Asosiy » 2013 May 2 » PREMYERA: BIR PIYOLA "BARCA" CHOY USTIDA - 2
21:02 PREMYERA: BIR PIYOLA "BARCA" CHOY USTIDA - 2 | |
 Esingizda bo'lsa, bundan rosa ikki oy muqaddam "Bir piyola "barca" choy ustida" maqolamizni taqdim etgan edik va bu yangilik ko'pchilikning e'tiboriga tushgan edi, bugun ushbu maqolaning yangi - ikkinchi qismini taqdim etamiz...  O'tgan sonda yodingizda qolgan bo'lsa La Liga va Ispaniya Kubogi doirasidagi "classico"lar haqida gaplashgan edik, bu o'yinlar oldidan "Barcelona" o'z kuchiga juda ishongan, OAV larida ancha-muncha chiqishlar qilingandi. Masalan bir kichik misol keltiramiz, "Ispaniya Kubogi finaliga chiqamiz... "Bernabeu"da kerakli natijani qayd etdik (1:1)... O'z uyimizda ustunmiz..." va hokazo, o'yindan so'ng esa "Bizga bu kubok uncha muhim emas..." va shunga o'xshagan intervyular...  Demak bu sonda "Barcelona"ning Chempionlar Ligasining yarim final o'yinlariga to'xtalamiz. Avvaldan takrorlayman maqolaning nomi Kataloniya klubi ustidan masxara qilish emas, shunchaki bir mavzu atrofida barchamiz muhokamali fikrlar olib borishimiz uchun xolos! "Bayern Munchen" "Barcelona" bilan qur'a tashlash marosimida to'qnash kelishini bilganda, katalon klubi vakili (?) yuzida norozilik va tushkunlik bor edi, bu klub uchun ilk ruhiy zarba edi! Birinchi uchrashuv Germaniya bo'lib o'tdi va unda mezbonlar sensatsion tarzda raqibi darvozasiga 4 ta javobsiz to'p kiritdi (aslida undan ham ko'p bo'lishi mumkin edi). Afsuski, "Barca" bunga irodali o'yin ko'rsata bilmadi. Ispan jamoasi Manuel Nuer darvozasi sari bitta xavfli zarba bera oldi xolos, 4 karra "Oltin to'p" sohibi Leo Messichi??? Boshi egik holda maydonga tuflagancha chiqib ketdi, bu natijani u tushida ko'ribdimi? Albatta, bu borada myunxenliklarning ham fantastik o'yiniga baho berish kerak. "Barcelona"ni faqat 1 golda oqlash mumkin, Robbenning golida Mullerning Albani to'sib yerga qulatganida hakam jarima belgilamadi, lekin 3:0 bo'lganda ham nima foyda? "Real"dachi 2 ta nohaq gol bo'lmagandachi, "Bernabeu"dagi 2:0 bilan umumiy hisob 2:3 bo'larmidi? Taassuf, "Madrid" ham hakamlardan aziyat chekdi...  Oddiy muhlis sifatida o'yinni kuzata turib ichimda o'zgacha hislar shakllana boshladi. Bu nima edi??? Odatda biz azaliy raqiblarimiz mag'lubiyatga uchrasa, benihoya hursandchilikka berilardik (qarshi tomondagilar ham). Menda esa bu kecha o'zgacha kechinmalar tinmay jo'shardi. "Barcelona" bunday katta hisobda mag'lub bo'lishini istamay qoldim, BARCHANGIZ BU FIKRIMDAN XAYRATGA TUSHDIZMI? Yo'q, ularni tarafini olganim yo'q, La Ligada "Barca" mag'lub bo'lganda, hech ikkilanishsiz, to'siqlarsiz, sizlar qatori sevinardim, ammo xalqaro arenada vaziyat o'zgardi. Nima uchun??? Gap shundaki, menga katalonlarning yirik farq bilan tor-mor etilishi go'yo nemis futbolining ispan futboli ustidan saviyasiga past qaraganligiga ishora qilgandek bo'ldi, ha alam qilgani ispan futboli uchun xolos, shu sababdan kichik hisobdagi mag'lubiyatni kuta boshladim...  Javob o'yinida butun Kataloniya "Barcelona"dan mo'jiza kutdi... Muhlislar ham, futbolchilar ham o'yin oldidan 4:0 hisobida g'alabaga erishib, muvozanatni tiklashga ishona boshlashdi... Lekin bular faqat "til uchida" ekan...  