Asosiy » 2013 Iyul 24 » SERGIO RAMOS HAQIDA MALUMOT ! ! !
22:33 SERGIO RAMOS HAQIDA MALUMOT ! ! ! | |
 Men bugun mavzulardan chetlashgan holda sizlarga jamoamiz vitse-sardori, haqiqiy madridistlardan biri Sergio Ramos faoliyati haqida qisqacha ma'lumot bermoqchiman.... Sergio 14 yoshida "Sevilla" jamoasining ko’rigidan o’tdi va o’shanda o’zini yaxshi ko’rsatdi. Tez orada u klubning yoshlar jamoasida o’ynashni boshladi. 2002/03-yillar mavsumida Ispaniya chempionatining ikkinchi divizionida ishtirok etayotgan "Sevilla"ning rezerv jamoasida bitta o’yin o’tkazdi. 2003/04-yillar mavsumida Ramos zaxira jamoasida 25 ta o’yin o’tkazib, bitta gol urgan holda jamoaning asosiy o’yinchisiga aylandi.  2004-yilning boshida o’sha vaqtdagi "Sevilla"ning murabbiyi Joaquin Caparros Ramosni asosiy jamoaning tarkibiga qo’shdi. 2004-yil 1-fevralda Ramos Primeroda "Deportivo" jamoasiga qarshi debyut o’yinini o’tkazdi. O’sha yilning yozida Ispaniya yoshlar terma jamoasi bilan 19 yoshdan katta bo’lmaganlar o’rtasidagi Yevropa chempionatining g’olibi bo’ldi. 2004/05-yillar mavsumda Sergio Primeroda 31 ta o’yin o’tkazdi va 2 ta gol muallifiga aylandi. Shuningdek, UEFA kubogi o’yinlarida ham o’ynadi. Mavsum oxiriga kelib, Sergio chempionatning kashfiyoti sifatida tan olindi. 2005-yil 26-martda Ramos Ispaniya terma jamoasining Xitoy terma jamoasi bilan kechgan uchrashuvida terma jamoadagi birinchi o’yinini o’tkazdi. U 18 yoshda edi va Ispaniya terma jamoasida o’ynagan eng yosh o’yinchiga aylandi.  Biroz muddatdan so’ng, 2006-yilgi Jahon chempionati saralash bahsidagi Serbiya va Chernogoriya bilan bo’lgan o’yinga asosiy tarkibga kiritildi. O’sha vaqtdan buyon u Luis Aragones jamoasining asosiy himoyachisiga aylandi. 2005-yilning yozida Madridning "Real” jamoasi uni 27 million yevroga xarid qildi. "Barcelona" va "Man Utd"lar ham uni o’z tarkibida ko’rish istagida edi.  JCh-2006 o’tganiga sal kam bir yildan bo’lganidan so’ng, Sergio "Real” tarkibida faoliyatidagi birinchi katta titul, Ispaniya chempionligini qo’lga kiritdi. Yevro-2008ning saralash bahslarida 12 o’yindan 11 tasida ishtirok etdi va 2 ta gol urishga muvaffaq bo’ldi. Mazkur turnirning g’olibiga aylanib, Ispaniya terma jamoasi bilan Yevropa chempioni unvoniga sazovor bo’ldi.  2010-yilgi Jahon chempionatida ham jamoasining har bir o’yiniga tushib, jamoadoshlariga yordam berdi. Finalda Gollandiya bilan 1:0 hisobida g’alaba qozonib, Ispaniya tarixida birinchi bora Jahon chempioni nomiga sazovor bo’ldi. Sergio esa musobaqaning ramziy terma jamoasiga kiritildi. 2011-yil 17-mayida "Real” bilan shartnomasini 2017-yilgacha, yiliga 4,5 million yevro maosh bilan uzaytirdi. 2012-yil 7-yanvarida Ramos o’zining Ispaniya chempionatidagi 250-uchrashuvini o’tkazdi.  Sergio Ramosning qallig’i "Telecino" telekanalining reportyori Lara Alvarez hisoblanadi. Ramos har xil pozitsiyalarda yaxshi o’ynay oladi. "Real” murabbiylari ham uni bu xususiyatidan ko’plab foydalanashadi. Masalan, ba’zi o’yinlarda u tayanch yarim himoyachi vazifasini bajargan. So’nggi vaqtlarda Ramos markaziy himoyada o’ynayapti.  DAVOMI BOR... Manba: real-madrid.uz (wikipedia.org asosida) s_ramos4 | |
|
| |
| Barcha fiklar: 9 | ||||||||||||||||||||||||||||||||||||||||||||||||||||||||||||||||||||
KIRISH
mediabay.uz
Timer
keyingi uchrashuv
so'ngi uchrashuv
La liga jadvali
Liga to'purarlari
SUHBAT
lex.uz
saytda
ONLINE: 29 RO'YXATDAN O'TMAGAN FOYDALANUVCHILAR: 29 MADRIDISTLAR: 0
Mobil ko'rinish
RONALMADRID (ADMINISTRATOR) © 2024
| ||||||||||||||||||||||||||||||||||||||||||||||||||||||||||||||||||||
1
