Sami Khediraning Madriddan ko'chib ketishi tobora oydinlashmoqda. Ancelotti futbolchini olib qolmoqchi, ammo Khedira buni istamayapti. Madridliklar jamoasi rahbariyati esa uni qishki transferga qo'yib, o'rniga boshqa nomzod topishga majbur. Qirollik klubi Samini o'rnini kim to'ldirishni biladi. Bu - Braziliyaning "Cruseiro" klubida porlay boshlagan Lucas Silva. Bu haqda 2 kun muqaddam Marcadan ma'lumot yetkazgandik. 

"Qaymoqranglilar"ning bu qiziqishi jiddiyga o'xshaydi. 21 yoshli braziliyalik Lucas o'z pozitsiyasida juda kuchli o'yin ko'rsatmoqda. U bejizga terma jamoa chaqiruviga erishmadi. Lekin murabbiy Dunga shubhali tarzda uning o'rniga Silve Kariokuni jalb qildi. 

Garchand Braziliya safida hali debyut qilishga ulgurgan bo'lmasada, Lucas terma jamoaning U-21 tarkibida 5 uchrashuvda qatnashib, bir bor gol qayd etgan. Shuningdek u 20 yoshgacha bo'lganlar o'rasida o'tkazilgan yozgi musobaqada ham qatnashdi hamda jamoasi bilan g'alabaga erishdi.

Khediraning taqdiri hozircha 100% hal bo'ldi deya olmaymiz. Qolaversa Lucas uchun ham kurash hozirda avjiga chiqmoqda. Uni qo'lga kiritish uchun "Barcelona", "Atletico", "MU", "Chelsea" hamda "Tottenham" bilan raqobat qilishi kerak.

www.merengues.ru

Fenómeno