Asosiy » 2013 Dekabr 2 » BLOG: "MADRIDCHA TRILLER"
16:19 BLOG: "MADRIDCHA TRILLER" | |
 Avvalo aytishim kerakki, saytimizda o'z o'rniga ega, ajoyib muhokamalar, yangiliklar va bloglar muallifi Uz_Madridista (Zafar Mirabidov) yana safimizga qaytdilar. Shunchaki emas, yana ajoyib blog bilan "come back" qildilar. Saytimizda bloglar nisbatan sust, endilikda umid qilamizki, mazkur jonkuyar foydalanuchimizning mehnati, saytimizda bloggerlik darajasini ko'tarishga ishonchli hissa qo'shadi. Ushbu yangilikda futbolga olib kirilgan kinoni o'qib, to'g'risi, xabarlarga o'zgacha shukuh kirganligini his etdim. Xullas, qisqasi Uz_Madridista ijrosidagi yangi kinopremyerani o'qing... Salom hurmatli fanatdoshlar. Sizlar bilan bugun kino, ya'ni "Real"ning kinoga xos talqini haqida gaplashamiz. Ispaniya chempionatining birinchi davrasi ham yakuniga yetmoqda. Ortda qolgan turlarda "Real" muxlislariga maftunkor o'yinlar va quvonchli onlarni tuhfa etdi. "Real"ning o'yinlarini tomosha qilib, ularning o'yinini kinoga qiyoslab, yuksak natijalar sohiblarini "Oltin Gepard" sovrini bilan taqdirlashga qaror qildim. Eng yaxshi rol  Cristiano Ronaldo bu yil Ispaniya chempionatiga huddi "qo'rqinchli quyun" kabi shiddat bilan kirib keldi. Ronaldo uchinchi ming yillikning dastlabki o'n yilligi o'rtalaridayoq manchestrliklar mehrini qozonishga muvaffaq bo'lgandi. Hozirga kelib Madridning yarim yuragiga aylangan o'zga sayyoralik "snayper" raqib darvozabonlarini ayayamay ranjitmoqda. Ronaldo o'z mahoratini namoyish etib, birin ketin Madrid rekorlarini yangilamoqda. 5 mavsumdayoq 217 o'yinda 226 ta gol. Ha, fenomenal ko'rsatkich, moziy yulduzlari havas qilsa arzidi. Klub prezidenti tomonidan bildirilgan qisqa fikr mohir hujumkor yarim himoyachining mavqeini yaqqol ko'rsatib turibdi: "Ronaldo foliyatini Madridga yakunlaydi". Eng yaxshi rejissor  Italiyalik va angliyalik, so'ngra fransiyalik aktryorlar guruhini boshrargan Carlo Ancelotti o'zing ajoyib ruhshunos va tajribali strategik qo'mondon ekanligini namoyish etmoqda. To'g'ri, avvaliga tanqidlar girdobiga uchragan rejissor, endilikda sekin-asta kino qanday ishlanishini namoyish etmoqda. Guruh asosan qarshi hujum deya nomlangan qisqa metrajli filmlarda o'ynashga odatlanib qolgan bolsada, murabbiy bu murakkab vaziyatdan shikoyat qilmadi. Aksincha shogirlariga sahnada qanday rol ijro etishni, "o'ta o'tkir syujetli triller" qanday olinishini va eng asosiy ssenariy juda puxta ekanligi shu ssenariy orqali "10-Oskar"ni yutib olishini o'rgatmoqda. Biz ishonamizki, inshaalloh "O'ninchi" albatda bizniki bo'ladi. Eng yaxshi ssenariy  "Real Madrid 4:0 Real Valladolid" Noyabr o'yining oxirlariga kelib, biroz ilgari "Almeria"da ("Almeria" 0-5 "Real Madrid"), so'ngra ikki bora Madridda ("Real Madrid" 4-1 "Galatasaray", "Real Madrid" 4-0 "Real Valladolid") "o'ta o'tkir syujetli triller" namoyish etildi. Eng so'nngi bosh rolsiz (Ronaldosiz) namoyish etilgan filmda sahnaga Alonso, Modric va Iscolarning mahorati ortidan Benzemaning bir goli-yu, Balening xet-trigi guvohi bo'ldik. Mana haqiqiy madridcha triller. Ancelotti qo'l ostidagi guruh bosh rolsiz ham film namoyish eta oladi, chunki Madridda qandaydir ... masqarabozlar ansanbili yo'q (uzr, bunday deyishimga barsachi muxlislarning bema'ni fikrlari sabab bo'ldi). Eng yaxshi maxsus effekt  Karim Benzema... Bunda eng chiroyli gollar e'tiborga olinadi. Sir emaski, fransiyalik hujumchi chiroyli usulda gol urish hadisini yod olgan. Uning tomonidan darvozalarga kiritilgan to'plardan ajoyib guldasta hosil qilish mumkin. Joriy mavsumda tanqidlardan o'ziga kelib olgan Benzema mana 5 o'yindirki maydonni golsiz tark etmayapti... Eng yaxshi debyut (yil kashfiyoti)  Dastlabki 10 turning eng yorqin taassurotlari sifatida Isconing merganlik mahoratini qayd etish mumkin. Qisqa vaqt ichida tamomam notanish muhitga moslashib ulgurgan ispaniyalik 21 yoshli yarim himoyachi 1 - turdayoq gol urdi. Qolaversa, Isco o'z jamoadoshlarini to'p bilan ta'minlash vazifasini gardaniga olgan. Shu tariqa u "gol+pas" tizimi bo'yicha La Liganing o'zida (5+3) ochko jamg'ardi. Eng yaxshi prodyuser  Albatta bu "Real" klubi prezidenti Florentino Perez. Yopilayotgan transfer tirqishlari orqali Baleni Madridga olib keldi. Lekin Özilni Londonga ko'chib o'tishini ta'minladi ham... Madrid shokka tushib qolgandi, chunki Özil "Real"ning asosiy pleymeykari edi. Lekin Perez ssenariyni oldindan bilar edi va u ham "10-Oskar" keragligini ta'kidlamoqda. Serial rivojiga qo'shgan hissasi uchun  Iker Casillas. 32 yoshni qoralab qo'ygan sardorimiz asosiy tarkibdan joy ololmayotganligiga qaramasdan o'z iqtidorini saqlab qolgan. Albatta, buyuk darvozaboning ko'p yillardagi qahramonliklari Madrid muxlislarining yodidan ko'tarilmaydi. Endi uning kinodagi rolini ko'rish uchun, Chempionlar ligasi serialini kutishimiz kerak bo'ladi! www.real-madrid.uz Uz_Madridista
| |
|
| |
| Barcha fiklar: 27 | 1 2 » | ||||||||||||||||||||||||||||||||||||||||||||||||||||||||||||||||||||||||||||||
KIRISH
mediabay.uz
Timer
keyingi uchrashuv
so'ngi uchrashuv
La liga jadvali
Liga to'purarlari
SUHBAT
lex.uz
saytda
ONLINE: 5 RO'YXATDAN O'TMAGAN FOYDALANUVCHILAR: 5 MADRIDISTLAR: 0
Mobil ko'rinish
RONALMADRID (ADMINISTRATOR) © 2024
| |||||||||||||||||||||||||||||||||||||||||||||||||||||||||||||||||||||||||||||||
0
