Sergio Ramos butun faoliyati davomida (klub safida 415, terma safida 122 o'yin) jarohatdan so'ng tiklanib, bahslarga tayyor ekanligini barchaga isbotlab kelgan. Hozirda himoyachining o'ng oyog'ida jiddiyroq jarohat bor. U terapevt nazorati ostida tiklanmoqda. Imkon qadar tezroq tuzalish maqsadida Sergio "Qizil Furiya" bilan bugungi va yakshanma kungi Slovakiya hamda Lyuksenburgga qarshi o'yinlarda ishtirok etmaydi.

Vitse-sardor o'z oldida qat'iy maqsad qo'ydi: 22-oktabr kuni "Enfild"da bo'lib o'tadigan "Liverpool"ga qarshi uchrashuvga shay bo'lish. Buning uchun unda yana 12 kun muhlat bor. Madridliklar klubi murabbiylar shtabi ham Ramosga tanaffus e'lon qildi. U 18-oktabr kuni La Ligadagi "Levante"ga qarshi 8-turni o'tkazib yuboradi.

"Kamaslik fir'avn" bejizga "Enfild"da maydonga tushishni istamayapti. 2009-yil 10-mart kuni bu stadionda "mersisaidliklar" Chempionlar ligasi 1/8 finalida "Real Madrid"ni 4:0 hisobida alamli mag'lubiyatga uchratgan. Bu esa Ramosning xotirasidan o'chib ketganicha yo'q.

Ushbu bahsdan so'ng 3 kungina o'tib Qirollik klubini yana bir jang kutmoqda. La Liga peshqadami - "Barcelona" bilan navbatdagi "el clasico" kutmoqda. Albatta Ramos bu o'yinni ham o'tkazib yuborishni istamaydi.

vk.com/rmadrid

Fenómeno