Mana tranfer oynasining qoq o'rtasiga ham yetib keldik. Ispaniya hozirda transferlar avj olgan, Angliyada esa alanga olmoqda. Siz bilasizki, jamoamizdan Ricardo Carvalho va Jose Callejonlar rasman klubni tark etishdi. Ular nega ketishdi?

Bilasizki, Callejonni Madridga Jose Mourinho olib kelgan edi. O'zi Josega raqobatchilar shundoq ham yetarli edi. Uning ustiga jamoaga "Malaga"dan Isco ham kelib qo'shildi. Vaziyat og'irlashdi. Callejonning bizningcha ortiq jamoada qolishdan biror nafv yo'qligini sezdiki, jamoani tark etdi.

Uning o'zi mavsum yakunlarida o'yin amaliyotining kamayib ketayotganligidan norozi ekanligini murabbiylar shtabiga OAV tomonidan yetkazgan edi. Unga "Napoli"da omad tilab qolamiz! U nima bo'lganda ham, Madridist hisoblanib qolaveradi.

Endi jamoamizning sobiq eng keksa futbolchisi Ricardo Carvalho haqida suhbat qursak. Ricardo so'nggi 2 yilda (Varane kelgunga qadar) maydonda kam ko'rinadigan bo'lib qoldi. Agar biror futbolchi jarohat yoki chetlatishlar bo'lmasa deyarli ko'rmaydigan bo'lib qolgandik. Ricardo mana 35 yoshni qoralab qo'ydi. U maydonda to'liq harakat qilishi mumkin. Lekin har turda unga bu narsa og'irlik qilishi aniq! Unga "AS MONACO"da omad va zafarlarni tilab qolamiz!

ENDI JAMAOADAN YANA KIM YOKI KIMLAR KETISHI KERAK? (Hamma o'z fikrini aytgani yaxshi, kamina ham o'z fikrlarimni yozdim).

Agar "Real Madrid"ning darovzabonlariga qaraydigan bo'lsak, Iker va Diegolarga gap bo'lishi mumkin emas. Lekin Adanchi? Bizningcha, Adanning biror boshqa klubga o'tgani biz uchun, shaxsan o'zi uchun ham foydali bo'lgan bo'lar edi.

Himoyachilarmizda, hozircha 1 kishi - Raul Albiolda muammo... Albiol markazdagi 3 ta asosiy himoyachilarimizdan keyin to'rttinchi bo'lib turibdi, bular tabiiyki Varane, Ramos va Pepelardir. Norasmiy xabarlarga ko'ra, u Callejoning orqasida Italiyaning "Napoli" yoki Angliyaning "Arsenal" klublariga katta ehtimol bilan o'tishi mumkin.

Yarim himoyachilarmizga keladigan bo'lsak, ketishi kerak bo'lgan subyekt menimcha, bu - Kaka'. Mendan Ricardoning asl fanatlari xafa bo'lishmasin, negaki u hozir "Real"da o'yini topa olmagan futbolchisi bo'lib kelmoqda. U biror grand klubga o'tsa o'zi va yana bir bor o'zi uchun katta foyda bo'lgan bo'lar edi.

Endi savol? Siz Kakaning asl fanati bo'lsangiz, nega asosiy tarkibga tusha olmayotgan futbolchingizga umid qilmoqdasiz, u boshqa klubga borsa ko'rasiz u asosiy tarkibda maydonda harakat qilishi aniq!

Hujumchilarimizdan esa Higuainning jamoadan ketishi deyarli hal bo'lib ulgurgan masalaga aylanmoqda. Higuain har yili har xil natija ko'rsatmoqda, Benzema bilan bo'layotgan raqobatga u biroz kuchi yetmayotgandek go'yo, bilmadim yana ham...

Mayli bu boshqa masala, u eng kerakli o'yinda gol urishi bilan hammaning sevimli futbolchisiga aylangan edi. Endi bu hislat borgan sari kamayib ketayotgandek ko'rinmoqda. Higuainga hozirda "JUVENTUS"va "ARSENAL" klublari katta qiziqish bildirmoqda.

Kimgadir fikrlarim yoqgan bo'lsa, men hursand bo'lardim, tabiiyki ba'zi biringiz shaxsiy kumirlaringizga sodiqligingiz uchun men bildirgan fikrlar yoqmasiligini ham bilaman. Nima bo'lganda ham jamoaga foydasi tegadiganlar qolsa yetarli. Qolganlarga esa xayr va omad tilab qolaman!

Manba: real-madrid.uz

HalaMadrid