"Real Madrid" Portugaliya Futbol Federatsiyasi bilan kelishuvga erishdi. Cristiano Ronaldo klub fizioterapevti Javier bilan birgalikda Jahon chempionatiga tayyorlanadi. Shifokor endilikda portugaliyalikka ham klub, ham terma safida salomatligini mustahkamlashda davom etadi. Shuningdek, Pepe hamda Coentraolar ham Javier nazoratida bo'ladi. Ular birgalikda 29 may kuni terma ixtiyoriga yo'l oladilar.

Terma jamoa bosh murabbiyi Paolo Bentu klubning bu harakatiga "yashil chiroq" berdi. U fizioterapevt Santamarianing futbolchilarni o'yinlarga kamchiliksiz tayyorlashiga to'liq ishonch bildirdi. Shu bilan birga Portugaliya termasi fizioterapevti Antonio Gaspar ham Ronaldoni nazorat qilib boradi.

CR7 ham klub shifokori qo'l ostida o'zini juda yaxshi his etayotganligini bir necha marta ta'kidlagan. Esingizda bo'lsa, futbolchi "Oltin to'p"ni zabt etsa, unga yangi mashina sovg'a qilishini ham aytib o'tgan edi. Marosimdan so'ng esa Ronaldo o'z va'dasini bajardi. Javier Santamaria Jahon chempionati vaqtida Cristiano va qolgan ikki himoyachi haqida klub murabbiylar shtabiga muntazam axborot berib turadi.

www.merengues.ru

Fenómeno