Braziliyada bo'lib o'tadigan Jahon Chempionati 2014 haqidagi maqolamizning 2-qismi...

Guruh baxslari uchun 32ta terma jamoalar qur'a yo'li orqali saralanib olindi. Qur'a jarayonida, jamoalar 4ta savatchaga 8tadan ( Braziliya terma jamoasi bilan birga) jahon reytingida tutgan o'rni boʻyicha solindi. O'tgan turnirlardagidek, FIFA bu safar ham bitta mintaqadan, bitta konfederatsiyadan bo'lgan terma jamoalarni (Yevropa bundan mustasno) bitta guruhga tushib qolmaslgi uchun bitta savatchaga joyladi. Birinchi savatchaga Braziliya bilan birga qolgan reytingda eng kuchli bo'lgan jamoalar joylandi.

Ushbu chempionat uchun oxirgi qur'a tashlash marosimi, 2013-yilning 6-dekabrida Baiyaning Mata di San Juan shahridagi Costa do Sauípe Resort mehmonxonasida bo'lib o'tdi. Marosim FIFA bosh kotibi Jerome Valcke va braziliyalik mezbon ayol Fernanda Lima tomonidan ochib berildi, hamda keyingi sakkiz jahon chempionati g'oliblari boʻlgan millatlardan 8ta mashxur sobiq futbolchilar: Cafu, Fabio Cannavaro, Alsides Gidja, Fernando Hierro, Jeff Herst, Mario Campes, Lotar Matteus va Zidedine Zidanelar savatchalardan sharlarni olishda ko'maklashdi. Qur'a jarayonida, terma jamoalar geografik mintaqalarga ajratilib to'rtta savatchalarga joylashtirildi, Yevropaning bitta jamoasi 4-savatdan 2-savatchaga o'tkazildi. UEFA a'zolari maksimum 2 tasi bir guruhda joylashishi mumkin, boshqa bitta konfederatsiyadan bo'lgan terma jamoalar bitta guruhga tushmadigan bo'ldi.

Hakamlar

FIFA turnirga 52ta hakamlarni tanlab oldi, har bir hakam 2 tadan yon hakamlari bilan qatnashadi. Hakamlar 6 ta konfederatsiyalardan kelishgan. Hakamlar 2014-yil mobaynida har bir o'yinga tayinlanib boriladi.

Golni avtomatik aniqlash usuli

Jahon chempionati tarixida ilk marotaba, rasmiylar tomonidan golni avtomatik aniqlash usulidan foydalanishga ruxsat berildi. Oldingi jahon chempionatida, nimchorak final baxsida Angliyaning Germaniyaga urgan goli hakam tomonidan bekor qilinganidan keyin, ushbu texnologiyani qo'llash yoki qo'llamaslik haqida qizg'in baxs munozaraga sabab bo'lgan edi. O'sha o'yindan keyin, FIFA prezidenti Zepp Blatter "mazkur o'yindan keyin texnologiya mavzusini o'rtaga tashlamasak g'irt axmoqlik bo'ladi" degan edi va 2012-yilda IFAB bu texnologiyani qo'llashni ma'qulladi. Ushbu chempionat texnologiyani qo'llayotgan uchinchisi hisoblanadi, undan oldin FIFA 2012 Klublar o'rtasida jahon chempionati hamda FIFA 2013 Konfederatsiyalar kubogi musobaqalarida muvafaqqiyatli sinovdan o'tgan edi. 2013-yil oktabr oyida Germaniyaning GoalControl kompaniyasi bu texnologiyaning ta'minlovchisi sifatida tanlandi.

Tarkiblar

Oldingi jahon chempionati kabi, bu chempionatga ham har bir terma jamoa o'z tarkibiga 23tadan futbolchi oladi (3tasi darvozabon). Har bir milliy assotsiatsiyalar jamoa tarkiblarini turnirga 10 qolguncha e'lon qilishi shart. Agar oʻyin davomida qaysidir futbolchi jiddiy jarohat olib turnirda boshqa o'ynay olmasa, terma jamoa rahbarlari 24 soat ichida boshqa bir o'yinchini olib kelish huquqiga ega bo'ldi.

Tartib-intizom va chetlatishlar

Agar qaysidir futbolchi oxirgi saralash bahsida qoida buzgan bo'lsa, unda u futbolchi final bosqichning ilk oʻyinida maydonga tushmaydi. FIFAning intizomiy qaroriga binoan, chetlatishlar bir o'yindan ko'proq muddatga ham uzaytirilishi mumkin.

Agar qaysidir futbolchi oʻz jamoasidan tushirib qoldirilgan bo'lsa, demakki chetlatishlar hali ham "ta'sir" ko'rsatmoqda.

•  Freddy Guarin 2013-yil 15-oktabrda Paragvayga qarshi o'yinda o'ta jiddiy qoida buzarlik bilan o'ynagani uchun (2ta sariq kartochka) chetlatildi.
•  Mario Manjukic 2013-yil 19-noyabrda Islandiyaga qarshi jiddiy qo'pol o'ynagani uchun chetlatildi.
•  Yosip Shimunich 10ta o'yinga chetlatildi, sababi Islandiya bilan boʻlib o'tgan o'yindan keyin Ustashi xorvat fashistik harakatining shiorini aytgani uchun. Shimunich shuning uchun Jahon chempionatini to'laligicha o'tkazib yuboradi.

O'yinlar

Oʻyinlar jadvali 2011-yil 20-oktabrda Syurixdagi FIFA bosh shtab kvartirasida e'lon qilindi, o'yinlar vaqti esa 2012-yilning 27-sentabrida ommaga taqdim etildi. Oxirgi qur'adan keyin FIFA yettita o'yinning vaqtini o'zgartirdi.

Barcha o'yinlar vaqti Braziliyaning rasmiy vaqti (UTC-3) boʻyicha belgilandi. 12ta maydonning 10tasi mana shu vaqt mintaqasiga kiradi, qolgan ikkitasi Kuyaba va Manaus Amazon mintaqa vaqti UTC-4 bo'yicha belgilandi, shuning uchun mana shu ikkita shahar mezbonlik qiladigan uchrashuvlar rasmiy vaqt bilan solishtirgan holda bir soat oldin boshlanadi.

Guruh bosqichi

Har bir guruhning birinchi va ikkinchi o'rinlari nimchorak finaliga chiqadi. Guruhdagi har bir jamoani reytingini aniqlash quyidagicha belgilanadi:

1. Barcha guruh o'yinlarida qo'lga kiritilgan ochkolar soni;
2. Barcha guruh o'yinlarida qo'lga kiritilgan to'plar nisbati;
3. Barcha guruh o'yinlarida kiritilgan gollar soni;

Agar ikki yoki undan ortiq jamoa yuqoridagi kriteriya bo'yicha teng kelib qolsa, unda quyidagicha kuchli jamoa aniqlanadi:

1. Barcha guruh o'yinlarida teng kuchli jamoalar o'rtasidagi kiritilgan ochkolar soni;
2. Barcha guruh o'yinlarida teng kuchli jamoalar o'rtasidagi to'plar nisbati;
3. Barcha guruh o'yinlarida teng kuchli jamoalar o'rtasidagi kiritilgan to'plar soni;
4. FIFA Tashkiliy Qo'mitasining qur'a tashlashi orqali.

Wikipedia.org sayti ma'lumotlari asosida real-madrid.uz uchun maxsus tayyorlandi.

Davomi bor...

Madridismo