Madridning "Real" klubi uchun yomon statistika...

Qirollik Kubogi 1959/60. "Atletico" - "Real Madrid"  3:1

ECHK finalidagi "Ayntraxt" ustidan qozonilgan 7:3 hisobidagi g'alabadan 5 hafta o'tgandan keyin, "Real Madrid" mamlakat kubogi finalida "Atletico"ga mag'lub bo'ldi. Puskas 20-daqiqada hisobni ochdi, ammo Peyro, Jones va Kolyaroning gollari "hindular"ga g'alaba keltirdi.

Qirollik Kubogi 1960/61. "Atletico" - "Real Madrid" 3:2

Bir yildan so'ng "Real Madrid" faqat revansh emas, balki Yevropa Chempionlar Kubogidan chiqarib yuborilgani uchun "Atletico"dan alami olish yo'lini qidirayotgandi. Lekin bu safar ham "ATM" kuchliroq bo'lib chiqdi. Bu uchrashuvda ham Puskas hisobni ochdi. Peyroning dubli va Mendozaning goli "Atletico"ga ketma-ket ikkinchi marta Qirol Kubogini yutishga yordam berdi. So'nggi daqiqalarda Di Stefano hisobni qisqartirdi.

Qirollik Kubogi 1974/75. "Real Madrid" - Atletico" 0:0 (4:3)

"Real" oxir oqibat "Atletico"ni finalda yutdi. O'yin intensiv bo'ldi va ish penaltilar seriyasigacha bordi, unda "qaymoqranglilar" kuchliroq ko'rinishdi: 4 ta 11 metrlik zarbani Amansio, Pirri, Rubinyan va Agilar aniq amalga oshirishdi. "Atletico"dan Garate, Alberto va Bessero o'zlarini ko'rsatishdi.

Liga Kubogi 1984/84. Birinchi o'yin: "Atletico" - "Real Madrid" 3:2; Ikkinchi o'yin: "Real Madrid" - "Atletico" 2:0

Ispaniya Kubogi Ligasi hammasi bo'lib 4 yil (1983-1986) o'tkazilgan va aynan ular Madridning "Real"i oxirgi marta o'z qo'shnilariga yutqazishgan. Dastlabki uchrashuvda "Atletico" g'alabaga erishgan, 3:2. G'oliblarda Rubio, Arteche va Kabrera, mag'lublarda esa Pineda va Santilla o'zini ko'rastishgan.

Ammo, uy o'yinida "Real Madrid" kambek qilgan va Michela Va Shtilikening gollari evaziga 2:0 hisobida g'alaba qozongan.

Qirollik Kubogi 1991/92. "Atletico" - "Real Madrid" 2:0

Jamoalar 17 yildan keyin yana Qirollik Kubogi finalida uchrashishdi va bahs yana "Bernabeu"da bo'lib o'tdi. Bir necha kunlar oldin chempionlikda "Tenerife" bilan o'yinda imkoniyatlarni boy bergan "Madrid" zarbadan qutula olmadi va "Atletico"dan navbatdagi mag'lubiyatini qabul qildi. "Matraschilar"da ikki yil oldin "Real"ni tark etgan Shuster va Futre gol mualliflariga aylanishdi.

Qirollik Kubogi 2012/13. "Atletico" - "Real Madrid" 2:1

So'nggi final uchrashuvi yana "blancos" maydonida bo'ldi. Hisob o'yin boshida Cristiano Ronaldoning goli evaziga ochildi, biroq Diego Costa tezda hisobni tenglashtirdi. Qo'shimcha vaqtda Mirandaning goli "Atletico"ni Qirollik Kubogining 10 karra g'olibiga aylantirdi va yana Mourinhoning "Real"dagi davriga yakun yasadi.

Manba: www.merengues.ru

Madridismo