Saytimizda sizlar uchun yana bir yangilik. Yangi, Futbol viktorina loyihasi ishga tushdi!!!

Loyihani kamina Fenómeno olib boraman. Viktorinada futbol olamiga oid savollar beriladi. Sizlar esa bu savollarga javob berasiz hamda ochkolar jamg'arib borasiz.

Viktorina mezonlari:

► Har bitta savolga 1 ochko beriladi. Loyihaning har bir sonida 10 tadan savol beriladi ("Decima" ramzi sifatida). Viktorina jami 10 turdan iborat.

► Savollarga aniq javob berilsagina qabul qilinadi, javob to'liq yoki kamchilikka ega bo'lsa, inobatga olinmaydi. Bu borada e'tirozlar noo'rin! Marhamat, qiziqarli savollarimizga aniq javob bering va eng ko'p ochko jamg'argan kuchli uchlikka kirib, saytimizda nufuzli unvon hamda sovrinlarga ega bo'ling!

► Javoblarni o'zaro baham ko'rish mumkinmas! Iltimos, xolisona javob bering. Agar qaysidir ishtirokchilarda javob ko'chirganlik holati aniqlansa, jarimaga solinib, ochkolar olib tashlanadi!

► Loyiha o'tkaziladigan vaqt bir kun oldin e'lon qilinadi va sizlarni ogohlantiradi. Siz javoblarni loyihaning o'zida, izohlarda qoldirasiz. Savollarga javob berish uchun sizlarga 1 soat vaqt beriladi.

Ana shu 1 soat ichida izohlar saytimizda ko'rinmay turadi. Chunki bir ishtirokchi boshqa bir ishtirokchining javoblaridan foydalanishi mumkin. Kechiktirilgan javoblar qabul qilinmaydi.

Eslatma: Loyihaning birinchi soni tez orada e'lon qilinadi va sizlarga qulay bo'lishi uchun kechki vaqtda o'tkaziladi. Loyihadan xabardor bo'lib turing, uni o'tkazib yuborib, armonda qolmang! Loyihada administratorlardan boshqa barcha ishtirok etishga haqli! real-madrid.uz - faqat sizlar uchun!

Fenómeno