Yaqin kunlarda "Real"ning o'yinlarida haqiqiy "mator" vazifasini o'taydigan Argentinalik futbolchi Angel Di Maria "Manchester United"ga o'tib ketishi mumkin, deyilmoqda OAVda.

Nima bo'lgan taqdirda ham hozir u "Real" futbolchisi. U haqida ko'proq ma'lumot bizga faqat foyda keltiradi.

Ángel Fabián Di María Hernández- (isp.Ángel Fabián Di María Hernández; 14-fevral 1988, Rosario) Argentinalik futbolchi, "Rosario Sentral" jamoasi tarbiyalanuvchisi. Hozirda "Real Madrid" klubi  va "Argentina" terma jamoa futbolchisi.

Angelning futbolga kirib kelishga asosiy sabablardan biri uning shifokori sabab bo'lgan. Chunki uning fe'l-atvori juda serharakat, g'ayratli tinib-tinchimas hullas o'z kuchni qandaydir ishga berishi kerak bo'lgan. Bu ish uning uchun futbol bo'lgan.

U 7 yoshidayoq o'zi tug'ilgan shaharda "Atletiko El Torito" klubiga o'zining futboldagi ilk qadamlarini qo'yadi va 13 yoshida "Rosario Sentral" klubiga o'tdi. Aynan shu jamoada u birinchilardan bo'lib o'zini ko'rsata olgan yoshlar orasida bo'lgan

Di Maria 17 yoshida oʻz jamoasining asosiy tarkibida „Independiente“ jamoasi bilan kechgan Aperturaning soʻnggi tur oʻyinida debyutini nishonladi.  Ikki yil oʻtib, unga nisbatan yevropa jamoalari qiziqishni boshladi. Ular orasida Rossiyaning „Rubin“ jamoasi ham bor edi va Di Maria bu jamoa bilan deyarli kelishuvga erishgan edi, ammo soʻnggi damda fikrini oʻzgartirdi.

2007-yilda oʻtkazilgan yoshlar oʻrtasidagi Jahon chempionatidagi muvaffaqiyatli ishtirokidan soʻng (musobaqada davomida 3 ta gol urgan), Di Mariani Portugaliyaning grand jamoasi „Benfika“ 6 mln. yevro evaziga sotib oldi. „Benfika“ prezidenti Luish Felipe Vieyra oʻz nutqida Simau Sabrozega yaqin 5 yil ichidagi eng yaxshi oʻrinbosarni sotib olinganini taʼkidladi.

2008-yili Di Maria olimpiada chempioni boʻldi. U gollandlar bilan oʻtkazilgan chorak final oʻyinning 105-daqiqasida Lionel Messi tomonidan uzatilgan toʻpni darvoza kiritib, Argentinaga gʻalabani taʼminlay oldi. Ammo Di Marianing hayotidagi asosiy lahzalardan biri Nigeriya bilan oʻtkazilgan final oʻyinining 58-daqiqasida roʻy berdi.

Ushbu oʻyinda u yagona gol muallifi boʻldi va Argentina oʻz tarixida ikkinchi marta futbol boʻyicha Olimpiada musobaqasida chempionlik nomiga sazovor boʻldi.

„Benfika“da futbolchilik faoliyati omadli keldi: uni muxlislar oz vaqt ichida yaxshi koʻrib qolishdi. Ikki yillik chempion nomiga ega boʻlolmayotgan jamoa (bu vaqt mobaynida faqatgina liga kubogini qoʻlga kiritgan) milliy chempionatda yana oʻzini koʻrsata oldi. Jamoa nafaqat Liga kubogi gʻolibi nomini saqlay oldi, balki Portugaliyada eng yaxshi jamoa ham boʻla oldi. Anxelning oʻyini esa yevropaning koʻpgina grand jamoalarining eʼtiborini qaratdi va JARda oʻtkazilgan 2010-yilgi Jahon chempionatidan soʻng, uni Ispaniyaning "Real Madrid" jamoasi oʻz safiga qoʻshib olishga erishdi.

2009-yilning dekabrida "Manchester United"  Di Maria uchun 10 mln. yevro berishini maʼlum qildi, lekin "Benfika" rad javobini berdi

„Qirollik klubi“ transferni rasman 2010-yilning 28-iyunida  rasmiylashtirdi. Kelishuv 6 yilga moʻljallandi. Transfer summasi 25 mln. yevroni tashkil etdi,  qoʻshimcha yana 5 mln. jamoaning tarkib roʻyxatiga kiritilgandan soʻng berildi.

