Asosiy » 2013 Mart 6 » FUTBOLCHILAR O'YININI TAHLIL QILAMIZ
10:03 FUTBOLCHILAR O'YININI TAHLIL QILAMIZ | |
 Ajoyib tungi spektakl uchun har ikkala jamoa uchun minnatdorchilik bildirib qolamiz. Garchi "Man Utd" kamchilik bo'lib o'ynasada, so'nggi nafaslarigacha kurashib, uchrashuvni bezab yuborishdi. Lopez. Shu paytga qadar Diegoning ijrosidagi super seyvlarni ko'rmadik, lekin "qizil iblislar" kecha shunga majbur etishdi va biz posbondan nihoyatda mamnunmiz. 21'da o'yindagi dastlabki eng xavfli vaziyat paydo bo'lganda Lopez jamoani qutqarib qoldi, takroriy hujumni esa Khediraning Vidicni o'tkazib yuborish bilan bosh bilan bergan zarbasi darvoza to'riga borib tushmadi. 35'da u ketma-ket Persie va Welbeck zarbasini qaytardi. Qo'shib berilgan so'nggi daqiqalarda yana Vidicning bosh bilan berilgan zarbasini qaytara oldi. Varane. Raphaelda bu to'qnashuvda biroz hayajon sezildi. Umuman yaxshi harakat qildi, lekin bunday muhim o'yinlarda xatolar kechirilmaydi. Avtogolda uning hissasi ko'proq, chunki darvozadan qaytgan to'pni maydon tashqarisiga chiqarishdan ko'ra, uni saqlab qolishni afzal ko'rdi, natijada to'pni egallagan Luis Nani gol kiritilishida katta rol o'ynadi. Shunday bo'lsada Varane 18'da Nani, 41'da yakkama-yakka chiqib borgan Welbeckga "non qoldirmadi". Ramos. Sardor 48'da o'z darvozasini ishg'ol etib qo'ydi. Lekin bu tasodifan ro'y berdi va Sergio vaziyatni nazorat qila olmadi. 15'dagi hujumni yo'qqa chiqardi, 26' va 82'da Welbeckning kuchli zarbasini tanasiga qabul qilib oldi. Umuman olganda Ramos ham ajoyib o'yin o'tkazdi, o'ziga bo'lgan ishonch ancha baland edi. Arbeloa. Alvaro bilan katta voqealar bo'lmadi, o'z vazifasiga tartibli yondashishga harakat qildi, sariq kartochka ishlab oldi. Coentrao. Chap qanotda ancha ter to'kdi va hujumni to'ldirib bordi. Himoyada ham o'zini ko'rsatdi. 13'da Giggsga hujum uchun vaziyat qoldirmadi. Bu gal markaziy himoyamizda katta ishlar bo'ldi, qanotlarda esa kamroq. Alonso. Uning ham tayanch zonadagi himoyasi va shu qatorda sariq kartochka ishlamaganligi e'tiborga loyiq, endi u keyingi uchrashuvda maydonga tusha oladi. Raqibning himoyadagi ishonchli harakati Xabining shedevr uzatmalariga imkon bermadi. Khedira. Uning ishlari ham asosan Xabida bo'lganidek o'rta chiziqni ushlash bo'ldi. Faqat burchak zarbasida Vidicni qo'yib yubordi demasa, qolgan vaziyatlarda kurashlarda ancha mehnat qila oldi. Mesut Ozil. Uning pleymeykerlik ishlari yurishmadi, sababi - raqibning ajoyib mudofaasi. So'zsiz uning yuqori o'yini raqibning ojiz nuqtalariga bog'liq edi, lekin "MU" intizomli harakat qildi. Ozil shunday bo'lsa hamki, chalg'itivchi harakatlar va qisqa uzatmalari bilan jamoaviy o'yinda ishtirok etdi. Di Maria. Operatorlar uning 1-bo'limda olgan jarohatiga e'tiborimizni qaratishmadi, shu sababli uning maydonni tark etganda, qanchalik jarohat olganligini bilish qiyin edi. Agar Angel ko'proq maydonda bo'lganida biz uning hujumkorligiga guvoh bo'lardik. Ronaldo. Madridda bo'lganidek, CR7 raqiblarning siquvi ostida bo'ldi. Ammo shunday bosim ichida u yana bir bor sobiq jamoasi