Agar bu mavsum finalga kim eng yaxshi formada yetib boradi desa, bunga Sergio Ramos deb javob berish mumkin. U oxirgi vaqtlarda juda ajoyib o'yin namoyish etmoqda.

U yarim finaldagi dubl bilan haqiqiy qahramon bo'ldi. Shuningdek, La Ligada 3 uchrashuvda ketma-ket gol urib, o'ziga xos natija ko'rsatdi ("Osasuna", "Valencia" va "Valladolid") va Primerodagi 38-goliga mualliflik qildi.

Kamaslik futbolchi ham himoyada, ham hujumda jismoniy jihatdan ancha kuchli namoyon bo'lmoqda. Birgina "Valladolid"ga qarshi kechgan bahsda u raqib darvozasiga naqd 5 marotaba zarba yo'lladi. "Espanyol"ga qarshi kechga so'nggi tur bahsida esa u Baledan keyin eng ko'p zarba bergan madridlik futbolchi bo'ldi.

Ramos avvalgi mavsumlarga qaraganda qo'polliklarini ancha kamaytirdi. To'g'ri, bu mavsumda 15 ta sariq va 2 ta qizil kartochka ham kattadek tuyuladi, lekin Ramos uchun bu kamlik qiladi. Tasavvur qilish qiyin, lekin haqiqat shuki, Ramos oxirgi 3 ta sariq kartochkani butun 4 oy davomidagi barcha musobaqalarda ishlab oldi. Bu Ramos faoliyatida sensatsion natija!

vk.com

Fenómeno