Carlo Ancelotti sobiq yordamchisi Zinedine Zidane bilan ajoyib ish olib bordi. Uning ham murabbiy, ham futbolchi sifatida mashg'ulotlarda qatnashishi futbolchilarga qo'shimcha turtki berardi. Endi esa Zidane "Castilla"da, Fernando Hierro esa uning o'rnida.

"Carletto" Hierroga darhol dastlabki vazifani yukladi. Gap shundaki, o'tgan mavsum Ancelotti Zidanega Varane hamda Benzemalarni ham ruhan, ham jismonan maydonga tayyorlashni topshirgandi. Endi esa navbar Fernandoga.

Don Carlo Hierroga birinchi vazifa - "Isco missiyasi"ni topshirdi. Maqsad iste'dodli Fransisco Isco Alarconda mavjud, lekin ich-ichidan ochilmayotgan qirralarini maydonda ko'rsatib berishdan iborat. Hierro va Isco ikkisi ispan. Shunday ekan assistentga Isco bilan kelishib ketish oson bo'ladi. Isco hali yosh, shu sababli Ancelotti uning iste'dodini to'la maydonda kashf qilish uchun bu muhim vazifani yordamchisiga ishonib topshirdi.

Qolaversa, Hierro va Isco "Malaga"dagi faoliyatida birga ishlagan. Ancelotti Isco timsolida "Yangi Zeedorf"ni ko'rmoqchi.

www.merengues.ru

Fenómeno