"Manchester United" "Real Madrid"ning 26 yoshli "farishtasi" Di Mariani sotib olishni istamoqda deya xabar beradi "Daily Mirror".

Mankunianlar Angel uchun 25 mln funt berishga tayyorlar. Futbolchining o'zi avvalroq uning "Qirollik klubi" qo'lida ekanini, klub xohlasa u jamoada qolishini, agarda klub futbolchini qo'yib yuborishga rozi bo'lsa ushbu taklifni o'ylab ko'rishini ma'lum qilgan edi.

Ushbu mavsumda Di Maria Ispaniya chempionatining 34 uchrashuvida maydonga tushib, 4 gol va 18 ta golga assistentlik qilgan.

Shaxsiy fikr, agar "Real" Di Mariani qo'yib yuboradigan bo'lsa juda ham katta yo'qotishlardan biri bo'ladi. Barcha madridistlar mavsum boshida Özilning jamoani tark etganidan ranjishgan edi. Biroq "Real" "farishtasi" uning o'rnini bosa oldi, hattoki Özildan yaxshiroq o'yin ko'rsata olishini ham isbotladi.

Umuman olganda jamoa prezidenti ham Angelni sotish niyatida emas. Angelga JCHda muvofaqqiyatli ishtirok va kelayotgan mavsumda omadlar tilab qolamiz.

Manba:  www.sports.ru

MAXSUDJONOV97