Di Maria jamoaga qoʻshilgandan soʻng, press-konferensiyada:

" Men "Real“ oʻyinchisi boʻlganimdan bagʻoyat xursandman. Azaldan kuchli yevropa chempionatida toʻp surishni orzu qilar edim. Bu voqea menga Argentina terma jamoasi oʻyinlarida yana ham kuch beradi va nasib boʻlsa, Madridga jahon chempioni boʻlib boraman..

29-avgustda u jamoa tarkibida Ispaniya chempionatining birinchi turida „Malorka“ jamoasiga qarshi kechgan oʻyinida debyut qildi. 18-sentabrda Di Maria „Real“dagi birinchi golini kiritdi va „Real Sosedad“ ustidan qozonilgan gʻalabaga oʻz hissasini qoʻshdi. Oʻn kun oʻtib, u Chempionlar ligasidagibirinchi golini „Oser“ jamoasi darvozasiga kiritib, jamoaga gʻalaba keltirdi

2011-yilning 20-aprelida Ispaniya kubogining finalida "Barselona"ga qarshi kechgan oʻyinning 120-daqiqasida u ikkinchi sariqni olib, oʻyindan chetlatildi. Oʻsha oʻyinda „Real“ 1:0 hisobida aynan Di Maria chiroyli toʻp uzatishi natijasida Cristiano Ronald urgan goli evaziga gʻalaba qozonib, 18 yil davomida erisha olmay kelayotgan Ispaniya kubogi sohibi nomiga sazovor boʻldi.

2011-yilning 1-mayida oʻzining „Real“dagi 50-nchi oʻyinini oʻtkazdi  Mavsum tugaganidan soʻng, futbolchi oʻz kontraktining shartlari yaxshilanishini xohlashini aytdi

2011-yil 7-noyabrida  belidan jarohat oldi va bir oyga safdan chiqdi.dekabrda Anxel „Real“ rahbarlariga oʻz ish haqini yiliga 1,8 mln.dan 3,5 mln. yevroga koʻtarishni soʻrab, murojaat qildi. 2012-yil 12-avgustda shartnomasi 2018-yilgacha uzaytirildi.

Angel Di Mariaga haqiqiy sinov yillari deb "Real"ga "Tottenham"dan Gareht Bale kelib qo'shilgan bo'ldi. "Real" Balega erishish uchun bir necha futbolchilaridan ayirlidi, hattoki Ozil ham "Real"dan ketdi. Bunga asosiy sabab Balening Madridga o'tishi bo'ldi. Lekin Di Maria "Real"da qoldi. U raqobatdan qo'rqmadi, unga Carlo Ancelotti haqiqiy o'ziga tegishli bo'lgan nuqtani topib berdi. La liga davomida "Barcelona"ga qarshi kechgan uchrashuvlarda haqiqiy qahramonlarcha harakat qildi. 2014-yili Ispaniya super kuboki bahsida Di Marianing goli evaziga "Real" oldinga chiqib oldi.

Angel Di Marianing "Real"dagi eng ko'p munozaralarga, juda ham ko'p maqtovlar olib kelgan ishini siz yaxshi eslasangiz kerak, ha bu o'sha chempionlar ligasining Lissabon 2014 finalida qilgan ajoyib o'ziga hos "Zig-zag" uslubi bilan "Atletiko Madrid" futbolchilarini ortda qoldirib zarba bergan va zarbasi o'xshamay qoldi-yu, lekin bundan Gareth Bale foydalanib qolgani bo'ldi.

Di Maria ketsa-ketmasa, haqiqiy Madridist! U "Real"ning esdan chiqmas buyuk futbolchisi hisoblanadi. Biz Bale, Ronaldo, Benzema, James, Casillas, Ramos haqida gapiramiz, endi esa doim tilimizda ANGEL DI MARIA bo'ladi. Bunga barcha ishonadi, u bunga loyiqdir!

"Real"ning farishtasidan "United"ning iblisiga aylanmoqda...

Sizdan iltimos, Di Mariaga nisbatan hurmatda bo'ling, u boshqalarga o'xshab shunchaki "Real" uchun o'ynamadi, u "yonib o'ynadi". Nima desangiz ham, uni hurmat qilgan holda izoh qoldiring.

Manba: www.real-madrid.uz;  wikipedia.org

RonalMadrid