Assalomu Aleykum hurmatli madridistlar! Avvalom bor barchangizni o`ninchi kubok bilan tabriklayman! Sevimli jamoamiz bu yilgi mavsumni o`tgan mavsumlarga qaraganda juda yuqori ruhda o`tkazdi. Bir necha yildan buyon “Real” rahbariyati tamonidan murabbiy va futbolchilar oldiga qo`ygan eng katta talabni ya`ni o`ninchi kubokni ham qo`lga kiritildi. Endi jamoamiz yevropada tengsiz jamoaga aylandi va bir necha oylardan keyin jahonda tengsiz ekanini ham isbotlashiga ishonamiz. Shunday ekan, siz aziz madridistlar bilan jamoamizni mavsumdagi yutiqlari haqida mulahazali fikrlar yuritsak.



Nemis klublari “Gegomen” ligiga barham berish haqida:

Hammamizga ma`lum bir necha mavsumdan buyon “Qaymoqrang”lilar nemis klublaridan aziyat chekib kelayotgan edi. Ular tufayli biz final ostonasiga qadam qo`yishdek baxtdan quruq qolayotgan edik, lekin bu yil jamoamizga finalga yo`l olish uchun shunday imkoniyat berildiki, go`yo hammasi oldindan rejalangandek. Oldiniga ¼ finalda “Schalkea” jamoasi bizga raqib bo`lgan bo`lsa 10:1 hisobida tor-mor qilindi, keying bosqich ¼ finalda “Dordmund” jamoasi 3:2 hisobida mag`lub etigan bo`lsa, final ostonasi, ½ finalda “Bavaria” jamoasi yirik 5:0 hisobida tor-mor keltirildi. Shu tariqa Nemis klublari “Gegomen”ligiga barham berildi va uzoq yillardan beri davom etib kelayotgan an`anaga chek qo`yildi.



Chempionlar Ligasi: 10-kubogni qo`lga kiritishi haqida:

Bu kunni biz madridistlar uzoq vaqt kutdik, qachondir bu baxt bizga ham nasib qilishi, bizni ko`chada ham katta bayram bo`lishini bilib, jamoaga ishongan holda kutib yashadik. Garchan jamoamiz uzoq vaqt kuttirgan bo`lsada, biz kutgan kunni bizlarga hadya etdi. O`yinning 90 daqiqasi mobaynida biz juda asabiy bo`ldi, balki “Decima” dan umidini uzganlar ham bo`lgan bo`lsa ajab emas. Ramosning qahramonligi tufayli jamoamiz bugun kubogni Madridga olib keldi desak mubolag`a bo`lmaydi. Albatta, bu gol bizni champion qilmasdi, lekin bu gol bo`lmaganda, balki jamoamiz qo`shimcha vaqtga yetib bormay mag`lub bo’lgan bo`lardi. Bu o`yinchini o`yin qahramoni deya olmaymiz, boisi butun jamoa oxirigacha harakat qildi va mazkur natijaga erishdi.



Jamoaning mavsumda qayd etgan "dubli" haqida:

Bu mavsumda “Qaymoqrang”lilar tamonidan Ispaniya kubogi va chempionlar ligasi qo`lga kiritildi. Bunday natijaga “Qaymoqrang”lilar 1961/62 yildan buyon erisha olmay kelayotgan edi. Shu yili “Real” klubi Ispaniya chempionati va Ispaniya kubogini qo`lga kritgan holda jamoa tamonidan dublga erishilgan. Oradan ancha vaqt o`tib jamoamiz yana bir bor shunday natijaga erishmoqda.



Jamoamiz qo`lga kiritishi mumkin bo`lgan sovrinlar haqida:

Bu mavsumda hozircha “Real” qo`lga kiritmagan yagona sovrin bu Ispaniya chempionati bo`lib bo`lmoqda. Mayli buni ham bir inoyat sifatida qabul qilaylik. “Qaymoqrang”lilar o`zlari qatnashgan boshqa barcha turnirlarda g`oliblikni qo`lga kiritishdi. Shunday ekan biz Ispaniyada kim kuchliroq ekanini yana bir bor isbotlashimiz mumkin. Qanday qilib deysizmi? Yuqorida ta’kidlab o`tganimizdek bu mavsumda jamoamiz Ispaniya kubogini qo`lga kiritdi, Ispaniya chempioni esa yana bir Madrid klubi “Atletiko” nasib etdi. O`z-o`zidan ma`lum Ispaniya yaqqol chempionini aniqlash maqsadida har yili Super kubog o`yini o`tkaziladi. Bunda ham jamoamiz g`alaba qazonsa yana bitta sovringa ega bo`ladi. Chempionlar ligasi g`olibi esa Evropa ligasi g`olibi bilan Evropa super kubogida baxsga kirishdi, mazkur o`yinda ham Ispaniya klublari o`zaro kuch sinashadilar. Bu jamoamiz tamonidan erishilishi mumkin bo`lgan yana bir sovrin. Bunda tashqari Evropa chempionlar ligasi g`olibi qit`alararo bo`lib o`tadigan jahon chempionati tamon yo`l oladi. Bu ham jamoamiz tamonidan qo`lga kirirtilishi mumkin bo`lgan sovrinlardan bittasi hisoblanadi.

Xulasa qilib shuni aytish mumkinki, jamoamiz bu mavsumda beshta kubog sohibi bo`lishi mumkin, uzoq yildan keyin jamoa bunday musobaqalarga borish imkoniyatiga ega bo`lishdi. Ishonamizki jamoamiz yuqorida aytib o`tgan barcha sovrinlarni qo`lga kiritadi va Jahongashta tengsiz ekanini yana bir bor barchaga isbotlaydi.



Bugun barcha madridistlar juda hursandlar, shu jumladan men ham. Albatta buning asosiy sababchisi sevimli jamoamiz hisoblanadi. “Real” kecha yaralgan jamoa emas, yuz yildan buyon bu jamoa muxlislari millionlab insonlarini tashkil qilgan. O`sha muxlislar yaxshi kunda ham yamon kunda ham jamoamizni qo`llab-quvatlab kelishgan. Oldin ham jamoamiz qaddimiz eggan holda yurishimizga izim bermagan, bu mavsumda ham barchamizni qaddimizni tik tutib yurish baxtiga muyassar etdi, shunday ekan siz azizlarga hech qachon o`zingizni haqiqiy madridist bo`lishdan forih qilmag deymiz, zero jamoamiz sizlarning boshingiz egilishini xohlamaydi, hali ko`p yillar davomida sizu-bizlarga quvonchli kunlar ulashishda davom etadi. Madridist bo`lishdan qo`rqmang azizlar, faxrlaning!

!Hala Madridi

www.real-madrid.uz

Xodjiyev Doniyor (DanuSh)