Asosiy » 2013 Aprel 22 » KAKA' HAQIDA 31 FAKT
15:20 KAKA' HAQIDA 31 FAKT | |
 Bugun jahonning eng kuchli futbolchilaridan biri, jonkuyar, mehnatkash inson Ricardoning tavallud kuni, an'anaga ko'ra bu safar Kaka'ga bag'ishlab 31 ta faktik ma'lumot keltiramiz. 1. Ricardo Izecson dos Santos Leite yoki qisqacha Kaka', do'stlari orasida Tiki-Taka taxallusidagi jahon futbolining yorqin yulduzlaridan biri 1982-yil 22-aprelda Braziliyaning Brazilia shahrida injener-quruvchi va boshlang'ich ta'lim o'qituvchisi oilasida tavallud topdi, bo'yi 185,6 sm, vazni 82 kg. 2. Kaka' Ricardo ismining qisqartma talaffuz etilishidir, balki ko'pchilik bexabardir, albatta futbolchining muhlislari bundan mustasno bo'lsa ajab emas u Braziliya va Italiya fuqaroligiga ega. 3. Dastlab "Alfavilli" yoshlar jamoasida tarbiyalandi, keyin "San-Paulo" skautlari nazariga tushib, klubga qabul qilindi. Albatta o'zining yuksak texnik qobiliyati va jismoniy imkoniyatlari bilan qiziqish sferasiga tushgan edi. U 2000-yildayoq "San-Paulo"ga o'tgan vaqtlari falokatga duch keladi. U o'z so'zarida o'sha vaqtda boshi bilan basseynga sho'ng'iganda o'limdan Yaratgan saqlab qolganligini ta'kidlaydi. E'tiborli tarafi u gol urganda, u hayot bo'lib qolganligi uchun samoga qo'llarini ko'tarib shukronalar keltiradi. 4. 2001-yil 1-fevralda 18 yoshli futbolchi klubning professional jamoasiga o'tadi va debyut o'yinini "Botofago"ga qarshi boshlaydi. Oradan 3 kun o'tib, mashhur "Santos" klubi darvozasiga ilk golini kiritadi. 7-mart kuni "Botofago" bilan turnir finalida g'alaba golini uradi. 5. Ilk mavsumda 27 o'yinda 12 ta gol urib "Don Balón" versiyasi bo'yicha eng kuchli yoshlar ro'yxatining 100 taligidan joy oldi. O'sha vaqtda garchi finalda mag'lub bo'lsada, "Rio-San-Paulo" turnirida 7 goli bilan jamoasini finalgacha olib chiqqan. 6. Birinchi klubi uchun Kaka' jami 131 uchrashuvda maydonga tushib, 48 marta raqib darvozasini ishg'ol etgan. 7. 2003-yil "Milan" nazariga tushgan yosh talant klub a'zosi Leonardoning tavsiyasi bilan "rossonerlar" tominidan 8,500 ming yevroga transfer qilib olib kelinadi. Shu yili "Milan" UEFA Super kubogini yutib olgan edi. 8. Xavbek ilk debyutini A Seriada 1-sentabr, ChL da esa 16-sentabrda "Ajax"ga qarshi o'tkazadi. Ahamiyatli tomoni u ilk golini "Milan derbisi"da kiritgan va unda "Milan" "Inter" ustidan 2:0 hisobida ustun kelgan. 9. Birinchi mavsum italyan klubida Ricardo 10 ta gol urdi va jamoasini ChL 1/4 finaligacha yetaklab bordi. 10. Murabbiylar shtabi braziliyalikni keyingi mavsum (2004/05) hujumkor yarim himoyaga joylashtirishadi, sababi unda gol sezish qobiliyati forvarlardan kam emasdi, natija Shevchenko bilan ajoyib tandem yuzaga keladi. Bu mavsum Kaka' 7 ta gol urdi, assistentlik qildi va Chempionatda kumush medallarni, Italiya Super kubogini qo'lga kiritdi. 