Agar "Madrid" Toni Kroos transferini amalga oshirsa, u holda Khediraning shartnomasini uzaytirishi haqiqatdan yiroqlashadi. Samidan tushgan summa jamoa tarkibini kuchaytirishga xizmat qiladi, deydi Marca. Masalaning davomi futbolchining o'ziga bog'liq, agar u jamoda qolib, shartnomani uzaytirsa ham asosiy tarkibda Tonining paydo bo'lishi haqiqatga yaqin.

Ancelotti bu muammoni hal qilshga ham qodir. Yangi mavsumda Don Carlo yarim himoyada "kvartet"ni tasavvur etmoqda. Ular: Alonso, Modric, Kroos va Khedira. Endilikda di Maria, Casemiro va Illarramendilarning kelajagi qanday rivojlanishi ma'lum emas. Agar Angel jamoada qoladigan bo'lsa, bundan Ancelotti faqat hursand bo'ladi. Lekin Illarramendining taqdiri aniq "Carletto"ga bog'liq. Casemiroga esa "Inter Milan" tobora kuchliroq qiziqmoqda.

Khediraning ketishi klubga mo'maygina daromad beradi. Klub taxminan uning transferidan 40 mln ishlab olmoqchi. Kroos 25 mln yevroga jalb etilsa, Samining transferi orqali ham Toni xarajati qoplanadi, ham boshqa yangi nomzodni izlash imkonini beradi. Bu balki James, Falcaodir?!

Aftidan "nemis tanki"ning o'zi Madriddan ketmoqchi emas. Nemis futbolchisi Ancelottining ishonchini qozongan. Murabbiyning tavakkal qilib, jiddiy jarohatdan tiklangan vaqtda Chempionlar ligasi finalida uni maydonga tushirgani ham bundan dalolat beradi. Xullas barchasi endi Khediraning o'z qo'llarida...

www.merengues.ru

Fenómeno