий ўйинларини айнан «Sport» телеканали орқали томоша қилиш имкониятига эга бўладилар. Эслатиб ўтамиз, Спорт ТВ Европа чемпионатлари ўйинларни 2013 йилнинг апрель ойидан тўхтатган эди. 10 ойлик танаффусдан кейин севимли клубларимиз учрашувлари яна ўз телеканалимизга қайтди.
0
