Bugun barcha xayratda, buning boisi odamlar orziqib kutgan Jahon chempionati kutilmagan voqealarga boy bo`lmoqda. Chempionlik uchun asosiy da'vogar deya e`tirof etilayotgan bir qator jamoalar, taassufki, Mundialni erta tark etishmoqda. Amaldagi jahon chempioni unvoniga ega bo`lib turgan Ispaniya terma jamoasi chempionlikni saqalab qola olmadi, saqlab qolish mayliku-ya, uning uchun deyali kurashga qo`shila olganlari ham yo`q. Bu jumlamizni Bosniya va Gersogovina, Angliya, Italiya, va Xorvatiya terma jamoalariga nisbatan ishlatsak aslo mubolag`a bo`lmaydi. 

Rossiya va Portugaliya ham bu jamoalar qatoridan joy olishga yaqin turibdi. Ularning taqdiri hozircha qorong`u, lekin bugun barchasi oydinlashadi. Ular Mundialdagi o`z yurishlarini davom ettirishlari uchun juda kichik bo`lsada, ehtimolni saqlab qola olishgan. Janubiy Kareya Belgiya bilan kuch sinashishini hisobga olsak, Rossiya terma jamoasi guruhdan chiqishi uchun yaxshi imkoniyatga ega.

Portugaliya terma jamoasi uchun esa bu juda qiyin masalaga aylanib qolgan, qisqa qilib aytadigan bo`lsak, endilikda ularning taqdiri o`z qo`llarida emas. Bu gapni Portugaliyaning yetakchi futbolchisi Crishtiano Ronaldoning o`zi ta'kidlaganda, biz nima ham derdik? Bordiyu, Portugaliya Ganani yirik hisobda mag`lub etsa, Germaniya AQSH ustidan g`alaba qozona olmasa, aytaylik Germaniyaning kichik hisobdagi g`alabasi ham Portugaliyaga yordam bera olmasligi mumkin. Siz bilan aynan shu jamoa haqida kichik mulohaza yuritsak...

To`g`ri hech kim Portugaliyani chempionlik uchun asosiy da'vogar deya e`tirof eta olmaydi. Lekin Portugaliya bunday o`yin ko`rsatishi hech kimning xayoliga ham kelmagani aniq. Shuni ham aytish joizki, Germaniya chindan ham kechli raqib edi, ammo raqib qanchalik kuchli bo`lmasin,  Paolo Bento shogirdlariga 4:0 hisobida mag`lub bo`lish yarashmasdi, buni Gana terma jamoasi nemislar bilan bahsda amalda isbotlab berdi. O`yin durrang bilan xotima topgan bo`lsada, ganaliklar hisobda oldinda borayotgan edilar. Bu bir misol edi.

Keyinchalik AQSHga qarshi o`yinda ham Portugaliya yutishi kerak bo`lgan o`yinda qiyinchilik bilan durranga imzo chekib qo`ya qoldi. Oxirgi daqiqalarda Ronaldoning ajoyib golli uzatmasidan keyin jamoadoshi boshi bilan to`pni darvozaga joylab qo`ydi. Bu esa uchrashuvni durrang bilan yakunlanishiga yetarli bo`ldi. Bu omadsizliklarni sababi nimada? Bunga Portugaliya yetakchisi Cristianoning Mundialda yorqin o`yin ko`rsata olmayotganidir. Albatta bunga uning jarohatlari ham yo`l bermayotgani aniq. AQSH bilan bo`lib o`tgan o`yinda ham Ronaldo barchani taajjubga solib qo`ydi. Boshqacha bo`lishi ham mumkin emas edi, u tomondan 90` daqiqa davomida raqib darvozasiga qarata atiga bir bora zarba yo`llanganidan keyin kim ham taajjubga tushmaydi, bu esa hozirda unda ruhiy va jismoniy tomondan muammolar borligini ko`rsatib turibdi.

Ehtimol jahon chempionati boshlanish arafasida qator nashrlar tomonidan aytilgan “Ronaldo ganalik afsungar tomonidan afsunlangan”,  degan gaplari rostdir. Isbotini topmagan bo`lsada, hozirda Ronaldo ko`rsatayotgan o`yindan keyin siz-u biz bu gapni e`tibordan chetda qoldira olmaymiz. Nimaga deysizmi? Axir o`z klubi safida, mamlakat, Yevropa va Chempionlar ligasidek qator turnirlar to`purariga aylangan futbolchi, Jahon chempionatida birorta ham gol ura olmasa, uning o`yinlarini ko`rib barchamizni ko`nglimiz g`ash bo`layotganini yana qanday izohlashimiz mumkin?! 

Bugun Ronaldo va uning jamoasiga omad tilab qolamiz! Ishonamizki CriRo bugun bu shubhalarning barchasiga chek qo`yadi va o`zi bilan bo`layotgan barcha hodisalar shunchaki tasodif ekanligini isbotlaydi. Portugaliya mantiqan guruhdan chiqa olmasligini barchamiz his qilib turibmiz, lekin ular bugun o`zlarini ko`rsatib, bunga munosib emasliklarini isbotlashini barchamiz istaymiz. Nima bo`lganda ham, Portugaliyaga omad, ular keying bosqichga chiqishlari uchun kuchlariga-kuch qo`shilishini tilab qolamiz!

Manba: real-madrid.uz

DaNuSh