Keylor Navas haqida xabar kiritganimizda o'yinlarga nisbatan ko'pchilik foydalanuvchilarimiz ko'proq gol o'tkazib yuborgan ekan deyishdi. Lekin bu narsaga boshqa nazar bilan qarash lozim. Ya'ni, Keylorning qay darajadagi jamoada faoliyat olib borganligiga. O'z-o'zidan kuchsiz jamoa ko'p gol o'tkazadi. "Levante" darvozasini qo'riqlagan Navas ham bundan mustasno emas, lekin u o'tgan mavsumda eng zo'r xaloskor bo'lgan, ishonmaysizmi?

Kosta-rikalik posbon o'tgan mavsum La Ligada jami 163 ta seyv namoyish etgan. Bu 20 ta jamoa sharafini himoya qiluvchi darvozabonlar orasida eng ko'p seyvlar bo'ldi. Keylor har 20 daqiqada jamoasini muqarrar goldan qutqarib qolgan. Bu statistik raqamlar boshqa darvozabon hisobida yo'q.

"Santiago Bernabeu"da "Levante" 3:0 hisobida mag'lub bo'ldi. Aslida valensiyaliklar bundanda yirik hisobda taslim bo'lishi lozim edi. Navas shu uchrashuvda 6 ta muqarrar goldan jamoasini asrab qola olgan. Benzema, Bale va Cristianolar uchun Keylor haqiqiy bosh og'riqqa aylangan.

"Barcelona" bilan 19-yanvardagi o'yinda Navas jamoasini 2 bor deyarli 100% goldan xalos etishga erishgan (1:1). "Ramon Sanchez Pizjuan"dagi "Sevilla"ga qarshi o'yinda esa darvozabon 7 bor ajoyib seyvni namoyish etgan. "Atletico" bilan o'yinlardan birida "Levante" Keylorning xizmatlaridan foydalanib 2:0 hisobida g'alaba qozongan edi.

vk.com/rmadrid

Fenómeno