"Real Madrid" uzoq kutilgan "Decima"ni qo'lga kiritdi. So'zsiz, mazkur 10 ta kubokda qahramonlik ko'rsatgan jamoaning asosiy figuralari, ya'ni qahramonlari mavjud. Shu haqda...

1. Ector Rial (1956) "Real Madrid" - "Reyms" 4:3

"Agar siz meni "Real Madrid"ga o'tishimga ruhsat bermasangiz, u holda boshqa futbol o'ynamayman", - degan edi "Nacional" klub rahbariyatiga hujumchi Ector. Shaxsan Santiago Bernabeu mazkur transferni amalga oshirishda bosh-qosh bo'lgan. Ector Rial bir vaqtlar "Real"dagi jamoadoshi bilan "Milonarios"da to'p surgan va keyinchalik Madridda yana taqdirlari bir jamoada birlashgan.

Chempionlar kubogi finalida Qirollik klubi "Park de Prence"da "Reyms"ga qarshi kurashgan edi. Dastlab 2:3 hisobida mag'lub bo'layotgan "Real" Marcitos va keyinchalik Rialning ikkinchi goli evaziga ilk kubokni qo'lga kiritdi. Ector musobaqada ikkinchi to'purar bo'ldi. Aynan shu kobok klubning "Oltin davri"ni boshlab berdi.

2. Marcitos (1957) "Real Madrid" - "Fiorentina" 2:0

O'tgan mavsumda jamoaga qo'shilgan ajoyib vinger Marcos Alonso Imas, boshqacha qilib aytganda biz bilgan Marcitos navbatdagi final qahramoni bo'ldi. Marcitos bilan birgalikda "Real"ga qo'shilgan Pako Hento ham ajoyib mavsum o'tkazdi. Di Stefano finalda gol urdi, Marcitos himoyada "Xitoy devori"ga aylandi, Pako Hento esa o'yinga nuqta qo'ydi! Gollar uchrashuvda muhim bo'ldi, biroq Marcosning mudofaadagi xizmarlari benazir edi. Yaqin o'tmishda "Castilla" tarbiyalanuvchisi Marcos Alonso Manuel Pellegrini qo'lostida "Racing"ga qarshi kurashgan edi. Marcitos uning otasi hisoblanadi.

3. Fransisco Hento (1958) "Real Madrid" - "Milan" 3:2

Pako Hento haqida o'z davrida butun dunyo bilgan. U juda tezkor vinger bo'lib, ko'pchilik skautlar nazariga tushgan ajoyib charm to'p ustasi bo'lgan. Chapaqay futbolchi "Racing"da unchalik yaxshi faoliyat yuritmadi. Lekin finalda "Milan"ga qarshi to'p surgan Hento ulkan portlash bilan o'z iste'dodi sobiq jamoasida bekilib qolganligini isbotladi.

Triumfni qo'lga kiritish jamoa uchun o'ta og'ir kechgan. O'yin ssenariysi italiyaliklar qo'lostida o'tayotgan edi. Ikki bor ular hisobda oldinga chiqib olishdi. Hento o'yinda fenomenal, dahshatli zarba bilan gol urdi. Garchand o'yinda yana o'sha Di Stefano va Ector Rial to'p kiritsada, qahramonlik unvoniga Hento munosib edi.

4. Alfredo di Stefano (1959) "Real Madrid" - "Reyms" 2:0

Shuncha finalda Di Stefano qahramon bo'lmasa ham adolatsizlik bo'lardi. U klubning afsonaviy hujumchisi, haqiqiy g'olib hisoblanadi. U shunday degan edi: "Men "Real"ni tanladim, "Barcelona"ni emas, chunki men g'olibman, mag'lub emas".

Oltinchi mavsumiki, Alfredo fantastik o'yinlar namoyish etardi. Axir uch final va uch gol barcha havas qiladigan natija emasmi?

