Hurmatli Real-Madrid.uz sayti mehmon va foydalanuvchilari! Sizlarga "Borussia"ga qarshi javob o'yiniga "Qaymoqli prevyu"ni taqdim etamiz. 

"Borussia" va uning o'yinchilari bilan tanishishni birinchi o'yin uchun tayyorgangan prevyuda o'qishingiz mumkin. Qaymoqli prevyu. Revansh uchun imkoniyat!

O'yinga topshiriqlar

• Yarim finalga chiqish

"Real" birinchi o'yinda yarim finalga deyarli chiqib bo'ldi, ammo u faqat "Signal Iduna Park"da rasmiylashtiriladi.

• "Nemis" statistikasini yaxshilash

Hammaga ma'lum, "Real"ning nemis diyorida omadi kelmaydi. Nemis klublari bilan Germaniyada bo'lgan 26 o'yinda "Madrid" atigi 2 ta g'alaba erishgan, ulardan biri ChL joriy mavsumidagi "Schalke" bilan 1:6 hisobidagi uchrashuvdir.

Cristiano Ronaldo

• Ronaldo  ChL amaldagi mavsumida rekordni chorak final dastlabki o'yinidayoq takrorlagan holda 8 o'yinda 14 ta gol urdi. Ertada u bu rekordni yangilashi va Chempionlar Ligasi tarixiga o'z nomini muhrlashi mumkin. Bundan tashqari, u Ruud van Nistelrooy rekordi bilan tenglashishi mumkin, Gollandiyalik Chempionlar Ligasida ketma-ket 9 uchrashuvda gol urgan, Ronaldo esa 8 o'yindan beri maydonnni golsiz tark etmayapti.

Pepe

• "Signal Iduna Park"dagi o'tgan yilgi bahs antiqahramoni bu yerga bir yildan so'ng tashrif buyurmoqda, lekin ajoyib formada. Pepe yana Lewandowskiga qarshi o'ynaydi. O'tgan yili hammasi Robertni "pokeri" bilan yakun topgandi, ammo men yuqorida yozganimday, Pepe hozirda ajoyib formada va oldingi xatolarini takrorlamaydi.

Taxminiy tarkib:

Qiziqarli faktlar:
• "Real" Chempionlar LIgasining so'ngi 10 uchrashuvida kamida 2 tadan gol urgan.
• "Real" Chempionlar Ligasining oxirgi 10 o'yinidan 9 tasida g'alaba qozondi.
• "Borussia" Chempionlar Ligasining oxirgi 3 o'yinida kamida 2 tadan gol o'tkazib yubordi.

O'yindan kutish:

Madridismo: "Intriga birinchi o'yindanoq o'lgandi, shuning uchun shunchaki raqibni ortda qoldirish va yarim finalga chiqish kerak. O'tgan yilgi chorak final hammaninig esida bo'lsa kerak. Shu sababdan ehtiyot bo'lib o'ynash kerak. Menimcha yo'llanma dastlabki o'yinda hal bo'ldi. Faqat va faqat g'alaba kutib qolaman.

Madridismo