Nemischa "albtraum" so'zi "qora mushuk" so'zini anglatadi. Oxirgi kunlarda juda ko'p gapirgan Pep Guardiola intervyuga so'zlarni saralab oladi. "Bayern" murabbiyini Cristiano Ronaldo va Gareth Bale seshanba kuni uning jamoasiga qarshi o'ynay olishi haqidagi fikrlar band qilgan bo'lishi mumkin. 

Ronaldo va Bale finalning birinchi yo'llanmasi hal bo'ladigan Myunxenda jamoaning yetakchilari bo'lishadi. "Qaymoqranglilar" "Bayern" maydonida biror marta g'alaba qozonishmagan, biroq madridliklarning oxirgi natijlariga qaraganda, ular Guardiola jamoasini turnir chetida qoldirib keta olishadi. 

Gareth va Cristiano birgalikda maydonga tushishmaganiga deyarli bir oy bo'ldi. Bu chorak finalning "Borussia"ga qarshi birinchi uchrashuvida bo'lgandi, o'shanda ikkala o'yinchi ham bittadan gol urishgan va "Madrid" 3:0 hisobida g'alaba qozongan. "Bayern" bu juftlikdan qo'rqishi ajablanarli. Agar "blancoslar"ning "Osasuna" bilan o'yinida stadionda nemis jamoasi skautlari bo'lgan bo'lsa, ular Gareth Balening Qirol Kubogi finalida urgan ajoyib golini va bundan farqlanadigan Ronaldoning ikki super golini tomosha qilishdi.

Birinchi yarim final bahsi tahlilidan keyin , "Bayern" murabbiylar shtabi oldida ikkilanishi yuzaga kelishi mumkin. Agar "Bayern" "Madrid" darvozasiga to'xtovsiz hujum qilsa, bu o'z o'ziga go'r qazish bo'ladi.

Bale va Ronaldo birgalikda amaldagi Chempionlar Ligasi mavsumida 19 ta gol urishdi. Agar bu juftlikka BBCning yana bir qismi - Benzemani qo'shilsa - "Madrid" hujum chizig'i yevrokubok bahslarida 24 marta o'zini ko'rsatgan. Barcha uchalasi "Allianz Arena"dagi uchrashuvda ishtirok etadi. Agar Guardiola myunxenliklar uchun jallod bo'lishi mumkin bo'lgan Benzemadan unchalik xavfsiramayotgan bo'lsa, Gareth Bale va Cristiano Ronaldoning tezligi nemis jamoasi uchun himoyada jiddiy muammolar yaratadi. Pep aynan hammasidan ham ko'ra shundan ko'proq qo'rqadi.
 

Manba: www.merengues.ru

Madridismo