Asosiy » 2013 Sentabr 29 » BARCHAGA TAVSIYA ETILADI: ANALITIKA
17:46 BARCHAGA TAVSIYA ETILADI: ANALITIKA | |
 Bugun saytimizda analitika, ya'ni "Real Madrid"ning bugungi kuniga bag'ishlangan ayrim tahlillar bilan tanishib chiqamiz. Albatta, bu ancha muhokamali, qiyoslama jumlalardan iborat bo'ladi. "Qirollik klubi"ning kechagi hamda bugungi holati mavzuning asosiy jihati bo'ladi. Zero hozirgi dolzarb masala ham aynan mana shu...  Avvalo derbi haqida... O'yin "Real" uchun faqat omadsiz o'yin bo'ldi deb bo'lmaydi, shunchaki jamoaviy o'yinni qovushtirish omadni kelishini osonlashtirardi. Butun o'yin davomida "matraslar" to'pni egallash bo'yicha madridliklarga yengilishdi, lekin natijachi??? Ancelottining to'pni nazorat qilish orqali o'yinni yutib olish maqsadi amalda o'tgan yilgiga nisbatan ancha yaxshi! Lekin... Kataloniya klubi taktikasiga o'xshash uslub bizga bitta durrang va kechagi mag'lubiyatni taqdim etdi. Derbida kamida 4 ta gol o'tkazib yuborishimiz mumkin edi, lekin bilasizmi Diego Lopez daxshatli, fantastik seyflari bilan sharmandali hisobdan jamoani qutqara oldi. Birgina Di Maria va Alvaro Arbeloa zanjiridagi xatolik o'yin boshida qimmatga tushdi. Futbolda bo'lib turadi. Carvajalni tushirish yaxshi bo'larmidi? Lekin har doim maydonda kim yaxshi o'ynashini oldindan bashorat qilish mumkin, aniq topolmaymizda!  Ispaniyada, jumladan bizning oramizda ba'zilarda yomon hislat bor, ruhiyatni sindirish. Buning oqibatida "No Mourinho, No Problem!" afishlarida chiqishlar qilib Mourinhoni, keyin esa bugun "Napoli"da ikkinchi yoshligini boshlagan Higuaindek hujumchining ketib qolishiga sabab bo'ldi. Kecha Isco maydonni tark etgan vaqtchi? Alamli holat! Vaholangki Alarconning ishlari qovushmagan edi. Ancelotti muxlislar tomonidan xushtakbozlik bilan qarshi oldindi. Juda xunuk holat! Muxlislar ingliz, italiyan, nemis klublari muxlislaridan o'rnak olishsa yaxshi bo'lardi! Bugun Mour va Higuainni sog'ina boshladik...!  Derbida Lopez, Coentrao, Khedira yaxshi o'ynadi deyish mumkin edi xolos. Zaxiradan tushgan Morataning harakatlari ajoyib edi. Ayniqsa yo'q joydan imkoniyat izlagani va qaychi usulida bergan zarbasi super edi, faqat omad yetishmadi! Bale esa o'ng qanotda yomon o'ynamadi. 2-3 futbolchini aldashga kirishdi (ba'zida epladi ham), jamoadoshlari esa uni yaxshiroq qo'llay olmadi. Agar shu ketish bo'lsa Gareth 2-3 o'yindan so'ng yuqori formaga chiqadi, ishoning! "Real" ko'p o'yinlarni yuta boshladi, biroq qanday darajada ularni yutdi??? Mourinho davrida odatda "Real" birinchi gol urardi, aniqrog'i tezkor gol kiritardi. Taktika shunday ediki, asta-sekin himoyalanib, pressing uyushtirib, darhol qarshi hujum amalga oshilishini ko'rar edik. Bu taktika futbol tarixida eng tezkor gollar kiritilishiga sabab bo'lgan, rekordlar qo'ygan, menman degan klublar bu taktika qurboni bo'lgan. Bu zavqli va xayajonli vaqtlar edi! "Barcelona" bu o'yin uslubi bilan Pep murabbiyligida katta yutuqlarga erishdi. Ayni vaqtda esa azaliy raqibning bu uslubi - "eski falsafasi" ko'pchilikka tanish bo'lib ulgurdi. Ayniqsa, Chempionlar Ligasidagi o'tgan mavsum natijalar buni ko'rsatdi, "Barca" naqd nimchorak finaldan musobaqani tark etishi mumkin edi... Pley-of bahslarida Chempionlar Ligasida "ko'k-anorranglilar" "PSG" bilan to'qnashdi. O'shanda qo'llagan Carloning taktikasi avvaliga ish berib, keyin unga oxirida pand berdi. Keyingi bosqich masalasi parijliklarga nasib qilishi mumkin bo'lgan vaqtda, himoyaviy va to'pni raqib singari nazorat qilish rejasi, musobaqani shu nuqtada tugatdi. Keyin esa myunxenliklar..........   