11. E'tiborli yana bir tomoni, ChL musobaqasida "Liverpool"ga penaltilar seriasida imkoniyatni boy bersada, "Milan" yarim himoyachisi ChL mazkur mavsumining eng yaxshi yarim himoyachisi deb tan olinadi. 12. 2005-yil "Oltin To'p" nominatsiyasida 19 ochko bilan ro'yxatning 9-pog'onasidan joy oladi. 13. 2005/06-yillar mavsumida Kaka' "Cievo" darvozasiga "Milan" libosida o'zining ilk xet-trigini yo'llaydi. 14. 2006/07-yillar esa "Milan" A Seriada 3-o'rinda mavsumni yakunladi. Lekin Chempionlar Ligasida muvofaqqiyat qozondi. Bu Kaka'ning yulduzlik davri bo'lsa ajab emas. ChL da mavsumda eng yaxshi to'purar bo'ldi, gollar muhimligiga e'tibor bering: "Celtic" 1/8 finalida, "Bayern M" 1/4 finalida, "MU" bilan 1/2 finalda birinchi o'yinda dubl va javob o'yinida 1 ta gol, bundan tashqari finalda "Liverpool" darvozasiga F.Inzaghiga g'alaba keltirgan golli uzatma berdi. 15. Mavsumda erishgan yutuqlari uchun Kaka' UEFA versiasida ChL ning eng yaxshi futbolchisi, "Oltin To'p" sovrindori, FIFA versiasi bo'yicha dunyoning eng kuchli futbolchisi va "Olmos To'p" sohibi. 16. 2007-yil "Manchester City" butun dunyoga shov-shuv ko'tardi va Rici uchun naqd 100 mln funt taklif etdi, bu Yer yuzini karaxt qilgan summa edi. Kaka' pul uchun o'ynamasligini isbotladi va Angliya borishni istamadi, klub 100 mln dan quruq qoldi. 17. "Football Italia" xabariga ko'ra "Real" 2009-yil 3-iyunda bu yulduzga 68,5 mln yevro taklif etdi, garchi "Milan" yetakchidan ayrilishni istamasada, F.Perez maqsadiga erishdi va 8-iyunda Madrid klubi va charm to'p ustasi o'rtasida 6 yillik shartnoma imzolandi. 18. 7-avgust, 2009-yil "Toronto"ga qarshi "blancoslar" 5:1 hisobda g'alabaga erishdi, Ricardo esa bu o'yinda debyut qildi. 19. Oradan 2 hafta o'tmay 19 avgustda "Borussia D" darvozasiga ilk golini kiritdi. La Ligadagi debyuti esa "Deportivo"ga qarshi bo'lib o'tdi, chempionatdagi birinchi golini esa "Villareal" darvozasiga 5' dayoq yo'llagan. 20. 2010-yil 5-avgustda Kaka' o'ta og'ir jarohat oldi va butun mavsumni o'tkazib yubordi. Aynan shu mudhish voqea uning faoliyatiga "qora chiziq" tortdi. 21. 2011-yil 3-yanvarda "Getafe"ga qarshi o'yinda 77' da Benzema o'rniga maydonga 8 oydan so'ng qaytgan va o'zini juda baxtli his etgan. 22. Mart oyida yana jarohat olgan futbolchi bir necha haftaga safdan chiqdi, da'volanishda qaytgan yulduz "Valencia"ga 2 ta gol urdi. "Real" esa mavsum oxirida Ispaniya Kubogini qo'lga kiritdi. 23. 2011-yil 27-avgustda "Ajax" bilan to'qnashuvda Kaka' fantastik o'yin ko'rsatdi, gol urdi va natijali uzatma berdi. Bu kecha xavbek Ozil, Benzem va Ronaldoni to'p bilan ta'minlagan "quruvchi" bo'ldi. ChL dagi bu turda eng yaxshi futbolchiga aylandi. 24. 2 ta gol, 2 ta golli uzatma va penalti ishlagan Kaka' mavsum startini juda yuqori boshladi. 25. 