Ushbu maqolani yozishdan oldin, kimgadir xush yoqmasa ma'zur tutasiz, ammo bu gaplarni aytmasdan, shunchaki ichga yutish mumkin emas!!!

Bugun "Real Madrid" tan olish kerak inqiroz ko'chasida... Moliyaviy emas, ruhiy... Lekin bu Qirollik klubi, hademay o'zini tiklay oladigan irodali jamoa. Afsuski, yana bitta lekini bor...

Dushanba, Jose Mourinhoning ishi direktorlar kengashida ko'rib chiqiladigan kun. Hammasi shu kecha-kunduzda hal bo'ladigandek. Mourinho esa 37-tur uchun mashg'ulotlarga shogirdlarini olib chiqidi, lekin uni ichki hissiyotlari qanday kechayapti ekan... Uch yil ichida Jose "Madrid" uchun katta ishlar amalga oshirdi. Hozirda super tarkibga ega jamoaning naqd yarmi uning chaqiruvi bilan "Real"ga transfer qilib olib kelindi. Mou keltirgan uch yillik yutuqlar (sovrinli yurishlar) haqida birma-bir to'xtalish niyatida emasman, chunki bu haqda siz juda yaxshi bilasiz, qolaversa, buni ko'pchlikka endi qizig'i yo'q.

Nahot shu rost bo'lsa: "Bugun seni Madridda sevishadi, ertaga esa yo'q". Ko'pchilik portugaliyalik mutaxassisni jamoadan ketishini istaydi. Men uzr so'rab, bir narsani eslatib o'tmoqchiman... Murabbiy blankoslarni yuksaklikka chiqarib, bir qancha sovrinlar, ko'plab rekordlar, xayratomuz sovuqqonlik, xotirjamlik bilan qiyinchilikni yengan va buni futbolchilarga o'rgatgan endilikda Ramos, Iker sababli kerakmas bo'lib qoldimi? Barcha ichida ko'ngli behuzur bo'lib, "Man Utd" bilan ChL, "Barcelona" Ispaniya Kubogi va ichki chempionatda tig'iz kalendar asosida o'ta ishonchli, kerak bo'lsa butun dunyoni xayratga solib, vaziyat chiqarib keta olgan Mou keraksizmi? U bu yutuqlarga erishganda hursandchilikka berilmadi, futbolchilar va muhlislar baham ko'rishini istadi. "Real" iroda ko'rsatishni o'rgandi, Josega tashakkurlar bildirdi, ammo ba'zi o'yinlardagi "omadsizlik" eshik qoqib kelganda, bugun Ispaniyaning o'zida 82% muhlislar "benazir"ga qarata o'sha eshikni ko'rsatishmoqda...

Mourinho to'g'ri aytdi, klub g'alaba qozonsa futbolchilarni ko'kka ko'taradi, mag'lub bo'lsa aksincha, murabbiy aybdor... Demak, yutuq qo'lga kiritilsa maydonda futbolchilar to'p suradi, mag'lub bo'lganda murabbiy ekanda. Murabbiy zaxira o'rindig'idan turib jamoaga ko'rsatma berib turadi, futbolchi unga rioya qilsagina nimadir naf beradi. Kimdir bu borada hozirgi murabbiyga bu borada shubha qiladimi? Nima shunchaki omadi kelib Mourinho to'rtta chempionatni larzaga keltirdimi? Hatto birgina qaltis harakati, klubdagi omadsiz yurishi uchun Italiyada murabbiyni "yutib yuborishadi". Ammo mana shu Jose hamon "Inter"ni qalbida, "Inter" esa murabbiyning qalbida yashamoqda.

Josening bir qancha nadomatlari bor, ular orasida, muhlislarning qo'llab-quvvatlashi, ispanlar orasida portugal bo'lish mushkulligi, jamoani optimal darajaga yetkazish uchun yetarlicha boshqaruv apparatining murabbiy ixtiyoriga berilmasligi va hokazo... Menimcha, bu fikrlar nimaga keltirilganligi barchangizga tushunarli bo'ldi...

Bitta savol bermoqchiman! Sizga va "Real Madrid"ga Iker Casillas, Sergio Ramos kerakmi yoki sovrinlarmi? Eslolmayapman, lekin qaysidit kantera murabbiyi aytgan edi: "So'nggi vaqtlarda Iker yomon mashg'ulot olib bormoqda...". Buning ma'nosi shu haqda ediki, Casillas "Real"ning ramziga aylangan, terma jamoaning ham. Lekin qator klub va terma jamoadagi yutuqlardan so'ng Iker o'z ustida ishlamay qolgan. Klubda qancha murabbiy bo'lmasin, darvozabon asosiy figura bo'lib kelgan, aytgan gapini o'tkazgan. Endi Jose kelib, jamoada kim xo'jayin ekanligini ko'rsatganda, ichki muhit buzildi, nima Iker ham murabbiymi yoki qanaqadir rahbar? U hozir futbolchimi ishini qilish kerak! O'ylashimcha, bu ayirmachilik, futbolchilar ichida targ'ibotchilik ishlari, mavsumning ikkinchi yarmida juda yuqori tempda borayotgan "Real", birdan ortda chekina boshladi. Go'yo bunga Jose aybdor, go'yo kuboklarni Iker darvozada turib olib beradi. Lopez esa klub uchun "shumqadam"... 

