"Real Madrid" - "Rayo Vallecano" derbi o'yini oldidan prevyu...

O'yin haqida ma'lumot

O'yin: La Liga, 11-tur

Stadion: "Santiago Bernabeu"

Sana: 8.11.2014

Vaqt: 23:55

Hakam: Perez Montero

Raqib: "Rayo Vallecano"

To'liq nomlanishi: Rayo Vallecano de Madrid, S.A.D.

Laqablari: "Rayistas", "Vallecanos" va "Asalarilar"

Asos solingan: 29.05.1924

Stadion: "Estadio de Vallecas" (15.000)

Prezident: Raul Martin Preza

Murabbiy: Paco Jemes

Sardor: David Cabeno

Joriy mavsumda:

"Rayo" - kichik, ammo qat'iy Madrid klublaridan biri. Bu jamoa futbolchilari u qadar kuchli bo'lmasada, hech qachon raqibga qarab o'z hujumkor futbolidan voz kechmaydi. Jamoa 10 turda 3 g'alaba, 2 durrang va 5 mag'lubiyatni qayd etgan. "Rayo" raqiblar darvozasi tomon 13 bor yo'l topgan. Bu CR7 ko'rsatkichlaridan ham past (17). 19 bor o'z darvozasidan to'p olib chiqqan. To'pga egalik qilish bo'yicha La Ligada 57,3% ulush bilan uchinchi o'rinda turadi.

TOP

• To'purarlar:

1. L.Baptistao - 6
2. A.Bueno - 4
3. G.Cakuta - 2

• Assistentlar:

1. G.Cakuta - 2
2. J.Akino - 2
3. A.Bueno - 1

• Qoidabuzar futbolchilar:

1. Abdulaye - 5 s.k.
2. P.Baena - 4 s.k.
3. Ze Castro - 3 s.k.

Shaxs: Leonardo (Leo) Baptistao

Leo Baptistao "Atletico"dan ijara asosida o'z maktabida to'p surmoqda. O'tgan mavsumda "Betis" uni ijaraga olgan edi. U yerda Leo 17 uchrashuvda atigi 1 ta gol qayd etgan. Ammo "Rayo"da 9 o'yinda 6 bor raqiblar darvozasini aniq nishonga oldi. Braziliyalik ancha muvofaqqiyatli chiqish qilmoqda. Qiziq tomoni Leo 6 golini 3 uchrashuvda 3 bor dubl bilan o'z nomiga rasmiylashtirib qo'ygan. Bu gollar qimmatlo 3 va 1 ochkolarni jamoaga hadya etgan.

Paco Jemes. O'z uslubiga sodiq murabbiy

Paco ajoyib murabbiylardan biri. Uning iste'dodini chetda qoldirib bo'lmaydi. Unga o'z kuchini ko'rsatish uchun bir narsa yetishmaydi - moliyaviy qashshoqlik. Ikki mavsum muqaddam qarzdorlik tufayli qahramonlarcha Yevropa Ligasi yo'llanmasini qo'lga kiritgan jamoa, ushbu moliyaviy tanglik tufayli yevrokuboklardan olib tashlandi va "Sevilla" "Rayo"dan baxtli biletni olib ketdi hamda yakunda Yevropa Ligasi kubogini qo'lga kiritdi.

2012-yildan buyon Jemes qo'l ostida faoliyat yuritayotgan jamoa ochiq va hujumkor futbolni xush ko'radi. "Real", "Barcelona" yoki boshqa yetakchi klub bo'lishidan qat'iy nazar o'z uslubida voz kechmaydi. Shu sababli ham Rayoda Jemesni tomoshabop o'yinlari uchun juda hurmat qilishadi. O'tgan mavsum birinchi yarmi "Rayo" uchun omadsiz edi, 19 turda atigi 5 g'alabaga erishdi, biroq mavsumning ikkinchi yarmida o'zini ko'rsatib, 13 g'alabaga erishdi, to'pga egalik qilish bo'yicha 59,5% ko'rsatkich bilan "Barcelona"dan keyingi natijani qayd etdi.

Paco Jemes qo'l ostida "Rayo" ikki yil ichida 86 turda ishtirok etib, 32 g'alaba, 11 durrang va 43 mag'lubiyatga ega. Gollar nisbati - 109x165. Afsuski, jamoaning byudjetidagi taqchillik klub rivojini bo'g'ib qo'yadi. Yaxshi futbolchilarni faqatgina ijaraga oladi yoki bor tarkibi bilan mavsumni davom ettiradi. Bejizga yaqin o'tmishda Pacoga "Barcelona" murabbiylik taklifi bilan chiqishni niyat qilmagan edi.

"Madrid"ning o'zaro bahslardagi natijalari:

O'yinlar - 32

G'alaba - 24

Durrang - 3

Mag'lubiyat - 5

Gollar nisbati - 85x32 (+53)

So'nggi 5 uchrashuv:

29.03.2014 | "Real Madrid" 5:0 "Rayo Vallecano"
02.11.2013 | "Rayo Vallecano" 2:3 "Real Madrid"
17.02.2013 | "Real Madrid" 2:0 "Rayo Vallecano"
24.09.2012 | "Rayo Vallecano" 0:2 "Real Madrid"
26.02.2012 | "Rayo Vallecano" 0:1 "Real Madrid"

Taxminiy tarkib:

Qiziqarli faktlar:

• "Madrid" La Ligadagi uy o'yinlarining 35 tasidan 31 tasida g'alaba qozongan
• "Madrid" barcha musobaqalarda so'nggi 9 uchrashuvda "Rayo"ni mag'lub etgan
• "Madrid" "Bernabeu"da so'nggi 7 uy o'yinidan 6 tasida 3 tadan kam gol urmayapdi
• Cristiano Ronaldo 6 uchrashuvda "Rayo" darvozasi tomon 8 bor yo'l topa olgan
• "Rayo" safar o'yinining 3 tasidan 2 tasini yutgan.

O'yindan kutilayotgan voqealar:

"Rayo"ga qarshi so'nggi yillardagi o'yinlar Qirollik klubi uchun ancha yengil kechmoqda. Biroq Carlo jamoasi har bir o'yinni o'zi uchun navbatdagi sinov - imtihon deb biladi. Bu futbol. Unda har qanday holat yuz berishi mumkin. Lekin an'anaga ko'ra, bu uchrashuvda ham jamoamizdan faqatgina chiroyli futbol hamda yirik hisobdagi g'alabani kutib qolamiz.

www.merengues.ru

Fenómeno