Assalomu Aleykum, hurmatli saytimiz foydalanuvchilari! “Real Madrid” ishtirokidagi La Liga o’yinlari boshlanishiga ham oz fursat qolmoqda. Shu munosabat bilan saytimizda har yili o`tkazilib kelinadigan “La Liga bashorati” loyihasi bu mavsumda ham o`z faoliyatini davom ettiradi. Loyihada xohlagan kishi ishtirok etishi mumkin. Bunga qo`shimcha ravishda “Copa Del Rey” “Chempionlar ligasi” va “Ispaniya super kubogi” loyihalari ham faoliyat olib boradi. Siz qaysi loyihada ishtirok etishingizdan qat`iy nazar quyidagi qonun-qoidalarni bilishingiz va ularga amal qilishingiz shart!

Iltimos, iloji bo'lsa, mazkur qonun qoidalarni telefon yoki kompyuteringizga saqlab qo'ying. Chunki ularni barchasini eslab qolish ham ba'zilarga qiyinchilik tug'diradi!

Marhamat loyiha reglamentlari bilan tanishing:

1. Taxmin qabul qilish vaqti.  Sizga taqdim etiladigan ro’yxatdagi jamoalar o`rtasidagi eng barvaqt boshlanadigan uchrashuv boshlanguniga qadar davom etadi. Loyihaning oldingi mavsumdagi reglamentiga ko`ra, taxmin qoldirishga ulgurmagan ishtirokchi, boshlanib ulgurmagan uchrashuvga taxmin qoldirishi mumkin.
2. Bashorat qilish jarayoni. Bir ishtirokchi ikkinchi ishtirokchining taxminlaridan ko’chirishi qat’iyan man etiladi. Agar shunday holat yuz bergan bo`lsa, o`sha ishtirokchidan loyiha qonun-qoidalariga xilof ish ko`rdi deb topiladi va taxmin hisobga olinmaydi!
3. Musobaqada qatnashish davomiyligi. Agar siz ketma-ket ikki turni o`tkazib yuborsangiz, loyiha reglamentiga ko`ra musobaqadan chetlashtilasiz. Sizning o`rningizni sizdan keyingi ishtirokchi egallaydi. Ma`lum vaqt o`tib, siz yana loyihada taxmin qoldira boshlasangiz, to`plagan ochkolarizga qarab o`z o`rningizni egallaysiz.
4. Ochkolarni hisoblash tizimi quyidagicha: Taxminlar 3 xil tizimda hisoblanadi:
   1. Har bir to’g’ri topilgan hisob;
   2. Har bir to’g’ri topilgan to’plar nisbati;
   3. Har bir to’g’ri topilgan g’olib jamoa.
5. Yuqorida keltirilgan tamoyillarning har biriga 1 ochkodan beriladi.

• Masalan, “Real Madrid” va “Atletico Madrid” jamoalari o’rtasidagi uchrashuv 5:3 hisobi bilan tugadi.

Ø  Agar mazkur uchrashuv natijasi 5:3 deb taxmin qilingan bo’lsa, u holda o’z-o’zidan o’yin natijasi, to’plar farqi va g’olib jamoa ham to’g’ri topilgan bo’ladi va 3 ochko beriladi.

Ø  uchrashuv natijasini 4:2 deb taxmin qilgan bo’lsangiz, u holda uchrashuv natijasi noto’g’ri bo’ladi, faqat to’plar farqi va g’olib jamoa to’g’ri topilganligi uchun 2 ochko taqdim etiladi.

Ø  uchrashuv natijasini 1:0 (shunga o'xshash boshqa hisob) deb taxmin qilgan bo’lsangiz, ya'ni 2 to'p farqi bilan taxmin qoldirmagan bo'lsangiz, u holda uchrashuv natijasi va to’plar farqi noto’g’ri topilgan hisoblanadi, faqatgina uchrashuv g’olibi to’g’ri topilganligi uchun 1 ochko beriladi.

Ø  Agarda uchrashuv durrang bilan yakun topsa, berilgan taxminingiz ham durrang bo`lsa, hisobni aniq topgan bo'lsangiz 3, agar faqat boshqa hisobda, ammo durrang bo'lsa 2 ochko beriladi.

• Masalan: “Real Madrid” va “Atletico Madrid” jamoalari o’rtasidagi uchrashuv 3:3 hisobi bilan tugadi. 

Ø  Agar mazkur uchrashuvga 3:3 deb taxmin qilsangiz 3 ochko, 2:2, 1:1 va hokazo natija bilan tugasa, 2 ochko beriladi. Boshqa hech qaysi holatda ishtirokchiga ochko berilmaydi.

1. La Liga bashoratida mavsum yakunida eng ko’p ochko to’plagan ishtirokchi g’olib deb e’lon qilinadi. G`olib kishiga uning harakatlarini munosib takdirlash maqsadida saytimiz ma`muriyati tomonidan Награды, Репутация bilan taqdirlanadi va unvoni ko`tariladi. Bunga qo`shimcha ravishda loyiha g`olibiga kamina tomonidan maxsus sovg`a, yani Chempionlar ligasida “Real Madrid” qaysi guruhdan joy olishidan qat`iy nazar, loyiha g`olibi sifatida o`sha guruhdan joy oladi.
2. La Liga bashoratida kuchli 32 talikga kirgan ishtirokchilar Chempionlar ligasi bashoratida, 72 talikga kirgan ishtirokchilar Copa Del Rey bashoratida qatnashishi mumkin. Har ikkala loyiha  ishtirokchilariga turnir boshlanishidan bir necha kun oldin, bu haqida e`lon beriladi, agar ular taqdim etilgan e`longa munosib ravishda javob bermasalar, ularning o`rnini to`ldirish maqsadida, ulardan keyingi o`rinda turgan ishtirokchilar jalb etiladi.
3. Chempionlar ligasi yoki  Copa Del Rey o’yinlarida uchrashuvdan so’ng qo’shimcha vaqt va penaltilar seriyasigacha davom etsa, unda yakuniy natija sifatida qo’shimcha vaqtdan so’ng qayd etilgan hisob inobatga olinadi.

