Asosiy » 2014 Yanvar 12 » PREMYERA: CRISTIANO RONALDO VA "OLTIN DAVR"
13:11 PREMYERA: CRISTIANO RONALDO VA "OLTIN DAVR" | |
 2013-yil Ronaldo yili bo'ldi, shaxsan menda hech qanday shubha yo'q. Deyarli bu futbolchida ixtiyoriy yoki ixtiyorsiz soxtalashtirilgan palla bo'lmadi. U bungacha kim kuchli ekanligini bilar edi, lekin u uni atrofidagilarda shubha qoldirmaslikka qaror qildi. Aftidan, shuning uchun ham Ronaldo yilni qandaydir tebranishsiz boshladi va katta yulduz bo'lib porlay boshladi, yangi darajaga ko'tarilishga qaror qildi. 6-yanvardayoq (2013-yil) "Real Sociedad"ga qarshi o'yinda Ronaldo o'z klubining sardorlik bog'ichini taqdi, gol urdi va o'n kishi bo'lib yakunlashga to'g'ri kelgan o'gir o'yinda g'alaba qozonishga yordam berdi.  Aynan keyingi kuni to'rtinchi marta Lionel Messi "Oltin to'p"ni yutganida taqdir unga jiddiy hissiy sinov tashladi. Ronaldo yana ikkinchi bo'lib qoldi. Menga noma'lum, nima uchun u fotomuxbirlar va teleoperatorlar oldida jilmaydi, lekin endi marosim oxirida u aniq ranjiganligini jilovlay olmadi, yashindek Tsyurix Kongressxausni tark etdi, Irina Shaykni esa yolg'iz qoldirdi.  Keyingi kuni Ronaldo nashrlarga g'azabini bildirdi, mashg'ulot vaqti ham, undan keyin ham shtanga ko'tardi va to'pni vajohat bilan tepardi. "Oltin to'p" navbatdagi marta Messiga oqib ketdiki, oqibatda Cristiano achchiqlandi. U qahrini 9-yanvar kuni sepib tashladi, portugaliyalik kubok uchrashuvida "Celta"ga xet-trik qayd etdi, lekin hissiyoti uzoq saqlanib qolaverdi, oradan ikki yarim hafta o'tib "Getafe" bilan o'yinda u o'z hisobiga yana bir gol yozib qo'ydi. 2013-yilning boshlanishi foydali bo'ldi va keyingi butun yilda kerakli kayfiyatni yaratdi.  Klubdagi yorqin lahzalari bular - kubok o'yinidagi "Barcelona" darvozasiga kiritilgan safardagi ikki gol va Chempionlar ligasida sobiq jamoasi "Man Utd"ga urilgan gol hamda mavsum oxirigacha "Real" tarkibidagi 200-gollari bo'ldi. Yana - kuzgi o'yinlardagi ajoyib formasi bo'lib, uning o'zi buni butun hayotidagi eng yaxshisi deb atadi. Bu yil Ronaldo 60 o'yinni 69 gol bilan yakunladi - ishonib bo'lmas ilgari hech kimga nasib etmagan ko'rsatkich. Ha, bu yilda Cristiano birorta unvonni yuta olmadi. Chempionlar ligasida yarim finalda "Borussia" to'xtatib qoldi, chempionatda "Barcelona" kuchliligini namoyish etdi, Ispaniya kubogida - "Atletico". Lekin "Oltin to'p" faqat jamoaviy natijalar uchun berilmaydi. O'ylashimcha, Ronaldo oxir-oqibat eng kuchli bo'lib qolish uchun mumkin va mumkin bo'lmagan barcha ishni qildi.  Agar jamoa haqida gapirilsa, termani eslash yetarli, hammasi joyiga tushadi. Mazkur yilda Ronaldo Portugaliya uchun 9 o'yin o'tkazdi va ularda 10 ta gol urdi. Ekvador, Xorvatiya va Gollandiya bilan o'rtoqlik, Shimoliy Irlandiya va Shvetsiya bilan rasmiy o'yinlarda jon kuydirdi. Barcha shubhalarga chek qo'ygan o'yin shvedlarga qarshi bo'ldi - bu Ribery va Messi bilan raqobatda eng mustahkam asos bo'ldi. Fransuz ham, argentinalik ham o'z termalari uchun amalga oshirgan yildagi ikki eng muhim yurishlari bilan maqtana olmasdi. Portugaliya Shvetsiyaga katta qiyinchilik bilan 4 ta gol yuklab qo'ydi - hammasi Ronaldo muallifligida edi. Asabiy bo'lgan yoshlar asab tolalari po'latdan bo'lgan maxluqqa aylanib qolishdi. Birinchi o'yinda u boshi bilan juda zo'r o'ynadi, aynan himoyachining yelka ostidan zarba yo'lladi, javob o'yini esa u o'z nomi ostidagi ajoyib spektakl yaratdi, yorqin xet-trik qayd etdi. Bu futbolchining yolg'iz o'zi jamoasini jahon chempionatiga yetaklagan holat edi. Buni faqat buyuk futbolchigina qila oladi. Noyabrda Stokgolmda u yana bir bor buyuk ekanligini isbotladi.  Ronaldoning oyoq mushaklariga e'tibor bering-a... Cristianoning belida ko'pmillionli reklama shartnomalarini tuzgan qudratli korporatsiyalar turibdi deb hisoblashadi. Emishki, ovoz berishda ular mustahkam propaganda qilishgan ekan. Ehtimol shundaydir. Biroq, qaysidir kompaniya taniqli futbolchiga shunday zo'r yugurish, kuchli va aniq bo'lish va mashg'ulotlarda jonbozlik ko'rsatib ishlashni o'rgatadimi? Nazarimda yo'q. Bularning barchasi - o'z mehnatlari evazigadir. "Oltin to'p" 2013-yilda sayyoraning eng kuchli futbolchi bo'lgan aynan Ronaldoga berilishi shart. www.real-madrid.uz Muallif: Dmitriy Zelenov, Tarjimon: Fenómeno | |
|
| |
| Barcha fiklar: 12 | |||||||||||||||||||||||||||||||||||||||||||||||||||||||||||||||||||||||
KIRISH
mediabay.uz
Timer
keyingi uchrashuv
so'ngi uchrashuv
La liga jadvali
Liga to'purarlari
SUHBAT
lex.uz
saytda
ONLINE: 1 RO'YXATDAN O'TMAGAN FOYDALANUVCHILAR: 1 MADRIDISTLAR: 0
Mobil ko'rinish
RONALMADRID (ADMINISTRATOR) © 2024
| |||||||||||||||||||||||||||||||||||||||||||||||||||||||||||||||||||||||
0
