Asosiy » 2013 Sentabr 19 » PEREZ MESUT HAQIDA VA FUTBOLCHI TRANSFERI HAQIDA AYRIM MULOHAZALAR...
18:15 PEREZ MESUT HAQIDA VA FUTBOLCHI TRANSFERI HAQIDA AYRIM MULOHAZALAR... | |
 Avvalo eslatma: saytimizda Mesut hurmati uchun xabarlarni cheklab qo'ygan edik, faqat vaqti-vaqti bilan u haqda yangilik chiqaramiz, biz uning Londonda tez moslashib ketganidan hursandmiz va omad tilab qolamiz, uni faqat yaxshi xotiralar bilan eslaymiz, chunki u bunga munosib, Ozil to'g'irisida ichimda qolgan, lekin uni sizga ma'lum qilishning vaqti soati endigina yetganligi tufayli sizga ma'lum qilmoqchiman, bu haqda prezident intervyusidan keyin... Florentino Perez Mesutning ketishi to'g'risida jurnalistlarga o'z javobini aytdi: - Ozilning o'zi uni qo'yib yuborishimizni so'radi. "Real"da hali hech kim mening tashabbusim bilan shartnomani buzmagan. U shunchaki Madriddagi bosimni yenga olmadi. www.news.sport-express.ru Endi vaziyatning asl mohiyatiga o'tsam (mening fikrim va bir qancha manbalarda to'plagan ma'lumotlarim asosida). Gap shundaki, Mesutning ketish masalasi haqidagi mashmasha o'tgan mavsumda, may oyidayoq boshlangan edi, bu haqda bir qadar ma'lumotga egasiz. Mesutning agenti Mustafo, ya'ni uning otasi sanaladi. Otasidagi turklarga xos bo'lgan qiziqqonlik esa ajoyib pleymeykerni Madriddan Londonga "ko'chirib" qo'ydi. Futbolchining o'zi esa ancha kamtar, faqat otasiga qarshi chiqmaganligi uchun vaziyatni boshqara olmadi, ha bu Ozilning emas, balki Mustafoning aybi bo'ldi. May oyida shu vaqtgacha o'zini Madridda baxtli his etayotgan futbolchining otasi mo'may daromadni ko'zlab, Perez tomon yurish qildi. Uning qo'lida yangi shartnoma va talab! O'g'li uchun 2019-yil yozigacha shartnomani uzaytirish va yillik daromadni 7 mln yevroga ko'tarish edi. Perez bunga rad javobini bermadi va kutishni so'radi. Mustafo sabrsizlana boshladi, Perez esa Mour o'rniga yangi murabbiy izlar edi, Ancelotti esa klubga qiyinchilik bilan olib kelindi. Gap shundaki, prezident o'zi qaror chiqarmay, murabbiyga bu holatni hal etishni so'radi, Carlo esa Ozilni jamoada saqlab qolishni istadi, u birgina kamchilik haqida gapirdi, Ozilda himoyaviy o'yin yo'qligi haqida, ammo bu ishni professionallarcha amalga oshirishiga ishondi... Isco jamoaga qo'shildi, bu Ozil uchun birinchi raqobat, Bale kelganda biroz vaziyat o'zgardi. Lekin Mesut shunda ham jamoadagi o'rni uchun kurashga shay ekanligini yashirmadi, transfer kunining oxirida, yarim tunda nemis futbolchisi "Arsenal"ni tanladi, aniqrog'i Mustafo Ozil Arsene Wengerning "moyligina taklifi"ni qabul qildi. Ozil esa musulmonlarga xos tarzda otasining gapidan chiqmadi. "Arsenal" dunyoda tengsiz pleymeykerni qo'lga kiritdi, lekin Ozilning tanishtiruv marosimida uning yuzida g'amginlik va tushkunlik alomatlari sezilardi. Chunki uning qalbi Madridda qolgan edi. Bu alomatlar fotolarda yorqin aks etgan (ulardan biri quyida):  Butun jamoa, madridlik muxlislar qattiq ranjishdi, lekin... Tan olish kerak Ozilning jamoadagi o'rni bilinmoqda, zero hujumga intilgan sherigini vaqtida payqay olish qobiliyati Mesutda nihoyatda yuqordi edi. Lekin endi biz madridistlar yangi vaqt, yangi jamoa haqida ko'nikma hosil qilishga majburmiz, o'ylaymizki, tez orada, uning o'rnini Isco, Bale, Di Marialar bilintirmaydi va bizga yangi mavsumda sovrinlar ketma-ketligini taqdim etadi. To'g'ri Ozil Madridga kelib, tungi klublar va qizlarga munosabatini kuchaytirdi, lekin bu asosiysi emas edi. Ertalabki mashg'ulotlarda Ozil toliqib kelar edi, ammo bu ham jamoaning futbolchiga munosabatini o'zgartirmadi, chunki uning iqtidori "blankoslar"ga hali kerak edi. O'sha yangi shartnoma va uning yana 7 yilga uzaytirilishi haqidagi talab katta yo'qotishga sabab bo'ldi! Kimgadir so'zlarim manzur bo'lmasa uzr so'rayman, lekin bu xabarga o'z munosabatingizni chiroyli qilib bildirishingizni istayman! www.real-madrid.uz RM_CRISHTU_7 | |
|
| |
| Barcha fiklar: 17 | ||||||||||||||||||||||||||||||||||||||||||||||||||||||||||||||||||||||||||||
KIRISH
mediabay.uz
Timer
keyingi uchrashuv
so'ngi uchrashuv
La liga jadvali
Liga to'purarlari
SUHBAT
lex.uz
saytda
ONLINE: 67 RO'YXATDAN O'TMAGAN FOYDALANUVCHILAR: 67 MADRIDISTLAR: 0
Mobil ko'rinish
RONALMADRID (ADMINISTRATOR) © 2024
| ||||||||||||||||||||||||||||||||||||||||||||||||||||||||||||||||||||||||||||
0