• Masalan: “Real Madrid” va “Atletico Madrid” jamoalari o’rtasidagi uchrashuv asosiy vaqtda 2:2 hisobi bilan tugasa.  Ikkita o`yin natijasiga ko`ra g`olib nomini aniqlash uchun qo`shimcha vaqt beriladi. Qo`shimcha vaqtda “Real Madrid” va “Atletico Madrid” jamolari o`rtasidagi uchrashuv 3:2 hisobi bilan tugasa, shu hisob inobatga olinadi va yuqorida aytib o`tilgan tamoyillar asosida ochko beriladi.

Ø  Agar qo`shimcha vaqtda ham g`olib aniqlanmasa, penaltilar seriyasiga navbat beriladi. Penaltilar seriyasida qanday hisob qayd etilishidan qat`iy nazar, qo`shimcha vaqtdan so`ng qayd etilgan hisob inobatga olinadi.

Chempionlar ligasi bashorati reglamentlari bilan tanishing!

1. Ishtirokchilarni guruxlarga  quyidagicha taqsimlanadi;

Ø  Guruhlarga nomzodlarni taqsimlash “A” guruhdan boshlanadi.

Ø  Guruhdagi nomzodlarni o`rnini aniqlash virtual hayotdagi singari o`tkaziladi.

Ø  Guruhlarga taqsimlashda sizning nomingiz biror raqam ostiga berkitiladi.

2.  “A” guruhda qatnashayotgan ishtirokchi faqat shu guruhdagi klublarga ovoz berish huquqiga ega. Boshqa guruhdagi ishtirokchilar “A” guruh bashorati uchun taxmin qoldirishlari ta'qiqlanadi. Ular o`z guruhidagi o`yinlar boshlanishini kutishlari kerak.
4. Chempionlar ligasi bashoratida guruhda birinchi va ikkinchi o`rinni olganlar Chempionlar ligasining keyingi bosqichlarida ishtiroklarini davom ettiradilar.
5. Keyingi bosqichda ikkita o`yin natijasiga ko`ra yutqazgan jamoa turnirni tark etadi. Qolgan ishtirokchilarning raqiblarini aniqlash uchun virtual hayotdagi singari yana bir bor qur`a tashlanadi.
6. Barchani yengib finalgacha yetib kelgan ikki ishtirokchi finalda o`zaro kuch sinashadi va bitta ishtirokchi  g`olib bo`ladi.

Ø  Agarda finalda ikkita ishtirokchining taxminlari bir xil bo`lsayu, uchrashuvdagi hisob ham shunday yakunlangan bo`lsa, u holda ikkita ishtirokchilarning oldingi turdagi taxminlariga yuzlanamiz, yani turnir davoamida to`plagan ochkolar soniga qarab g`olibni aniqlaymiz.

• Masalan: “Real Madrid” va “Atletiko Madrid” jamoalari o’rtasidagi uchrashuv 4:1 hisobi bilan tugadi. Ikkala  ishtirokchi ham 4:1 deb taxmin qoldirgan bo`lsa, bunday holatda ikkala ishtirokchining ochkolariga yuzlanamiz.

Ø  Birinchi ishtirokchi turnir davomida 45 ochko, ikkinchi ishtirokchi 50 ochko to`plagan bo`lsa, o`z – o`zidan ikkinchi ishtirokchi g`olib deb e`lon qilanadi.

     Copa Del Rey bashorati reglamentlari bilan tanishing!

1.       La Liga bashoratida 32-orindan 72-o`ringacha egallab turgan ishtirokchilar qatnashishlari mumkin.

2.       Bu bashoratda ishtirokchilar guruxlarga bo`linmaydi, xuddi La Liga bashoratidagi singari umumiy reytingdagi ochkolar yig`indisiga ko`ra g`olib aniqlanadi.

    Ispaniya super kubogi bashorati reglamentlari bilan tanishing!

La Liga bashoratida g`olib bo`lgan ishtirokchi Copa Del Rey bashoratida g`olib bo`lgan ishtirokchi bilan kuch sinashadi. To`plangan ochkolarga qarab g`olib nomi aniqlanadi va ma`lum vaqtdan keyin barchaga tanishtiriladi.

Shartlarimiz so`nggida sizlarga shuni ham yetkazmoqchimizki, bu shunchaki o`yin ichidagi o`yin azizlar. Biz sizlarning hech qaysi biringizni ajratmoqchi emasmiz. Yo`q, yo`q! Bu loyihalarda sizlarni hammangizni ishtirok etishingizni xohlardik, lekin bu hayot qanuni va biz unga qarshi hech nima qila olmaymiz. Ko`rib turganingizdek barchasi real hayotdagi singari tashkil etilgan. Bu loyihaning asosiy mohiyatilaridan biri,  barchangiz o`z omadingiz sinab ko`rish, kelajakda o`z fikringiz, o`z qarashingiz bo`lishini va unga  qat`iyat bilan yondoshishga undashdir. Men bu loyihada nega ishtirok etmayapman degan xayolga bormang, aksincha keyingi mavsumda qatnashish uchun kurashga jiddiy yondashing. Aslo kurashdan to`xtamang! Omad siz-u bizni hech qachon tark etmasin.

Bunda esa sayt mamuriyati barcha-barchangizga omad tilab qoladi!

DaNuSh