Ha, mavzu aynan mana shu naqlga moyil. Nega? Oddiy! Madridliklar kecha "Borussia"ga qarshi uchrashuvda huddi shokka tushgandek harakat qildi. Tan olish kerak, dortmunliklar munosib tarzda musobaqa bilan xayrlashdi. "Real Madrid" tamoman passiv o'yin ko'rsatdi. Boshqacha qilib aytganda, Madridning o'yinda omadi kuldi!

O'tgan mavsumda nemis klubi Qirollik klubini 4:1 hisobida o'z uyida mag'lub etgandi, javob uchrashuvida esa "Santiago Bernabeu" ustunlari ham oq libosdagi futbolchilardan yuz o'girdi. Bir necha vaziyatlarda omad dortmunliklarga kulib boqqan yoki darvozabon Romanning super seyvlari evaziga "Real" yarim finalda to'xtab qolgan, Lewandowskining 4 barmog'i bilan qilingan ishorasi esa madridliklarning g'azabini keltirardi...

"Borussia" Madrid tutgan motam ustidan shodiyona qilgan edi. Bu safar esa taqdir charxpalagi teskari aylandi. O'tgan yili madridliklarga keyingi bosqichga chiqish uchun 1 ta gol yetishmagandi, endi esa huddi o'sha holat bu mavsum "Dortmund"ga "nasib" qildi. Undan ko'ra yirik hisobda mag'lub bo'lish bu qadar alam qilmaydi...

To'g'ri, "Real"ning mag'lubiyatidan barchamiz ham xafamiz. Lekin o'ylab ko'ring, agar javob o'yinida jamoa kuch tejamay, yana bir bor g'alaba qozonsa, nemis jamoasi alam bilan musobaqa bilan xayrlasharmidi? Yo'q! O'tgan mavsum o'sha atigi birgina gol butun madridistlarga alam qildi, endi esa o'sha alam bugun Germaniyada qolib ketdi. Bu juda achchiq voqea bo'ldi, "sariq-qoralar" ko'z yoshiga burkandi. Faqatgina Ramosning ko'z yoshlari hech kimning yodidan ko'tarilmagan bo'lsa kerak..?

Muhimi biz to'rttinchi mavsumki, yarim finaldamiz! Endigini bosh maqsad juma kuni yarim finaldagi raqibni tanib olish, "Almeria"ni mag'lub etish va Ispaniya kubogi finalida optimal forma bilan kubokni zabt etishdan iborat. Kechagi o'yin esa bu uchrashuvlar oldida ikkinchi darajali. O'ylaymizki, "Real" ajoyib syurprizlarni biz uchun hozirlab qo'yadi va barchamizni xushnud etadi!

www.real-madrid.uz

Fenómeno