darvozasini ishg'ol etib, g'alaba goliga mualliflik qildi. "Old Trafford"da u maqsadiga erishdi. ChLda "MU"ga urgan 7 va 8-golini nishonlashni istamadi. E'tibor qildingizmi, u to'p kiritgach "Old Trafford"dan qo'lini ko'tarib uzr so'radi. Barakalla Roni. Higuain. Pipito o'yindan-o'yinga ochilib borayapti, diqqat qilsangiz har bir bahsda asosan orqaroqqa qaytib ko'pincha pleymeykerlik ham qilayapti. U o'yinni yuqori darajada o'tkazdi. Bir vaziyatda uning paslatib bergan kuchli uzatmasiga CR7 tushunmay, kech qoldi, lekin keyingi Gonzaloning assistentligini havoga sovurmadi. Kaka'. Tiki Taka Angel o'rnida harakat qildi va "Real"ning hujumiga zo'r berdi. U formasini tobora yaxshilamoqda. 90'da Kaka' jarima maydonchasini yorib kirdi va CR7ni payqagan raqiblar uni berkitishi bilan darhol darvozaga ajoyib trayektoriyali zarba berdi, De Geani darvoza ustunigina qutqarib qoldi. Pepe. Kepler Lima o'yin taqdiri blankoslar foydasiga hal bo'lganda himoya chizig'ini mustahkamlab, uni to'ldirib borishga harakat qildi. Modric. Biz hursandmizki, Luca so'nggi klassiko va mazkur o'yinida haqiqiy Modricni namoyon etdi. Maydonga Arbeloa o'rniga tushgan xavbek olqishga munosib qahramon bo'ldi, 66'da himoyachini chalg'itib, jarima maydonchasi tashqarisidan bergan zarbasi va goliga guvoh bo'dik. Bu o'yin tizginini "Real"ga olib berdi, zarba haqiqatdan mukammal chiqqan edi. O'yin qahramoni kim bo'lishi mumkin? Albatta bunga Diego Lopez, Luca Modric va Cristiano Ronaldolar munosib. Lekin sizga ma'qul bo'lsa, yana murabbiy Jose Mourinhoni tanlasak. Chunki raqib 10 kishi qolganda u himoyachini olib tashlab, yana bir xavbek - Modricni tashladi, tanlov esa juda to'g'ri chiqdi. Uning vaziyatga mukammal yondashishi, o'yin davomida futbolchilarni olqishlab turishi mutaxassisni yana bir bor katta sahnaga olib chiqdi. Har uchala o'zgartirishlar o'z o'rnida amalga oshirlidi. Haqiqatda u "benazir"lik qildi. O'yin omadsizi: Bu - jamoasini oldinga olib chiqishda tashabbus ko'rsatgan, lekin qizil kartochka bilan "siylangan" Luis Nanidir. Mag'lubiyatga uchragan "Man Utd"ning shunday yuqori va hayajonli daqiqalarni olib kelganligi uchun minnatdorchilik bildiramiz, ular ham g'alaba munosib edilar. Juneid Cakir "Real"ning bu natijasiga yaxshigina hissa qo'shib yubordi. Nani chetlatilgan vaziyatda aniq fikr bildira olmaymiz, bir tomondan qizil kartochkaga munosib emas edi desak, ikkinchi tomondan Arbeloaga bergan kuchli zarbasi o'ta xavfli bo'lsa nima ham deymiz? Aytish mumkinki, Nani bunday bo'lishini istamagan edi. Xato va kamchiliklar bo'lsa, ma'zur tutasizlar. Yana bir bor chorak final yo'llanmasi muborak bo'lsin! RM_CRISHTU_7 | |
|
| |
| Barcha fiklar: 20 | |||||||||||||||||||||||||||||||||||||||||||||||||||||||||||||||||||||||||||||||
KIRISH
mediabay.uz
Timer
keyingi uchrashuv
so'ngi uchrashuv
La liga jadvali
Liga to'purarlari
SUHBAT
lex.uz
saytda
ONLINE: 12 RO'YXATDAN O'TMAGAN FOYDALANUVCHILAR: 12 MADRIDISTLAR: 0
Mobil ko'rinish
RONALMADRID (ADMINISTRATOR) © 2024
| |||||||||||||||||||||||||||||||||||||||||||||||||||||||||||||||||||||||||||||||
0
