Ertaga bo'lib o'tadigan "Copenhagen"ga qarshi o'yin Cristiano Ronaldo uchun Yevropa musobaqalaridagi 100-uchrashuv bo'ladi. U faoliyati davomida Yevrokuboklarda "Sporting", "Man. United" va "Real Madrid" bilan o'ynagan. Portugaliyalik Madrid klubi bilan 41 ta Yevrokubok musobaqasida qatnashgan, ularning hammasi ChL da va u 38 ta gol urgan. "Galatasaray"ga qarshi o'yinda u xet-trik qayd etib klub tarixida Yevropa musobaqalarida 3-to'purar bo'lib turgan Pushkasni ortda qoldirdi.

Ronaldo "Real Madrid" tarkibida bitta o'yinda o'rtacha 0.92 ta gol urgan. Oxirgi mavsumda u ChL da 12 to'p kiritib, bosh to'purar bo'ldi. Uning "Madrid" klubidagi debyuti 2009-yilning sentabrida "Zurich"ga qarshi bo'lgan, 2-5 hisobida yakunlangan o'yinda u dublni nishonlagan.

Cristianoning Evrokuboklardagi birinch uchrashuvi 2002-yilning 14-avgustida bo'lgan. O'shanda Chempionlar ligasida "Sporting" va "Inter" jamoalari bahs yuriyishgandi. U ikkinchi taymda maydonga tushgan, o'yin 0-0 hisobida yakunlangan. U birinchi golini esa "Manchester United"ning "Debrecen"ga qarshi o'yinida (3-0) kiritgan.