Chempionlar Ligasi 2011/12 yarim finali hali esimizdan chiqqanicha yo'q. Ha, o'shanda ham xuddi shu jamoalar mazkur bosqichda to'p surishgan. Ikkala uchrashuvda ham 2:1 hisobi qayd etilgan va penaltilar seriyasiga ko'ra "Bayern" finalga yo'l olgan. Birinchi o'yin Myunxenda bo'ladi, javob o'yini  Madridda katta qiziqishlar ostida o'tadi. Uyimizdagi bahsda Ronaldo tezkor ikkita gol uradi, penaltidan va o'yindan. Keyinchalik Arjen Robben ham penaltidan Casillasni dog'da qoldiradi - 2:1.

Qo'shimcha taymlarda ham hisob ochilmagandan so'ng hakam jamoalarni penaltilar seriyasiga boshlaydi. Iker ikkita zarbani to'sadi, lekin bundan "qaymoqranglilar" foydalana olmaydi. Biznikilardan Ronaldo, Ramos va Kaka o'n bir metrlik nuqtadan to'pni darvozaga yo'llashda xato qilishadi. Juda alamli holat. Axir biz lotareyada yutqazgandik.

Mana bu mavsum ham "Madrid" va "Bayern" yarim finalda to'qnash kelishdi. Mana yana revansh uchun imkoniyat. O'zi joriy mavsumda revanshlar ko'p bo'lmoqda. Har ikki bahs ham juda qiyin kechadi. Axir kimsan "Bayern" bilan tushdik. Ushbu mavsumda nemis klublari "Real" uchun omadli kelmoqda. Umid qilamizki navbatdagisi ham shunday bo'ladi.

Madridismo