Avvalom bor Assalomu Alekum hurmatli real-madrid.uz saytining sodiq foydalanuvchilari va dunyoning eng kuchli klubi "Real Madrid" muxlislari. Bugun sizlarga kichik bo'lsa ham "Borussia D" - "Real Madrid" uchrashuvi oldidan maqola yozishga qaror qabul qildim.

Bugun tunda, aniqrog'i 23:40 da Chempionlar ligasi 1/4 final javob o'yinida "Real" "Borussia D" mehmoni bo'ladi. Birinchi o'yinda "Los Blancos"lar raqibga hech qanday imkoniyat qoldirmadi va yirik 3:0 hisobida g'alaba qozondi. To'g'ri , ko'pchilik muxlislar "BVB" to'liq tarkib bilan o'ynamadi deyishlari mumkin, lekin "BVB"dek kuchli jamoaga bu bahona bo'la olmaydi. Bugun o'tgan mavsumda "Real" darvozasiga 4 ta gol kiritgan Lewandowski maydonga tushadi. "BVB"ni yengish uchun jamoa barcha chizig'larda ishonchli va bexato o'ynashi kerak. Raqib bugun o'z uyida muxlislar ko'z o'ngida o'ynaydi, o'tkan yili bu stadion muhiti qay darajada bo'lishini ko'rganmiz. Qolaversa raqib bugun istasa-istamasa hujumkor o'yin qiladi. Bugun mudofa chizig'imiz barchadan ko'ra yaxshiroq o'ynashi kerak. Raqibning asosiy quroli va eng xavfli futbolchilari, bular - Marco Reus va Robert Lewandowski. "BVB"ning darvozoboni va himoyachisi Hummelslardan ham ko'p narsa kutsa bo'ladi. "Borussia" darvozoboni "Santiago Bernabeo"da o'z seyvlari bilan jamoasini gollardan qutqarib qolgan bo'lsa , Humels "Real"ning ko'plab hujumlarini to'xtatib qola oldi.

"Real Madrid" bugun o'z uyida o'ynagandek hotirjam o'ynashi kerak. O'tgan yilgi alamli mag'lubiyatdan revansh olish vaqti keldi. Jamoamiz yetakchisi Cristiano Ronaldo maydonga tushishi yoki tushmasligi hozircha aniq emas. Lekin jamoa CR7siz ham o'ynay olishini bir necha bor isbotladi. Agar Ronaldo bugun o'ynamasa, yetakchilikni Gareth Bale o'z qo'liga olishi kerak. Jamoaga bu o'yinda omad yor bo'lishi tilab qolamiz. O'tgan yilgi ko'z yoshlar alamini olish vaqti keldi, olg'a "Real"! Vamos Madrid!

Taxminiy tarkib:

Darvozada: Iker Casillas

Himoyada: Carvajal, Pepe, Ramos va Coentrao

Yarim himoyada: Alonso, Modric, Di Maria, Bale va Ronaldo

Hujumda: Benzema

Manba: real-madrid.uz

El_Capitano