Jamoada dunyo darajasidagi futbolchi bisyor edi. Masalan, Hento, Rial, Puskas va boshqalar shular jumlasidan. Di Stefano yarim finalda "Atletico" bilan o'gir uchrashuvlar o'tkazdi. "Real"ni omad keyingi bosqichga olib chiqdi. Dastlabki soniyalarda vatandoshi Enrique Mateos to'p kiritdi, oradan  45 daqiqa o'tib Di Stefano o'yinga yakun yasadi. U bu bilan to'rtinchi finaldagi to'rtinchi golini ham kiritdi.

5. Ference Puskas (1960) "Real Madrid" - "Eintracht Frankfurt" 7:3

Venger hujumchisining "blankoslar" safiga qo'shilishigacha, Puskasning bu qadar yulduz bo'lib porlashi hatto uning o'ziga ham mavhum bo'lgan bo'lsa kerak. Bu vaqtda "Real" Yevropada o'z tengini topolmas edi. Afsonaviy hujumchi Di Stefano esa rekord ustiga rekord o'rnatib charchamasdi. Puskas esa hujumchi yana o'tkirlashtirib yubordi. Superklub safida Puskas ham raqiblar, ham ortiqcha vazn bilan kurashardi :)

Navbatdagi final Glazgoning "Hampden Park"ida bo'lib o'tdi. Puskas va Di Stefano hujumda "Eintracht"ga qarshi haqiqiy qotillarga aylanishdi. Dramatik o'yinda dastlab nemislar hisobni ochdi, keyin esa nemislarning ko'zi ochildi. "Real" raqibni yer tishlatdi. Di Stefano finallarda ketma-ket gol urishda davom etdi. Bu safar u xet-trik qayd etdi, Puskasda esa poker! Beshinchi kubok janob Bernabeuga nasib etdi.

6. Amaro Amancio (1966) "Partizan" - "Real Madrid" 1:2

Besh bor ketma-ket chempionlikni tantana qilgan grand jamoa, 5 yil tanaffus qilishga majbur bo'ldi. Klubda biroz pasayish yuzaga keldi. O'tgan fantastik davr esa o'tmishga aylandi. Oradan bir necha yil o'tib "Real" yana klass darajaga erishdi. "Deportivo"dan transfer qilingan Amaro Amancio yangi tarixni yozgan futbolchilardan biri bo'ldi. Amancio finaldagi g'alabani ko'z yoshlarisiz nishonlagan kamyob futbolchi edi. To'rtinchi Madriddagi faoliyatida Amancio oltin medallarni taqdi.

O'yindagi asosiy to'qnashuvlar markazda kechdi. "Partizan" hisobda oldinga chiqib oladi. Keyin esa goldan "uyg'ongan" madridliklar raqibga o'yin bermay qo'ydi. Bir necha daqiqa o'tib, Amancio jamoaga kerakli burlishni topib berdi va gol urdi, keyinchalik g'alaba golini Fernando Serena jarima maydonchasi tashqarisidan ajoyib tarz darvoza to'riga mixlab qo'yadi. Kuboksiz "quruq" seriyadan so'ng "La Sexta"ni Madridga olib berishda Amancio ulkan hissa hadya etgandi.

7. Predrag Mijatovic (1998) "Real Madrid" - "Juventus" 1:0

Oltinchi kubokdan so'ng, Qirollik kubogi juda uzoq davr bu sovringa havas bilan qaradi. Chempionlar ligasidagi yurishlar jamoa uchun mushkul ishga aylanib qoldi, bu muammo edi. Ko'plab muxlislarning tobora katta tanaffusdan so'ng sabr-toqati tugay boshladi.

Ilgarigi darajani tiklash uchun futbolchilar Madridga yana kubokni olib kelishi kerak edi. 32 yillik "qora kunlar" "Ceptima"ni kechiktirardi. 1998-yilga kelib "Madrid" yana finalga chiqishga erishdi. Bu safar sovrinni qo'lga kiritish imkonini qo'ldan boy berish mumkin emasdi. Final qahramoni - hujumchi Predrag Mijatovic. U shunday degandi: "Septimani zabt etish bizga ozodlikni hadya etdi. Ozodlik uchun yashash va futbol o'ynash kerak". 

