Taqdimotni ko'rib shunchaki yoqimli bir ehtirosga berilasiz! James yoshligidagi orzuyiga erishdi. U sevimli futbolchisi CR7 bilan sevimli jamoada yonma-yon to'p surish baxtiga sazovor bo'lmoqda...

Futbolchining yuzidagi tabbasumi, xayajonidan uning qanchalik baxtli ekanligini his etish qiyin emas. Stadion muxlislarga boy bo'ldi. Garchi Ronaldoning taqdimotidagi rekord tashrif bo'lmasada, bu taqdimot o'sha 2009-yilning iyulidagi qaynoq stadionni eslatib yubordi.

Bundan ko'rinadiki, James madridliklarning darhaqiqat sevimli futbolchi ekan. Uni juda yaxshi va ko'tarinki ruhda kutib olishdi, hatto tinimsiz baland ovozlarda James, James, James deya nomini takror va takror kuylashdi, bu juda ehtirosli damlar edi.

Florentino Perez juda yaxshi tanlovni amalga oshirdi, barcha JR10 transferidan mamnun. Qolaversa, yosh va mahoratli chapaqay futbolchining "10" raqam ostida jamoaga olib kelinishi prezidentning uzoq ko'zlangan rejasi edi. Sabablar:

1. "Real Madrid" muxlislari har yozgi transferda yulduzlar xaridini kutadi. Avvaliga Kroos, endi esa James.

2. O'tgan mavsum Bale 94 mln yevroga xarid qilindi. Perez esa jamoadan ketishni istagan Ozilni Londonda qo'yib yuborib, uelslik futbolchining anchagina (50 mln) xarajatini qopladi.

3. Muxlislar Mesutning ketishidan norozi edi, hatto Balening taqdimotida muxlislar "Ozil ketma!!!", degan iboralar jarangladi. Jamoa Ozilni saqlab qolmoqchi edi, lekin futbolchi va uning otasi Londondan tushgan ajoyib taklifni tanladi. Muxlislar buni tushunishni istamadi.

4. Perez aynan shu norozilikni qoplash maqsadida aynan "10" raqamini boshqa futbolchiga berishga shoshilmadi va aynan bu raqam ostida chapaqay futbolchini jamoaga olib keldi.

Yana bir ma'lumot! Bilasiz James nomi turli joylarda turlicha talaffuz etilmoqda. Bunga nashrlar ham e'tibor qaratdi. James o'z holicha yoziladi. Futbolchi nomi Yeyms (Yeims) emas, balki Xeyms (James) deya talaffuz qilinishini aytib o'tdi. Demak, kolumbchasiga (lotin) uni Xeyms deb ataymiz. Saytdagi xabarlarda esa boshqalarniki kabi original nomi "JAMES" deya yoziladi.

Biz Jamesga omad tilaymiz! O'ylaymizki, uning jamoaga ulkan foydasi tegadi.

¡Hala Madrid!   ¡Hala James!

www.real-madrid.uz

Fenómeno