Hatto birinchi o'yindan keyin mag'lubiyatni tan olishni xohlamagan "ko'k-anorranglilar" javob natijasidan so'ng axiyri "qo'llarini ko'tarishdi"... Umumiy hisob 0:7, sharmandali natija... Biz masxara qilmoqchi emasmiz, axir ispan futboli va "Camp Nou"dagi klub ramziy tusiga kirgan muhlislar shakllantgan ajoyib atmosferada "jon uchun talashish, kurashish" kerak emasmidi???  Klub muhlislari nima deyishganini eslaysiz, "Real"dan qabul qilingan bu mavsumdagi ustunlik (biror marta raqiblar "qaymoqranglilar"ni mag'lub eta olmadi)ni bosh murabbiy Tito Vilanovaning betoblik tufayli yo'qligi, shu sababli murabbiysiz qolganligi, yordamchi Jordi Rouraga esa o'z tillari bilan ishonchsizlik bildirishdi... Haqiqiy muhlis jamoaga bitta "tayoqcha" boshqaruvchi qilib tayinlansa ham ishonishi kerak!!!  "Camp Nou"dagi hisob 0:3, "Barca" qariyb 20 yildirki, har ikki o'yin natijasini faqat bittasiga mag'lub bo'lib kelgan xolos, o'z uyida esa sal kam 10 yil oldin CHempionlar Ligasida mag'lub bo'lgan xolos... Bu shunchaki statistik natija emas!!! An'ana bu safar tubdan o'zgardi, jamoa o'rnashgan kema "tubsiz jarga g'arq bo'ldi".  Dunyoda "ko'pchilik" nazdida tengsiz futbolchi, o'zga sayyoralik, Cristiano Ronaldodan "ustun" Leo Messi hatto maydonga tushmadi, bu o'sha muhlislar bahonasidagi bosh murabbiy Tito Vilanovaning xatosi, butun "Camp Nou"dagi ishqibozlarga ruhiy zarbasi, myunxenliklarga esa "shirin sovg'a" bo'ldi. Nima uchun Leo maydonga tushmadi??? Sabab yo'q, Titoning oldindan mag'lubiyatni tan olib maydonga jamoasini boshlab chiqib, umidsizlikka tushib "gol mashinasi"ni zaxirada olib qolish asl sabab bo'la olmaydi, bu har qanday xolis muhlis, oddiy inson uchun sharmandali holat, Tito nima bo'lganda ham Ispaniya uchun, klubning jahon statistikasidagi yetakchiligi uchun Messini o'ynatishi lozim edi deb hisoblaymiz! Axir hech qanday jarihat asorati yo'q ediku! Jahon futbolida istaymizmi-yo'qmi "Barcelona"ning ham, Ispaniyaning ham nufuziga bir qadar "qora chiziq" tortildi. Messining "batareykalari" - Xavi hamda Iniesta muddatidan oldin maydonni tark etdi.  Biz sevgan "Real" esa "mag'lub qilingan" g'olib sifatida muhlislar muhabbatini yanada kuchli qila oldi. Raxmat "Real Madrid" va "Bernabeu"!!! Biz ishonamiz va kutamiz "Real Madrid" yangi mavsumdan boshlab o'ta kuchli va "Yengilmas armada" (Ispaniyaning o'rta asrlardagi buyuk kema armiyasi)ga aylanadi hamda 10-Chempionlar Ligasi kubogi Madridga keladi!!! Ba'zi fikrlarim maqbul kelmagandir, lekin iltimos qilib gaplarimni har tomonlama mushohada etgan holda baholashingizni so'rab qolaman. Kamchiliklar uchun oldindan uzr, hurmat-ehtirom ila Moderator: RM_CRISHTU_7 | |
|
| |
| Barcha fiklar: 19 | ||||||||||||||||||||||||||||||||||||||||||||||||||||||||||||||||||||||||||||||
KIRISH
mediabay.uz
Timer
keyingi uchrashuv
so'ngi uchrashuv
La liga jadvali
Liga to'purarlari
SUHBAT
lex.uz
saytda
ONLINE: 1 RO'YXATDAN O'TMAGAN FOYDALANUVCHILAR: 1 MADRIDISTLAR: 0
Mobil ko'rinish
RONALMADRID (ADMINISTRATOR) © 2024
| ||||||||||||||||||||||||||||||||||||||||||||||||||||||||||||||||||||||||||||||
0
