"Santiago Bernabeu"da o’tkaziladigan  "Santiago Bernabeu kubogi" baxsi oldidan

"Real Madrid" afsonasi Don Santiago Bernabeu haqida

 "Real Madrid”ni futbol olamining eng yuksak cho’qqisiga ko’tarib, o’z nomini uning tarixiga abadiy muxrlagan inson. Avvaliga o’yinchi  sifatida, keyin esa prezident sifatida o’z hayotini "Real Madrid” uchun baxsh etgan inson. Jamoaga Di Stefano, Pushkash, Kopa, Xento kabi buyuk futbolchilarni olib kelgan inson. Ha bularning barchasi klubimizning buyuk prezidenti Don Santiago Bernabeu de Yestega bag’ishlangan.

Santiago Bernabeu 1895-yilning 8-iyunida Ispaniyaning Almanse shaxarchasida dunyoga keldi. Yoshligida oilasi bilan Madridga ko’chib kelgach Huquqshunoslik kollejiga o’qishga kirdi va kollej futbol jamoasida o’ynay boshladi. Unga darvozabon bo’lish yoqar, lekin akalari uni xujumchi sifatida o’ynashga majbur etishardi. 1909-yilda, 14 yoshida uning orzusi amalga oshdi: Santiagoni "Real Madrid” yoshlar akademiyasiga qabul qilishdi. 1913-yilda u "Real”ning bosh jamoasiga o’tdi va 1928-yilgacha jamoa sharafini ximoya qildi. Bu davrda u jamoasi bilan Ispaniya kubogini va 9 ta regional kubokni qo’lga kiritib ulgurgan edi.

Futbolchilik faoliyatini tugatgandan so’ng, u 1935-yilgacha Madrid klubida turli vazifalarni bajardi, jumladan ma’lum vaqt jamoaga murabbiylik ham qilgan. Lekin 1935-yilda boshlangan fuqarolar urushi natijasida Ispaniya birinchiligi bekor qilindi. Urushdan so’ng "Real” moliyaviy axvoli juda og’ir edi. 1943-yilning 15-sentyabrida Santiago Bernabeu "Real Madrid” prezidenti etib saylandi. Bu vazifani u 1978-yil 2-iyunga qadar bajardi.

"Real Madrid” Prezidenti. Tez orada jamoa uchun yangi stadion qurilishi boshlandi. "Yangi Chamartin” Yevropaning o’sha davrdagi eng yirik stadioni edi. 1947-yil 14-dekabrida yangi stadionning ochilishi munosabati bilan "Real Madrid” Portugaliyaning "Belenensesh” klubi bilan o’rtoqlik uchrashuvini o’tkazdi va 3-1 xisobida g’alaba qozondi. 1952- yilda o’rtoqlik uchrashuvida "Real” Kolumbiyaning "Milonariosa” klubi bilan to’qnash keldi va 2-4 xisobida mag’lubiyatga uchradi. Bu o’yinda Kolumbiya jamoasi yetakchisi Alfredo Di Stefano dublga erishdi. "Qancha pul sarflab bo’lmasin uni olib kelish kerak. Bu Argentinalik "Real”da o’ynashi shart!”. Bu so’zlar Santiago Bernabeuga tegishli edi. Di Stefano ortidan jamoaga Pako Xento, Ferens Pushkash, Raymon Kopa, Migel Munyos kabi buyuk futbolchilar jalb etildi. Natijada "Real Madrid”ning "oltin asri” boshlandi.

1954-yilda Santiago Bernabeu har bir milliy chempionat g’oliblari ishtirokida Yevropa Chempionlari Kubogini o’tkazishni taklif qildi. UEFA "Real” prezidentining taklifini qabul qildi va musobaqani tashkil etishni o’z zimmasiga oldi. Don Santiago g’oyasi asosida tashkil etilgan turnirda Di Stefano boshchiligidagi jamoa ketma-ket 5 marta g’alaba qozondi. Bu barcha davrlar uchun rekord edi. Butun Yevropa "Real Madrid” o’yinlaridan zavq olar, raqiblar esa ularning oldida zir titrashar edi. Angliyaning The Times nashri quyidagi so’zlarni keltirgan: "Real Madrid xuddi Vikinglardek Yevropa bo’ylab xukmronlik qilishyapti. Xuddi Vikinglardek yo’llarida paydo bo’lgan raqibni butunlay yakson qilishyapti.” Xatto Angliyaning "Lids Yunayted” klubi "Real” sharafiga o’z formasiga oq rangni kiritgan ekan.

Don Santiago juda kamtar inson bo’lib, xatto klubdan oylik maosh ham olmas edi. U doim eski kostyumda yurar, shuning uchun tug’ilgan kuniga jamoa raxbariyati unga yangi kostyum sovg’a qilishgan edi. Xatto og’ir kasallikka chalinganda xam u jamoasini tashlab qo’ymadi. U stadionda so’nggi marta chiqish qilganida 120000 muxlis sevimli prezidentlarini olqish va ko’z yoshlar bilan kutib olishdi. Don Santiago Bernabeu o’z hayotini mana shu muxlislar baxti uchun, o’z jamoasi sharafi uchun bag’ishlagandi.

1978-yilning martida Ispaniya Qirollik Fitbol Federatsiyasining Oliy mukofoti Brilliant medal bilan taqdirlandi. 19-aprelda "Qirol Kubogi” finalida Ispaniya qiroli Xuan Karlis Don Santyagoni sportga qo’shgan buyuk xizmatlari uchun "Qirollik Oltin medali” bilan taqdirladi. O’sha yili may oyida Madaniyat vaziri unga sportga qo’shgan xissasi uchun Oltin krest mukofotini topshirdi.

Oradan besh kun o’tgach, 2-iyun 1978-yilda Qirolli klubining afsonaviy prezidenti olamdan o’tdi. Yuz minglab muxlislar o’z doxiylarini so’nggi manzilga kuzatish uchun ko’chaga chiqdilar. Santyago Bernabeuni o’z ona shaxri Almansaga dafn etishdi. Afsonaviy prezidentning o’limi Argentinada boshlanayotgan Jaxon Chempionatiga to’g’ri keldi. Barcha o’yinlar 1 daqiqalik sukut saqlash bilan boshlandi, FIFA esa 3 kunlik xotirlash kunini e’lon qildi.

Don Santyago "Real Madrid” ni buyuk g’alabalarga boshlagan inson. Uning davrida  jamoa 16 marta Ispaniya chempioni, 6 marta Yevropa Chempionlari Kubogi, 6 marta Ispaniya kubogi, 1 marta Qit’alararo kubokni qo’lga kiritdi. Bundan tashqari yana 25ta kata – kichik musobaqalarda g’alabaga erishildi.

         Har bir "Real” muxlisi bu buyuk insonni tanishi, uning jamoa uchun qilgan xizmatlarini bilishi va bu afsonaviy shaxsga xurmat bildirishi shart! Zero bu inson "Qirollik klubi” ning otasi hisoblanadi.

Manba: http://realmadrid.ru/news/31930/

Fantastic_player