"Amsterdam Arena"dagi bu final "Real" va "Juventus" qarama-qarshiligining eng murakkab davri bo'ldi. Uzoq vaqt davomida jamoalar to'p kirita olmadi. Faqatgina Roberto Carlosning daydi zarbasi Mijatovicga to'pni taqdim etdi, u esa darvozani ishg'ol qildi. Turinliklar gol o'yindan tashqari holatda urilgan deya ta'kidladi, ammo hisob ochilgan edi. Qiziq tomoni, o'yin oldidan Pedya chap oyog'ida og'riq his etadi. Bu uzoq mavsumdagi charchoq alomati edi. Huddi shunday holat Cristiano Ronaldo bilan sodir bo'ldi. Farqi shundaki, Mijatovicning goli amalda muhim edi.

8. Raul Gonsalez (2000) "Real Madrid" - "Valencia" 3:0

Ector Kuperning "Valencia"si butun Yevropani larzaga keltirayotgan edi. Uning jamoasi finalga "Lazio" va "Bayern" kabi kuchlilarni taslim etib keldi. Lekin finaldagi g'alaba ta'mini azaldan bilgan "Real" bilan to'qnash keldi.

Bo'lajak "galaktikoslar" o'yinda shunchaki kuchli, raqib esa hech narsa qila olmadi. Ingliz futbolchisi Stive McManaman chiroyli gol bilan o'zini ko'rsatdi. Lekin o'yin qahramoni yosh Raul bo'lib, amalda sakkizinchi kubok taqdirini hal etdi.

9. Zinedine Zidane (2002) "Bayern Livercusen" - "Real Madrid" 1:2

Madrid bu safar beshinchi kubokni qo'lga kiritgan o'sha Glazgoga qaytdi. Bu safargi final albatta butunlay o'zgacha tarkibda edi. Har doimgidek, yevrokubklarda o'ta xavfli raqib nemis jamoalari bo'lib kelgan, bu gal esa "Bayer" bu bayroqni tutgancha Shotlandiyaga yetib kelgandi. Ikki xil madaniyat, ikki xil o'yin uslubi o'zaro kurashardi.

Jamoalar bittadan gol urish uchun ko'p vaqt sarflamadi, biroq g'alaba golini ko'rish tobora cho'zilib ketadi. Birinchi bo'limning so'nggi daqiqasida Zinedine Zidane siz juda yaxshi bilgan fantastik gol bilan o'yini bezab yuboradi. Hans Yorg-But darvozasiga kiritilgan bu golni hanuzgacha Zidanedan so'rashadi. Fransuz Madriddagi birinchi mavsumidayoq jamoaga to'qqizinchi kubokni olib berdi. Bu sovrindan so'ng esa jamoa tarixida yana yevrokuboklardagi omadsizlik davri boshlandi.

10. Sergio Ramos (2014) "Real Madrid" - "Atletico" 4:1

Bu final haqida yozishga hojat yo'q. Bu o'yinni o'z ko'zingiz bilan ko'rgansiz. Shunday bo'lsada, biroz fikr yuritsak. Ochig'i muxlislar hali Lissabondagi finalga qadar bir necha kun ilgari kubokni tantana qilib boshladi. Go'yo kubok taqdiri hal bo'lgandek. Biroq bu kecha hakam qo'shib bergan daqiqagacha umidlar so'nib borardi. 93', Sergio Ramosning olamshumul chiqishi o'yinni 180 darajaga burib yubordi.

Agar Ramosning bu goli bo'lmaganda, "Real" "Decima"ni kamida yana bir yil kutishiga to'g'ri kelardi. Modric va Ramos zanjiri suv va havodek zarur voqelikni yaratdi. Shundan so'ng "Real" qo'shimcha turtki bilan yana 3 ta javobsiz to'p yo'lladi, bu shunchaki aqlga sig'mas qo'shimcha daqiqa va ekstra-taymlar edi. Bu mavsum Ramos uchun fantastik bo'ldi. Ajoyib formada namoyon bo'lgan himoyachi markazda hukmdor, muhim o'yinlarda hujum chizig'ida jamoaning "sehrli tayoqchasi"ga aylandi.

www.merengues.ru

Fenómeno