Asosiy » 2013 May 28 » Real Madrid Club de Fútbol: 3-qism
17:21 Real Madrid Club de Fútbol: 3-qism | |
| Maqolamiz davom etadi. Ushbu qismda Kalderon prezidentligi, Perezning qaytishi, yangi "galaktikos" va Mourinho murabbiyligi haqida so'z yuritamiz. Kalderon prezidentligi Florentino Peresdan so'ng, klub prezidenti etib Ramon Kalderon tayinlandi. Uning boshqarish uslubi oldingi vazifadoshidan farq qilar edi. Kalderon o'z oldiga maqsad qilib, eng yaxshi o'yinchilarni sotib olishni qo'ymadi, garchi uning saylovoldi va'dasi Cristiano Ronaldoni sotib olish bo'lgan edi, lekin amalga oshirolmagandi. Kalderon vaqtida Beckham, Roberto Carlos, Robinho, Ronaldo ketdi, ya'ni, Perez „meros“larining barchasi sotildi. Lekin uning faoliyati davrida ham muvaffaqiyatli transferlar amalga oshirilgan edi. 2009 yilda 2006 yilgi saylovlardagi ovozlar o'zgartirilgani haqidagi mojarolardan keyin Ramon Kalderon iste'fo berishga majbur bo'ldi. Kalderon boshchiligidagi to'rt yil ichida "Real Madrid" ikki marta ketma- ket Ispaniya chempioni va bir marta Superkubok sohibi bo'ldi. Perezning qaytishi 2009-yil 1-iyunda Florentino Perez yana "Real Madrid" prezidenti bo'ldi, e'tiborlisi hech qanday ovoz berishlarsiz, sababi uning raqiblari o'z nomzodlarini olib tashlagan edilar. Yana qaytishidan so'ng, Perez umuman yangicha „galaktikos“ni qayta tiklashga kirishdi. Boshlanishiga klub rahbariyatida o'zgarishlar sodir bo'ldi: prezident maslahatchisi etib "Real Madrid" sobiq futbolchisi Zinedine Zidane tayinlandi. 9-iyunda uzoq muzokaralar va har xil ovozalardan so'ng, Italiyaning "Milan" klubi va Braziliya terma jamoasi yarim himoyachisi Kaka "Real Madrid"ga 68 million yevro evaziga o'tdi. U klub bilan olti yillik shartnoma tuzdi va Peres qaytganidan keyin klubdagi birinchi yangi yulduz o'yinchi bo'ldi. Keyin esa dunyoning 2008-yil yildagi eng yaxshi o'yinchisi, "Real Madrid" klubida o'ynash azaliy orzusi hisoblangan Cristiano Ronaldo bilan shartnoma imzolandi. Portugaliyalik uchun "Real Madrid" 80 million funt sterling (93,4 million yevro) to'ladi. 25-iyunda "Real Madrid"ga Valensiyadan 15 million yevroga Raul Albiolni olib keldi. 1-iyulda "Lyon" klubi "Real Madrid"ga o'z o'yinchisi Karim Benzema o'tishini rasman tasdiqladi. Transfer summasi 35 million yevroni tashkil etdi. "Real Madrid" qarorgohiga Esteban Granero va "Liverpool"da o'ng qanot himoyasida ishtirok etayotgan Alvaro Arbeloalar kelishdi. Arbeloa summa transferi 4 millionni tashkil qildi va u bilan 5 yillik shartnoma tuzildi. Arbeloadan tashqari "Liverpool"dan 5-avgust kuni Xabi Alonso ham kelib qo'shildi. Uning narxi esa 30 million funt sterlingga baholandi. Jiddiy qo'lga kiritishlarga qaramasdan jamoaga mavsumda bironta ham trofey nasib qilmadi. Ispaniya chempionati yakunida "Barcelona"ga birinchilikni boy berib ikkinchi o'rinni egalladi. Chempionlar ligasida esa ketma-ket oltinchi marta 1/8 finalidan o'tishni uddalay olmadi. Ispaniya kubogida esa birinchi bosqichdanoq Ispaniyaning uchinchi divizionida ishtirok etuvchi "Alcorcon"ga imkoniyatni boy berdi. Mavsum yakuniga ko'ra, qoniqarsiz natijalar uchun bosh murabbiy Manuel Pellegrini egallab turgan lavozimidan bo'shatildi. Uzoqqa bormagan muzokaralardan so'ng, "Real Madrid" bosh murabbiyi etib Jose Mourinho „The Special One“ tayinlandi. 2010/11 mavsum oldi yozgi transferlarida klubga Portugaliyalik himoyachi Ricardo Carvalho , yosh ispan yarim himoyachilari Pedro Leon va Sergio Canales, Germaniyadan Sami Khedira va Mesut Ozil, shuningdek, kelajagi porloq deya hisoblangan argentinalik Angel Di Marialar kelib qo'shildi. 2010/11 mavsumida Jose Mourinho boshchiligida finalda "Barcelona"ni yutib, Ispaniya kubogiga ega bo'lishdi. Shu mavsumda Cristiano Ronaldo ichki chempionatda 41 ta gol urib rekord o'rnatdi. Cristiano Ronaldo "Real Madrid" tarixidagi 20 ta eng kuchli bombardirlar safiga qo'shildi. Jamoa 2011-yil yozida o'z tarkibini kuchaytirishda yana davom etdi. Germaniya klublaridan ikki turk Nuri Sahin va Hamit Altintoplarni o'z safiga qo'shib oldi. Va yana Jose Callejon, Raphael Varane, Fabio Coentraolar ham jamoa tarkibiga jalb etildi. Bundan tashqari, 22-iyun kuni jamoa rasmiy e'loniga kora, Jose Mourinho jamoaning sport menejeri etib tayinlandi. Shu yo'l bilan "Real Madrid" jamoani boshqarishning ingliz modeliga o'tdi. 2011/12 mavsum so'nggida chempionatda 100 ochko yiqqan holda Primeroning yangi rekordini o'rnatdi. "Qirollik klubi" 2009/10 mavsumda 99 ochko yiqqan "Barcelona"ning rekordini yangilashga muvaffaq bo'ldi. Bundan tashqari, "Real" bir mavsumda 32 ta o'yinda g'alaba qozona olgan birinchi jamoa ham bo'ldi. Davomi bor... Manba: wikipedia.org Ronaldu7 | |
|
| |
| Barcha fiklar: 6 | |||||||||||||||||||||||||||||||||||||||||||||||||||||||||||||||||
KIRISH
mediabay.uz
Timer
keyingi uchrashuv
so'ngi uchrashuv
La liga jadvali
Liga to'purarlari
SUHBAT
lex.uz
saytda
ONLINE: 64 RO'YXATDAN O'TMAGAN FOYDALANUVCHILAR: 64 MADRIDISTLAR: 0
Mobil ko'rinish
RONALMADRID (ADMINISTRATOR) © 2024
| |||||||||||||||||||||||||||||||||||||||||||||||||||||||||||||||||
0