2011/12-yillar mavsumida "Real" bilan u 100 ochko to'plab, chempionatda rekordli g'alabaga erishdi. ChL da 5 ta golli uzatma bilan eng oldi assistentlardan biriga aylandi. 26. "Milan" ko'p sonli muhlislar istagi bilan Kaka'ni qaytarishga urindi, ammo moliyaviy kelishuvga erisholmadi. Ayrim ma'lumotlarga ko'ra, "Real" uni 15 mln ga berishga ham rozi bo'lgan emish. 27. Joriy mavsum Kaka'ning ko'rinish yomon emas, La Ligada 2 ta, Ispaniya Kubogida 1 ta, ChL da 1 ta gol urdi, 4 marta golli uzatma berdi. 28. Faoliyatidagi gollari soni: 155 ta 29. Terma jamoa safida 2002-yil debyut qildi, shu yili Braziliya Jahon chempioni bo'ldi, bundan tashqari 2003-yil AQSh va Kanadadagi KONKAKAF musobaqasida kumush medallar, 2005-yil Germaniyadagi va 2009-yil JAR dagi Konfederatsiyalar kubogida chempionlik nashidasini surdi. Hanuzgacha Kaka' terma jamoada muhim rol o'ynaydi. 87 o'yinda 29 ta gol urdi. 30. Oilasi. Bitta akasi va ukasi bor. Ukasi Rodrigo, akasi Digao esa futbolchi, u ham "New-York Red Bulls"da yarim himoyachi. Tumush o'rtog'i Carolina, o'g'li va qizi bor baxtli oilaning otasi. 31. Videoo'yinlarda FIFA 11 va FIFA 12 da rasmiy ravishda gavdalanadi. Bundan tashqari "Adidas", "Giorgio Armani" va "Guarana" bilan reklama bo'yicha shartnoma imzolagan. Klubdan yillik 16 mln yevrodan ortiq daromad oladi. Natijalari: Klub safida: - San-Paolo shtati chempioni: 2001 - JCh: 2002 - Konfederatsiya kubogi sohigi: 2005, 2009 - Italiya chempion: 2003/04 - Italiya Kubogi: 2004 - ChL: 2006/07 - UEFA Sper kubogi: 2003, 2007 - Klublar o'rtasida JCh: 2007 - Ispaniya Kubogi: 2010/11 - Ispaniya chempioni: 2011/12 - Ispnaiya Super kubogi: 2012 Shaxsiy sovrinlar: - Santiago Bernabeu Kubogi eng yaxshi futbolchisi: 2012 - ChL eng yaxshi assistenti: 2011/12 - "Oltin To'p": 2007 - Jahon bo'yicha Klublar chempionati "Oltin To'p": 2007 - FIFA versiasi bo'yicha dunyoning eng kuchlsi futbolchisi: 2007 - Yevropaning eng kuchlisi: 2007 - UEFA versiasida eng yaxshi: 2006/07 - UEFA versiasida eng yaxshi klub hujumchisi: 2006/07 - Braziliyaning yil futbolchisi: 2002 - Italiyada yil futbolchisi: 2003/04, 2006/07 - IFFHS ning eng yaxshi yarim himoyachisi: 2007 - "Oltin Samba": 2008 - Konfederatsiyalar Kubogining eng yaxshisi: 2009 Qo'shimcha ma'lumot uchun: Kaka'ning rasmiy sayti www.ricardo-kaka.com Kaka' haqida imkon qadar yoritganimiz mana shulardan iborat. Xato va kamchiliklar bo'lsa oldindan uzr so'rayman! RM_CRISHTU_7 | |
|
| |
| Barcha fiklar: 18 | |||||||||||||||||||||||||||||||||||||||||||||||||||||||||||||||||||||||||||||
KIRISH
mediabay.uz
Timer
keyingi uchrashuv
so'ngi uchrashuv
La liga jadvali
Liga to'purarlari
SUHBAT
lex.uz
saytda
ONLINE: 13 RO'YXATDAN O'TMAGAN FOYDALANUVCHILAR: 13 MADRIDISTLAR: 0
Mobil ko'rinish
RONALMADRID (ADMINISTRATOR) © 2024
| |||||||||||||||||||||||||||||||||||||||||||||||||||||||||||||||||||||||||||||
0
