Madridning "Real" jamoasi yozgi transferlarga tayyorgarlik ko'rmoqda. Garchand Carlo Ancelotti yangi futbolchini xarid qilish niyatida emasligini aytsada, amalda jamoa vakillari ayrim nomzodlarni ko'rib chiqishga majbur bo'lmoqda.

Hozirda asosiy transfer nishoni hujum chizig'iga qaratilgan. Bosh o'lja - Luis Suarez. Ammo "Liverpool" yetkachi futbolchisidan ayrilmoqchi emas (otni kallasiday pulni talab etishini nazarda tutmaganda albatta). Mobodo Qirollik klubi urugvaylik "quyon"ni ovlay olmasa, u holda ikkinchi nomzod "Benfica" jamoasining 23 yoshli hujumchisi Rodrigo bo'ladi. Bu haqda ilgariroq xabarlar tarqalgandi.

Rodrigo yosh bo'lishiga qaramay, "burgutlar"ning asosiy futbolchisiga aylangan. Bu mavsumda u Portugaliya klubi safida 18 ta gol urishga erishdi. Bugunga kelib hujumchiga faqatgina "Real" emas, balki Yevropaning boshqa kuchli klublari ham jiddiy qiziqmoqda.

Qiziq tomoni Rodrigo madridliklar tarbiyalanuvchisi sanaladi, u 2010-yilda Fabio Coentrao transferining bir qismiga aylangan. Transfermarkt.de uni 12 mln yevroga baholadi, lekin bu trasnfer amalga oshsa, "orqa bozor"da uning narxi kamida 25-30 mln yevroga ko'tarilishi mumkin.

www.merengues.ru

Fenómeno