Endi Ancelotti o'z uslubini Madridga olib kirdi. Ming qilsa ham tajribali mutaxassis italiyancha xarakterda bo'lib qoladi, Italiya futbolida esa unga xos bo'lgan himoyaviy g'alaba faqat yaqin o'tmishda ish berdi. Jumladan Don "Milan"da Yevropada tengsiz bo'lganda, 2006-yil Italiya Jahon chempioni bo'lganda buni yaqqol guvohi bo'lganmiz. Hozirgi futbol esa tezkorlikni talab etmoqda! G'alati holat: o'tgan mavsumni omadsiz tugatgan Mour shuncha qiyinchiliklarga va noroziliklarga qaramay juda qiziqarli, tomoshabop o'yin bilan barchani maftun etardi. Endi esa Carlo unga nisbatan yaxshiroq natija bilan mavsumni boshladi. Lekin "Galatasaray"dan tashqari boshqa o'yinlarda aytarli katta ustunlik bilan o'yinni tugata olmadi. Deyarli barchasi og'ir g'alabalar. Bunday o'yinlar jamoani tez charchatsa ajab emas. Ilgari tezkorlik va qarshi hujum bilan yutib olingan o'yinlar o'yin oxirlarida futbolchilar kuchini tejashga yordam berar edi.  Ancelottini nohaq ham deya olmaymiz. U ham katta g'alabalar uchun keldi, klub ishini orqaga tortish uchun emas. Biroq, bizningcha, Jose qo'llagan va xavfli qurolga aylangan uslubga yanada yangilik kiritisa, yana o'yin rivojlanarmidi??? "Uzoqdagi quyruq (Carlo taktikasi)dan, yaqindagi o'pka (Mour taktikasi) yaxshi"masmikan? Tag'in bilmadim! To'g'ri, hozir "Real" o'tish davrida, darrov yangi o'yin uslubi qo'lga olish mumkin emas. Murabbiy esa buni birdaniga emas, balki bosqichma-bosqich, tadrijiy usul bilan amalga oshirish eng yaxshi yo'l menimcha! Birgina, uzoqqa bormaylik, mavsumoldi o'yinlar va AQShdagi turnirni bir eslang, "Inter" (3:0), "Chelsea" (3:1) bilan bo'lgan qanday ajoyib o'yin bo'lgan edi...! "Qirollik klubi" eng boy va avvaldan bo'lgani kabi super futbolchilarga egalik qiladi. Eng qimmat transferlar, eng yaxshi - TOP futbolchilar aynan shu jamoada. Ularga sarf etilgan pullardan, millionlardan butun "Bernabeu"ni qavat-qavat qilib yevropalardan qoplasa bo'ladi. Shunday ekan, bu pullar (futbolchilar)ni endi maydonga rosa "terlatib" ishlatish kerak!  Yana bir narsa biroz meni o'ylantirib, ba'zan kulguyimni qistatadi... Eng tezkor futbolchilar ham bizda bo'lsa, ularni to'p nazoratiga ko'ndirish qanday bo'lar ekan? Pepe, Ramos, Coentrao, Marcelo, Di Maria, Isco, Bale, Ronaldo, Benzema, Carvajal dunyoning eng tezkor futbolchilari qatorida yuradi. Alonso esa o'tkir, aniq va tezkor uzatmalari bilan tayanch zonada na Illarra, na Khedira va na Modric uning o'rnini to'ldira olmasligini (hozircha) ko'rib turibmiz! Shunday maestrolar e'tiborini to'p nazoratiga qaratsa... Bu huddi gijinglagan so'nggi rusumdagi "Ferrari"ni "Zaparojets"ning ish rejimiga bo'ysundirishga o'xshaydi ))), ha mayli, oxiri baxayr bo'lsin! Xavotirga tushganim boisi, yangi uslub albatta "Real" tomondan o'zlashtiriladikuya, faqat bu paytga kelib kech bo'lmasa bo'ldi edi. Nega endi Myunxen klubi mavsumdagi barcha turnirlarni o'zini qilib oladiyu, dunyoni titratgan "Real"imiz bunga munosib emas ekan. Ayni bir musobaqani yutish uchun ikkinchisidan voz kechish kerakmi, hammasini yutish kerak! Yangi mavsumda baribir ayrim musobaqalarda yo'qotish bo'ladi, lekin nasib keyingi mavsumda hammasi o'rniga tushadi. Shunda "oltin to'rtlik" kuboklarini yutarmiz?! Ammo Carloning bitta yutuqli tomoni bor, u konsentral inson. Shu jumladan futbolchiga suyanch bo'la oladi. Mour yo'lida qarshi chiqqanlar bilan kechirimsiz munosabat qoldirgan bo'lsa, Ancelottida esa aksincha, ichki muhitni yaxshilash hislati bor. Bu esa jamoani tez o'stira oladigan faktordir. So'nggi so'z o'rnida sizlar murojaat etmoqchiman. Tanqidiy fikrlaringiz bo'lsa, marhamat, izohlarda zo'rdan-zo'r izohlaringizni qoldiring, eng yaxshi fikrlar sizning orangizda ham talaygina topiladi! Yana bir narsa, bugun saytda kuzatib, shuni bildimki, muxlislarimizda tushkunlik alomatlari bor ekan. Lekin bir narsani unutmang, haqiqiy muxlisgina jamoasini eng o'gir damlarda ham tashlab ketmaydi. Bizda esa eng og'ir damlar emas, bitta kichik saboq, sinov bo'ldi. "Real"dan uzoqlashmang, kayfiyatni chog' qiling!  i HALA MADRID ! www.real-madrid.uz Fenómeno | |
|
| |
| Barcha fiklar: 39 | 1 2 » | ||||||||||||||||||||||||||||||||||||||||||||||||||||||||||||||||||||||||||||||
KIRISH
mediabay.uz
Timer
keyingi uchrashuv
so'ngi uchrashuv
La liga jadvali
Liga to'purarlari
SUHBAT
lex.uz
saytda
ONLINE: 71 RO'YXATDAN O'TMAGAN FOYDALANUVCHILAR: 71 MADRIDISTLAR: 0
Mobil ko'rinish
RONALMADRID (ADMINISTRATOR) © 2024
| |||||||||||||||||||||||||||||||||||||||||||||||||||||||||||||||||||||||||||||||
0
