"Real Madrid" va "Atletico Madrid" jamoasi rahbariyati Ispaniya Super kubogi munosabati bilan La Liga o'yinlarini 25-avgustga ko'chirishga kelishib olishdi. Shunday qilib, super kubok bahsi uy-safar o'yini bilan 19 va 22-avgust kunlari o'tkaziladi. Dastlab "Bernabeu", keyin esa "Vicente Calderon"da bahs bo'lib o'tadi.

5--avgustda "Madrid" AQShdagi Xalqaro Chempionlar kubogi musobaqasidan qaytib keladi va 12-avgustda Kardriffda bo'lib o'tishi rejalashtirilgan UEFA Super kubogi uchun tayyorgarlikni davom ettiradi. Bundan tashqari 16-avgust kuni "Fiorentina" bilan o'rtoqlik o'yini ham bo'lib o'tadi.

Hozirda Ancelotti asosiy kuchlariga ega emas. Ko'pchilik futbolchi hozirda ta'tilda xordiq chiqarishmoqda. Murabbiy shu boisdan ham shogirdlarini AQShdagi musobaqada optimal formaga kiritib olish niyatida.

Mavsum boshidaniq "Atletico"ning raqib bo'lishi, yangi mavsumning "Real" uchun yuqorida darajada o'tishiga zamin yaratishi mumkin. O'tgan mavsumda "Real" Chempionlar ligasi finali va Ispaniya kubogi yarim finalida hamshaharlaridan ustunligini isbotladi. Afsuski, La Ligada kechgan derbilarda "qaymoqranglilar" "hindular"ni yenga olmadi (0:1; 2:2).

Ancelotti ham, Simeone ham super kubok uchun jamoasini astoyidil tayyorlaydi. "Blankoslar" esa bu mavsumda 6 kubokni qo'lga kiritish uchun kurashadi: ikki super kubok, Klublar o'rtasida jahon chempionati, Qirollik kubogi, La Liga va Chempionlar ligasi. "Atletico" ham bunga shunchaki qarab o'tirmaydi, ularning qalbida Lissabon stadionidagi alamlar arimagan.

www.merengues.ru

Fenómeno