Yashirmayman, ochiq yozaman, shaxsan menga qanaqadir futbolchi emas, "Real" qo'lga kiritgan sovrinlar kerak. Klub futbolchilar bilan qadrlanmaydi, yutuqlari bilan ko'z-ko'z qilinadi. Bo'lib o'tgan og'ir kunlarda Joseni ayblashmaydi, aksincha uni futbolchilar birinchi navbatda, muhlislar esa ikkinchi navbatda ko'nglini ko'taradi, uni sevadi. Hatto Ramos Josedan norozi edi, ammo bu narsani ochiq ayta olmasdi, sababi Sergio o'z intervyusida jamoa Mourinho kelishi bilan o'ziga bo'lgan ishonch ortganligini tan oldi, bu mamnuniyat belgisi edi. Bora-bora Ramos ko'nikdi, lekin ba'zilar...

Bo'ldi, Mourinhodan voz kechishdi, uning o'zi esa, mehnatini qadrlamang joyda ishlashni istamaydi. Zero aytgan edi: "Meni qayerda kutishsa, o'sha yerda bo'laman". Nahot Jose Madridga kelisb o'zini adashgan deb his etsa, u jamoaga yomonlik tilamaydi, axir u aytgandi: "Baxtimga men har doim buyuk kemalarga chiqaman. "Portu"..., "Chelsea"..., "Inter"... Hozir "Real"daman. Bu klub jahon futbolining gegemonidir".

Mourinho jamoasi qanday ijobiy natijaga erishmasin, futbolchilar mehnatiga yo'yadi, aksincha, mag'lubiyatga uchrasa, barchani himoya qilib, o'zini toshbo'ron qilishlariga qo'yib beradi, bu - mening aybim deya uni "sevgan" jurnalistlar qarshisiga boshini tik tutib chiqadi. Lekin futbolchilarni hammasi buning uchun nimadir bera oldimi??? Jose atrofida millionlar odamlar, lekin u yolg'iz!!! Dunyoning eng kuchli murabbiyi bugun qimmatini subyektiv kuchlar tufayli yo'qotgandek. Bu hozir tushunish qiyin, barchasini esa u ketgandan keyin kuzatamiz. Agar ayrim futbolchilar murabbiyga o'z ta'sirini o'tkazishni istasa, u holda murabbiysiz o'ynab ko'rishsin. Qo'g'irchoq, jonsiz murabbiy nimaga kerak, to'g'rimi?

- Bu yil mening murabbiylik faoliyatimdagi eng yomon mavsum bo'ldi, - deydi Mou. Fikrlari davomida muhlislarga barcha sovrinlarni ulashishni istaganligini aytib o'tdi, ammo...

Masalani boshqa tomoni ham bor. Bu asosiy "kushandalar"... Ya'ni hakamlar... Josega enga katta bosim olib kelgan. "Borussia D" bilan bo'lgan ilk o'yindagi gollandiyalik Cuypersa, javob o'yinidagi "Man Utd" muhlisi Howard Webb hamda Ispaniya Kubogidagi hakamlar brigadasi. Yaxshilab o'ylab ko'ringchi, ular "Real"ni botqoqqa botirishga o'z hissalarini qo'shmadimi? Hech kim yo'q deya olmaydi, aybni esa murabbiydan emas, boshqa tomondan izlash lozim.

Carlo Anchelotti "PSG"dan ketishini ma'lum qildi, maqsad - "Real". Nasser al-Helaifi Carloga yana bir yillik shartnomani hurmat qilishni so'radi, ammo murabbiy Madridni tanladi, Carlo Madridga kelish uchun jamadonlarini hozirlab qo'ydi. Vaholangki, uning uchun klubda sharoitlar to'la, ortig'i bilan ta'minlab berildi, lekin shu narsa Joseda yo'q edi. Yana bir gap, "PSG"dan ketmayman degan murabbiy, gapini ustidan chiqmay ketsa, bunday mutaxassisni "Real"ga qabul qilish mumkinmi? Ertaga shu holat takrorlanmasligiga kimdir kafolat beradimi? To'gri u ham yevropkuboklarda zafar quchgan, ammo "Milan", "PSG" boshqa, "Real Madrid" umuman boshqa... Aksiga olib ayni vaqtda munosib murabbiy ham yo'q, bori ham "Real"ga kelmoqchi emas. Nima bo'lganda ham "Real" yaxshi murabbiy qo'lostiga topshirilsin va yutuqlarni qo;lga kiritishda davom etsin!

Maqola sizga yoqmagan bo'lsa, vaqtingizni o'g'irlagan bo'lsam uzr so'rayman, men shunchaki, Mourinhoni hurmat qilaman! Jose Mourinho "Chelse"ga ketayotgan bo'lsangiz, qilgan mehnatlaringizga rozi bo'ling, Sizning keyingi ishlaringizga omadlar tilab qolaman!!! Ming afsus... 

RM_CRISHTU_7