Isco Alarcon asosiy tarkib uchun kurashishda davom etmoqchi, u taslim bo'lish niyatida emas. Garchand Isco mavsumoldi mashg'ulotlariga ertaroq kelgan bo'lsada, jamoaga keyin kelib qo'shilgan James hamda Krooslar Kardriffda super kubok uchun o'yinni ilk daqiqalardan tarkibda boshlashdi.

AQSh musobaqasida ham 22 yoshli "Oltin bola" maydonda ancha faol harakat qildi. Carlo Ancelotti uni "aldamchi to'qqizlik"da ham sinab ko'rdi. Chempionlar ligasi finalida esa Isco 30 daqiqa davomida jamoasiga yordam berdi.

Futbolchi Ancelottining 11 talik tarkibida 12-bo'lib qoldi. Ya'ni zaxiradan birinchi bo'lib maydonga tushadigan Isco, ba'zan esa Asier Illarralar hisoblanadi.

Isco Madridda qoldi va bugun "Fiorentina"ga qarshi o'rtoqlik uchrashuvida ishtirok etmaydi. U yaqin vaqtlar ichida ota bo'ladi. Qolaversa, oldinda kutilayotgan Ispaniya Super kubogidagi derbi bahsida murabbiy Isconi asosiy tarkibga tashlash niyatida. 

Esingizda bo'lsa, Fransisco o'tgan mavsum startida jamoa uchun bosh qahramonga aylanib, muhim ochkolarni taqdim etgan, keyinchalik Bale va Di Maria formasini tiklagach, u asosiy tarkibdagi o'rnini yo'qotdi.

www.merengues.ru

Fenómeno