Bu voqeani ko'plar eshitgan bo'lsa kerak. Shunday bo'lsa ham yozishga qaror qildim. Oldingi mavsum boshlarida Ronaldo o'z intervyularining birida bolaligi haqida qiziq bir voqeani so'zlab bergan edi: 

- Futbolda bugungi erishgan yutuqlarimda eng yaqin do'stim Albert Fantraudan juda katta qarzdorman. Hali yosh bola paytimizda u bilan birga kichik bir bolalar klubida birga o'ynardik. Ikkalamizni "Sporting" klubi mutasaddilariga tavsiya qilishibdi.

Shunda bir kun ushbu klub mutaxasislari bizni ko'rgani kelishdi va ikkalamiz ham yaxshi o'ynashimizni, lekin 1 ta o'ringa joy borligini aytishdi. Hozir boshqa yosh jamoa bilan o'ynaysizlar, agar kim ko'p gol ursa, o'sha biz bilan "Sporting"ga ketadi dedi. O'yinda "3-0" hisobida g'alaba qozondik.

Birinchi golni himoyachilarni aldab o'tib, men kiritdim. Ikkinchisini bosh bilan Albert urdi. Uchinchi gol esa bir umr esimdan chiqmaydigan bo'ldi. O'yinning oxirgi daqiqasida do'stim raqib himoyachilarini aldab o'tib, keyin darvozabonni ham ajoyib harakat bilan ortda qoldirdi. Bo'sh qolgan darvozga tepish o'rniga, yonida yugurib kelayotgan, menga to'pni oshirdi va mening bu golim uchun "Sporting"ga olib ketishdi.

O'shanda o'yindan keyin uning oldiga yugurib bordim: "Nima uchun?", - deb savol berim. U esa boshini egib, "Crish, sen mendan zo'rsan !" dedi-da, orqasiga qarab ketdi.

Jurnalistlar o'sha voqeaning rostligini aniqlash uchun Albertning uyini topib borishdi. U buni so'zma-so'z tasdiqladi va o'shandan so'ng futboldan ketganini aytdi. Shunda undan, o'zingiz ishsiz ekansiz, bu dang'illama uy, mashina, go'zal xotin va shuncha bolalarni qanday boqayapsiz deb so'rashganida u shunday javob berdi: "Buning hammasi Cristiano sababli !".

soccer.indonewyork.com

StormShadow