Uchrashuvga hakam katta ta'sir o'tkazdi. Siz dastlabki daqiqalarda Ramos Costani yiqitganda hakam penalti bermadi deyishingiz mumkin, lekin Ronaldoning zarbasidan so'ng to'p raqib o'yinchisining qo'liga tekkanida ham shunday holat yuz berdi. Arbitr yakkakurashlarga imkon berdi. Ammo ko'proq raqibimizning foullarini "ko'rmay" qoldi. Mayli aybni o'zimizdan qidiraylik. Nima bo'lganda ham hakamga omad!

Bugun bizga g'alaba suv va havodek zarur edi, birinchidan "Atletico"dan 6 ochko o'zib ketardik, ikkinchidan "Bernabeu"dagi mag'lubiyat uchun revansh olinar. "Atletico" ko'p jabhalarda bizdan ustun bo'ldi desam, xato qilmayman. Xo'sh nega jamoa o'z o'yinini namoyish eta olmadi? Trio qayerga yo'qoldi? Benzema va Ronaldo gollarini, Balening Karimga bergan pasini hisobga olmasak, ular deyarli ko'rinishmadi. Har doimgiday Modric eng yaxshilardan bo'ldi. Pepe va Ramos ishonchli o'ynamadi. 

Lopez? Balki endi Ancelottining fahmi yetar kim yaxshiroq ekaniga. Diegoning bitta zaif tomoni tobora oydinlashmoqda - uzoqdan beriladigan zarbalar. Yodingizda bo'lsa oxirgi "Klassiko"da ham u shunga o'xshash gol o'tkazib yuborgan edi. Menimcha Ikerning qaytish vaqti keldi. 

Ronaldo? U bugun o'ziga o'xshamadi, lekin baribir bitta gol urdi. Odatda Cristiano yangi soch turmaklarida yorqin o'yin ko'rsatardi. Ammo bunday bo'lmadi. Bunda boshqalarning ham aybi bor. Bir o'zi hech narsa qila olmaydiku! Benzema haqida ham shunday deyishimiz mumkin.

Bugun yuta olmagan bo'lsa keyingi o'yinda yutadi. Nima bo'lsa ham hayot davom etadi. "Real Madrid"da 64 ochko bo'ldi, "Barca" g'alaba qozonsa ham birinchi o'rinda qolamiz. Kayfiyatimizni ko'taraylik!