Hurmatli Real-Madrid.uz sayti mehmon va foydalanuvchilari! Sizlarga "Aletico"ga qarshi "Qaymoqli prevyu"ni taqdim etamiz. 

Raqib: "Atletico"

To'liq nomi: Club Atletico de Madrid S.A.D
Laqablar: Colcholes (Matraschilar), Induos (Hindular),
Tashkil etilgan: 1903-yilning 26-aprelida
Stadion: "Vicente Calderon" (54 000)
Prezident: Enrique Serezo
Murabbiy: Diego Simeone
Sardor: Gabi

"Atletico" ortda qolgan mavsumni shunchaki, fantastik darajada o'tkazdi. Chempionlar Ligasi finaligacha kelish va La Ligani boshqa ikki yetakchidan tortib olish oson ish emas, albatta. Ular finalda ham g'alaba qilishlari mumkin edi, faqat... faqat Ramosning goli bo'lmaganda. "Matraschilar" Qirollik Kubogida ham yarim finalgacha borishdi. Ularga mavsum uchun 10 ballik tizimdan 10 ball qo'ysak arziydi.

Yangilangan "Atletico"

Jamoani yozgi transfer oynasida uch asosiy figura - Diego Costa, Thibaut Coutois va Filipe Luislar tark etishdi. Bu albatta klubning o'yiniga katta ta'sir qiladi. Ularning o'rnini bosish uchun Griezzman, Mandzukic, Ansaldi, Siqueira, Jimenez taklif etildi. Ko'ramiz, ancha yangilangan "hindular" qanday o'yin ko'rsatishadi.

Ikki o'yinli bahslarda tajribasizlik

Esingizda bo'lsa, "Real" ichki chempionatda "Atletico"ni mag'lub eta olmagandi, ammo Ispaniya Kubogi yarim finalida ikkala uchrashuvda 3:0 va 0:2 hisobida yer tishlatgandi. Xo'sh, bu nimadan darak beradi? So'zsiz, "Atletico" 2-3 yil oldingi jamoa emas, lekin ikki uchrashuvli bahslarda tajribasizdek. Shuningdek, ular ChL finalida gol o'tkazishganidan so'ng tushkun holatga tushib qolishdi, axir hisob tenglashgandi va oldinda yana 30 daqiqa bor ediku!

O'zini ko'rsatish uchun imkoniyat

Mana shu o'yinlarda James Rodriguezga o'zini ko'rsatish uchun ajoyib imkon tug'iladi. Unda oldingi uchrashuvlarda biroz hayajon sezildi. Endi JChdagi o'yinlarini namoyish etishi lozim. Toni Kroos tezda jamoaga kirishib ketdi. Bu match "Atletico"ning yangi futbolchilari uchun ham muhim ahamiyat kasb etadi.

Yangiliklar

• Arda Turan jarohati sababli o'yinni o'tkazib yuboradi.
• Bale va Pepeda ham kichik shikastlanish bor.
• Bale uchrashuvni asosiyda boshlashi kutilmoqda. Pepe o'rnini esa Varane egallaydi.
• Diego Simeone 4-4-2 taktikasidan foydalanadi. Mandzukicning yonida Griezmann
• Isco, Khedira yoki Illarra zaxiradan maydonga tushadi.

O'zaro uchrashuvlarda "Real Madrid" statistikasi:

O'yinlar 158
G'alaba 88
Durang 33
Mag'lubiyat 37
Urilgan gollar 287
O'tkazib yuborilgan gollar 209
To'plar nisbati +78

Oxirgi 5 o'yin:

24.05.2014 | Chempionlar Ligasi. "Real Madrid" 4:1 "Atletico"
02.03.2014 | La Liga. "Atletico" 2:2 "Real Madrid"
11.02.2013 | Copa del Rey. "Atletico" 0:2 "Real Madrid"
05.02.2014 | Copa del Rey. "Real Madrid" 3:0 "Atletico"
28.09.2013 | La Liga. "Real Madrid" 0:1 "Atletico"

Taxminiy tarkib:

Taxminiy hisob: "Real Madrid" 2:0 "Atletico Madrid"

​O'yindan kutish

Madridismo: "Bu uchrashuv juda ham qiziq o'tishi aniq. Har ikki jamoa ham g'alabaga intiladi. Birinchi bahs "Bernabeu"da bo'lgani uchun asosiysi gol o'tkazib yubormasligimiz zarur. Sevimli jamoamizdan g'alaba kutib qolamiz. Hala Madrid!".

Madridismo