Florentino Perez Karim Benzema bilan shartnomani uzaytirib, boshqa futbolchilarni ham kafolatlab qo'yish uchun harakatni boshladi. Perez klub kelajagidan tashvishlanmaslik maqsadida yana bir qancha futbolchilar bilan shartnomani uzaytirish niyatida.

Navbatdagi madridistlar esa Ramos, Coentrao hamda Jese bo'ladi. Vitse-sardor Ramos darhaqiqat jamoa uchun o'ta muhim futbolchi. Unga ortiqcha ta'rifning keragi yo'q. Amaldagi shartnoma 2017-yilga qadar davom etadi. Yangi shartnoma bo'yicha u 2020-yilgacha jamoada qolishi va yiliga 8 mln maosh olishi ko'zda tutilgan.

Fabio o'tgan yozda boshqa jamoaga o'qishga yaqin edi. Muxlislarning ko'pchiligi uni u qadar xushlamasdi. Biroq ortda qolgan mavsumda Fabio ko'pchilik muxlislar muhabbatiga sazovor bo'ldi. Yangi shartnoma bo'yicha portugaliyalik himoyachining ham maoshi oshiriladi.

Jese hozir tiklanish davrida. Klubning kanteranosiga bo'lgan g'amxo'rligi nihoyatda baland. Chunki madridliklar Jese timsolida bo'lajak buyuk futbolchini ko'rmoqda. Agar JR20 tiklanish jarayonini mukammal o'tay olsa, qisqa fursat ichida jamoa unga yangi shartnoma taklif etadi.

www.merengues.ru

Fenómeno