"Real Madrid" yangi mavsum oldidan bir qancha o'rtoqlik o'yinlarini an'anaga ko'ra AQShda o'tkazadi. Raqiblar va uchrashuvlar vaqti ham ma'lum...

"Qaymoqranglilar"ga Xalqaro Chempionlar Kubogi guruh bosqichida "Inter" (27.07.2014, 03:00), "Roma" (30.07.2014, 06:15) va "MU" (4.08.2014, 01:00) jamoalari raqib bo'ladi. Agar madridliklar finalga yo'l olsa, B guruhidan joy olgan "Liverpool", "Man City", "Milan" va "Olympiacos" jamoalarining biri bilan to'qnash keladi (5.08.2014, 05:00). Bu do'stona ko'rinishdagi musobaqa edi.

Endi mavsumoldi boshqa o'rtoqlik uchrashuvlarichi? "Madrid" 16-avgust kuni (soat 23:45) "Fiorentina" bilan Polsha poytaxti Varshava shahridagi "Milliy stadion"da bahs olib boradi. Shuningdek, biroz o'tib "Real" yana bir tarixiy an'anaga ko'ra eng yirik kubok - "Santiago Bernabeu" sovrini uchun Argentinaning "River Plate" bilan qulay taqvim kunida kuch sinashadi. Shundan keyingina  yangi mavsumdagi La Liga o'yinlari start oladi.

"Sevilla"ga qarshi Super kubok uchun jang 12-avgustda Kardriffda kechadi. 20-avgustda esa Ispaniya Super kubogi uchun "Bernabeu"da va 27-avgust kuni "Vicente Calderon"da javob uchrashuvi bo'lib o'tadi va ikki o'yin hisobiga ko'ra g'olib aniqlanadi. 24-avgustda esa biz kutayotgan La Liga o'yinlari boshlanadi.

Eslatib o'tamiz, "Valdebebas" bazasidagi mavsumoldi tayyorgarliklar 14-iyul kuni boshlanadi. Jahon chempionatida yurishini davom ettirayotgan madridlik futbolchilar esa tarkibga biroz keyinroq kelib qo'shiladi.

vk.com/rmadrid

Fenómeno